మదర్ రోల్స్‌కు రెడీ అంటున్న హీరోయిన్స్.. బ్యూటీ కెరీర్‌కు ఏమాత్రం ప్రాబ్లమ్‌ లేదట..
ఒక వేళ మదర్ రోల్స్ చేశారా... ఇక అంతే సంగతి.. కెరీర్ అటకెక్కినట్టే అని ఫిక్స్ అయ్యే వారు. కానీ ఇప్పుడు ట్రెండ్ మారింది. ఓ కమర్షియల్ సినిమాలు చేస్తూనే తల్లి పాత్రలకు కూడా రెడీ అంటున్నారు ఈ జనరేషన్ హీరోయిన్స్.
Updated on: Sep 29, 2022 | 9:08 PM
గతంలో హీరోయిన్స్ అంటే గ్లామర్ రోల్స్ మాత్రమే చేయాలన్న ఫార్ములాను పక్కాగా ఫాలో అయ్యే వారు. ఒక వేళ మదర్ రోల్స్ చేశారా… ఇక అంతే సంగతి.. కెరీర్ అటకెక్కినట్టే అని ఫిక్స్ అయ్యే వారు. కానీ ఇప్పుడు ట్రెండ్ మారింది. ఓ కమర్షియల్ సినిమాలు చేస్తూనే తల్లి పాత్రలకు కూడా రెడీ అంటున్నారు ఈ జనరేషన్ హీరోయిన్స్. ఆ మధ్య క్రాక్ సినిమాతో బౌన్స్‌ బ్యాక్ అయిన శ్రుతి హాసన్‌ ఆ సినిమాలో ఓ కుర్రాడికి తల్లిగా కనిపించి మెప్పించారు. గ్లామర్ ఫీల్డ్‌లో హీరోయిన్‌గా స్టార్ ఇమేజ్‌ అందుకోకముందే మదర్ రోల్‌కి షిప్ట్ అయి అందరికీ షాక్ ఇచ్చారు. కానీ ఆ ఎఫెక్ట్ ఈ బ్యూటీ కెరీర్ మీద ఏ మాత్రం పడలేదు. ప్రజెంట్ సౌత్‌లో బిజీగా హీరోయిన్‌గా కంటిన్యూ అవుతున్నారు శ్రుతి.
కోవిడ్ టైమ్‌లో కీర్తి సురేష్‌ కూడా మదర్ రోల్‌లో మెప్పించారు. పెంగ్విన్ సినిమాలో తల్లి పాత్రలో నటించిన కీర్తి… తరువాత తన గ్లామర్ ఇమేజ్‌ను అలాగే కంటిన్యూ చేస్తున్నారు. ప్రజెంట్ స్టార్ హీరోలకు బెస్ట్ ఛాయిస్ అన్న లిస్ట్‌లో టాప్‌లో ఉన్నారు కీర్తి సురేష్‌.
లేడీ సూపర్ స్టార్ నయనతార అయితే ఎప్పటి నుంచే ఇలాంటి రిస్కీ రోల్స్‌కు రెడీ అంటున్నారు. విశ్వాసం సినిమాలో టీనేజ్ అమ్మాయికి మదర్‌గా నటించిన నయన్‌… రీసెంట్‌గా ‘ఓ2’ అనే డిజిటల్ మూవీలోనూ మదర్ రోల్‌లో నటించారు.
టాలీవుడ్ సెన్సేషన్ సమంత కూడా తల్లి పాత్రకు రెడీ అంటున్నారు. ఆ మధ్య ఓ బేబీ సినిమాలో కొద్ది క్షణాలు పాటు తల్లి పాత్రలో కనిపించిన సామ్‌… మైథలాజికల్‌ మూవీగా రూపొందుతున్న శాకుంతలం సినిమాలో భరతుడి తల్లిగా కనిపించబోతున్నారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
