ఆ హీరోతో సినిమా చేయడం నా కల.. చిన్న రోల్ దొరికిన వదులుకోను..!! మనసులో మాట బయటపెట్టిన రితిక

టాలీవుడ్ ప్రేక్షకులను కొత్త అందాలు పలకరిస్తున్నాయి. యంగ్ బ్యూటీస్ రీసెంట్ డేస్ లో ఓవర్ నైట్ లో స్టార్ డమ్ తెచ్చుకుంటున్నారు. ఒకే ఒక్క సినిమాతో పాపులర్ అయిన ముద్దుగుమ్మలు చాలా మంది ఉన్నారు. అలాంటి వారిలో రితిక నాయక్ ఒకరు. ఈ ముద్దుగుమ్మ చేసింది తక్కువ సినిమాలే కానీ విపరీతమైన క్రేజ్ తెచ్చుకుంది.

Ritika Nayak

Rajeev Rayala |
Updated on: Mar 09, 2026 | 10:33 AM

ప్రస్తుతం ఇండస్ట్రీలో చాలా మంది ముద్దుగుమ్మలు ఒకే ఒక్క సినిమాతో ఓవర్ నైట్ లో స్టార్స్ గా మారిపోతున్నారు. తక్కువ సినిమాలతోనే విపరీతమైన క్రేజ్ తెచ్చుకుంటున్న హీరోయిన్స్ లో రితికా నాయక్ ఒకరు. తన క్యూట్ లుక్స్ తో ఈ చిన్నది కుర్రాళ్లను కట్టిపడేస్తుంది. ఈ బ్యూటీ తక్కువ సినిమాలతోనే పాపులర్ అయ్యింది. ఈ యంగ్ బ్యూటీ విశ్వక్ సేన్ నటించిన అశోకవనంలో అర్జున కళ్యాణం సినిమాతో తెలుగు ప్రేక్షకులను పలకరించింది. తొలి సినిమాతోనే తన అందంతో ఆకట్టుకుంది. క్యూట్ పర్ఫామెన్స్ తో ఆకట్టుకుంది ఈ అమ్మడు. ఇక ఇటీవలే ఈ ఆముద్దుగుమ్మ మిరాయ్ సినిమాతో ప్రేక్షకుల ముందుకు వచ్చింది. యంగ్ హీరో తేజ సజ్జ హీరోగా నటించిన మిరాయ్ మంచి విజయాన్ని అందుకుంది. ఇక ఇప్పుడు ఈ అమ్మడు మరుస సినిమాలతో దూసుకుపోతుంది.

వరుణ్ తేజ్ హీరోగా నటిస్తున్న కొరియన్ కనకరాజు అనే సినిమాలో నటిస్తుంది రితిక నాయక్. ఈ సినిమా షూటింగ్ శరవేగంగా జరుగుతుంది. కాగా రితికా నాయక్.. ఢిల్లీకి చెందిన ఈ ముద్దుగుమ్మ మోడలింగ్ ద్వారా కెరీర్ ప్రారంభించింది. ఆతర్వాత నటిగా మారి ప్రేక్షకులను అలరిస్తుంది. ఆమె ప్రధానంగా తెలుగు చలనచిత్ర పరిశ్రమలో పనిచేస్తుంది. మొదటి సినిమాతోనే నటిగా మంచి మార్కులు కొట్టేసింది. కానీ ఈ సినిమా తర్వాత అమ్మడుకు అంతగా ఆఫర్స్ రాలేదు. నాని నటించిన హాయ్ నాన్న మూవీలో చిన్న పాత్రలో మెరిసింది.

ఇవి కూడా చదవండి

ఇక ఇప్పుడు ఈ బ్యూటీ క్రేజీ ఆఫర్స్ అందుకుంటుంది. తాజాగా రితికా నాయక్ తనకు ఓ స్టార్ హీరోతో కలిసి నటించాలని ఉందని తెలిపింది. ఆ హీరో ఎవరో కాదు ఐకాన్ స్టార్ , నేషనల్ అవార్డు విన్నర్ అల్లు అర్జున్. అల్లు అర్జున్ తో నటించడం అనేది నా కల. ఆయన సినిమాలో ఎలాంటి పాత్ర అయినా సరే.. ఎలాంటి సినిమా అయినా సరే నేను నటిచడానికి రెడీ. చిన్న పాత్ర అయినా సరే నటిస్తా అని రితికా నాయక్ చెప్పుకొచ్చింది. ఈ కామెంట్స్ ఇప్పుడు ఇండస్ట్రీలో హాట్ టాపిక్ గా మారింది. ఇక రితిక సోషల్ మీడియాలోనూ చాలా యాక్టివ్ గా ఉంటుంది. రెగ్యులర్ గా క్రేజీ ఫోటోలు షేర్ చేస్తూ అభిమానులను ఆకట్టుకుంది ఈ అందాల తార.