Nani : నానికి జోడీగా స్టార్ హీరోయిన్.. ఏకంగా ఆ పాన్ ఇండియా బ్యూటీని రంగంలోకి దింపనున్న నేచురల్ స్టార్

ప్రేక్షకుల్లో నాని సినిమా వస్తుందంటే ప్రత్యేక ఆసక్తి ఉంటుంది. నాని సినిమాలంటే ఎంటర్టైన్మెంట్ కు మినిమమ్ గ్యారెంటీ. అలాగే వైవిధ్యమైన కథలు ఎంచుకుంటూ సినిమాలు చేసి ఆకట్టుకుంటున్నాడు. రీసెంట్ గా నాని నటించిన సరిపోదా శనివారం సినిమా పాన్ ఇండియా మూవీగా రిలీజ్ అయ్యింది.

Nani

Updated on: Oct 02, 2024 | 7:29 AM

నేచురల్ స్టార్ నాని వరుస విజయాలతో ఫుల్ జోష్ మీదున్నాడు. దసరా , హాయ్ నాన్న ఇప్పుడు సరిపోదా శనివారం సినిమాలతో హ్యాట్రిక్ హిట్స్ అందుకున్నాడు నాని. ప్రేక్షకుల్లో నాని సినిమా వస్తుందంటే ప్రత్యేక ఆసక్తి ఉంటుంది. నాని సినిమాలంటే ఎంటర్టైన్మెంట్ కు మినిమమ్ గ్యారెంటీ. అలాగే వైవిధ్యమైన కథలు ఎంచుకుంటూ సినిమాలు చేసి ఆకట్టుకుంటున్నాడు. రీసెంట్ గా నాని నటించిన సరిపోదా శనివారం సినిమా పాన్ ఇండియా మూవీగా రిలీజ్ అయ్యింది. ఈ సినిమా కు వివేక్ ఆత్రేయ దర్శకత్వం వహించాడు. ఈ సినిమాలో నాని రెండు డిఫరెంట్ షేడ్స్ ఉన్న పాత్రల్లో కనిపించి మెప్పించాడు. ఇక ఇప్పుడు ఈ సినిమా ఓటీటీలోనూ అదరగొడుతోంది. థియేటర్స్ లో దుమ్మురేపిన సరిపోదా శనివారం సినిమా ఓటీటీలోనూ టాప్ లో ఉంది.

ఇది కూడా చదవండి : Devara : దేవరలో నటించిన ఈమె గుర్తుందా.? బయట చూస్తే పిచ్చెక్కిపోవాల్సిందే

నెట్ ఫ్లిక్స్ లో టాప్ వన్ లో ట్రెండ్ అవుతోంది సరిపోదా శనివారం సినిమా.. ఇదిలా ఉంటే ఇప్పుడు నాని కొత్త సినిమా పనుల్లో బిజీ కానున్నాడు. నాని ‘హిట్‌ 3’ సినిమా చేస్తున్న విషయం తెలిసిందే. క్రైమ్ థ్రిల్లర్ గా తెరకెక్కిన హిట్, హిట్ 2 సినిమాలు మంచి విజయాలను అందుకున్నాయి. హిట్ లో విశ్వక్ సేన్, హిట్ 2లో అడవి శేష్ హీరోలుగా నటించారు. కాగా ఇప్పుడు హిట్ 3లో నాని నటిస్తున్నాడు. అలాగే ఈ సినిమాలకు నిర్మాతగానూ వ్యవహరిస్తున్నాడు నాని.

ఇది కూడా చదవండి :బాబోయ్..! భరణి సినిమా హీరోయిన్ ఎంత మారిపోయింది.. కుర్రహీరోయిన్స్ కూడా కుళ్ళుకోవాల్సిందే

శైలేశ్‌ కొలను ఈ సినిమాకు దర్శకత్వం వహిస్తున్నాడు. ఇదిలా ఉంటే ఈ సినిమాలో నాని సరసన స్టార్ హీరోయిన్ నటిస్తుందని తెలుస్తోంది. కేజీఎఫ్ సినిమాతో ప్రేక్షకులను ఆకట్టుకున్న శ్రీనిధి శెట్టి ఈ సినిమాలో హీరోయిన్ గా చేస్తుందని అంటున్నారు. యష్ హీరోగా నటించిన కేజీఎఫ్ సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. ఈ సినిమాలో శ్రీనిధి శెట్టి తన అందంతో పాటు నటనతోనూ కట్టుకుంది. ఆతర్వాత ఈ భామ విక్రమ్ సరసన కోబ్రా అనే సినిమా చేసింది. ఆ సినిమా అంతగా ఆకట్టుకోలేకపోయింది. ఇక ఇప్పుడు నాని సినిమాలో హీరోయిన్ గా ఛాన్స్ అందుకుందని తెలుస్తోంది. త్వరలోనే దీని పైకి అఫీషియల్ అనౌన్స్ మెంట్ ఇవ్వనున్నారు మేకర్.