Yatra 2: ‘ఒక్కటి గుర్తుపెట్టుకోండి.. నేను వైఎస్ రాజశేఖర్ రెడ్డి కొడుకును’.. యాత్ర 2 మోషన్ పోస్టర్ రిలీజ్..

Yatra 2: ‘ఒక్కటి గుర్తుపెట్టుకోండి.. నేను వైఎస్ రాజశేఖర్ రెడ్డి కొడుకును’.. యాత్ర 2 మోషన్ పోస్టర్ రిలీజ్.. 2019లో ఎన్నికల సమయంలో వచ్చిన యాత్ర సినిమా మంచి విజయాన్ని అందుకున్న సంగతి తెలిసిందే. మాజీ ముఖ్యమంత్రి దివంగత నేత వైఎస్ రాజశేఖర్ రెడ్డి పాదయాత్ర ఆధారంగా తెరకెక్కిన ఈ సినిమాలో వైఎస్ పాత్రలో మలయాళ హీరో మమ్ముట్టి నటించారు. డైరెక్టర్ మహీ వి రాఘవ్ దర్శకత్వం వహించిన ఈ సినిమాకు మంచి రెస్పాన్స్ వచ్చింది. ఇక ఇప్పుడు ప్రస్తుతం ఏపీ సీఎం వైఎస్ జగన్ మోహన్ రెడ్డి కథ ఆధారంగా యాత్ర 2 సినిమాను రూపొందిస్తున్నారు. ఇప్పటికే ఈ ప్రాజెక్టును అధికారికంగా ప్రకటిస్తూ టైటిల్ పోస్టర్ రిలీజ్ చేశారు మేకర్స్. ఇక శనివారం యాత్ర 2 మోషన్ పోస్టర్ రిలీజ్ చేశారు. ఒక నిమిషం పాటు ఉన్న ఆ వీడియోలో.. యానిమేటెడ్ జగన్ నడుస్తూ ఉంటే బ్యాగ్రౌండ్ వాయిస్ వస్తుంటుంది.

‘నమస్తే బాబు.. నమస్తే అక్కయ్యా.. నమస్తే చెల్లెమ్మా నమస్తే.. నమస్తే ..’ అంటూ ఆనాడు వైఎస్ మాట్లాడిన గొంతును మరోసారి ఈ వీడియోలో వినిపించారు డైరెక్టర్. ఇక ఆ తర్వాత.. “నేనెవరో ఇంకా ఈ ప్రపంచానికి తెలియకపోవచ్చు. కానీ ఒక్కటి గుర్తుపెట్టుకోండి. నేను వైఎస్ రాజశేఖర్ రెడ్డి కొడుకుని. నేను విన్నాను నేను ఉన్నాను” అంటూ జగన్ వాయిస్ ఓవర్ వినిపిస్తోంది. ఇక ఈ సినిమాకు ప్రాజెక్ట్ కె చిత్రానికి మ్యూజిక్ అందిస్తోన్న సంతోష్ నారాయణ్ సంగీతం అందిస్తున్నారు. తాజాగా విడుదలైన మోషన్ పోస్టర్ గ్లింప్స్ ఆకట్టుకుంటుంది. అంతేకాకుండా ఆ వీడియోలో వచ్చిన బ్యాగ్రౌండ్ స్కోర్ బాగుంది.

ఈ సినిమాను V సెల్యులాయిడ్స్, త్రీ ఆటమ్ లీవ్స్ బ్యానర్స్ సంయుక్తంగా నిర్మిస్తున్నాయి. ఇక ఇందులో వైఎస్ జగన్ పాత్రలో కోలీవుడ్ స్టార్ జీవా నటించనున్నట్లు వార్తలు వినిపిస్తున్నాయి. అయితే ఈ విషయంపై అధికారిక ప్రకటన రావాల్సి ఉంది. ఈ చిత్రాన్ని వచ్చే ఏడాది విడుదల చేయనున్నారు. జగన్ పాదయాత్ర దగ్గర నుంచి సినిమా స్టార్ట్ అయ్యి సీఎంగా ప్రమాణ స్వీకారం చేయడంతో పూర్తవుతుందని గతంలో డైరెక్టర్ తెలిపారు.

ఇవి కూడా చదవండి

Salaar: ఆ దేశ ఆర్మీతో ప్రభాస్ పోరాటం.. సలార్ స్టోరీ లీక్.. ప్రశాంత్ నీల్ ప్లాన్ అదిరిపోయిందిగా..

Rakul Preeth Singh: పాపం.. రకుల్ కష్టాలు.. బార్బీ డాల్‏గా టాలీవుడ్ బ్యూటీ..

Thalapathy Vijay: విజయ్ బెదిరిస్తున్నారు.. వెంటనే అరెస్ట్ చేయండి.. దళపతి పై సంచలన ఆరోపణలు చేసిన ప్రియ..

Project K: ‘ప్రాజెక్ట్ కె’ మేకర్స్ ప్రౌడ్ మూమెంట్.. ఎగ్జైటింగ్‏గా ఉందంటూ ప్రభాస్ పోస్ట్.. 

మరిన్ని సినిమా వార్తల కోసం ఇక్కడ క్లిక్ చేయండి.