Serial Actress: తస్సాదియ్యా.. సొంతంగా ప్రైవేట్ విమానం కొన్న సీరియల్ బ్యూటీ.. ఎవరంటే..

చేసేది సీరియల్స్.. కానీ స్టార్ హీరోయిన్లకు మించిన క్రేజ్. అందం, అభినయంతో బుల్లితెరపై తనదైన ముద్ర వేసింది. ఇన్నాళ్లు తమిళం, తెలుగులో పలు సీరియల్స్ ద్వారా ఫేమస్ అయిన ఈ అమ్మడు.. ఇప్పుడు సొంతంగా విమానం కొనేసింది. ఇంతకీ ఆమె ఎవరో తెలుసా.. ? అయితే వివరాలు తెలుసుకోవాల్సిందే.

Actress Ayesha

Rajitha Chanti |
Updated on: Jul 19, 2025 | 4:45 PM

ప్రస్తుతం స్టార్ హీరోయిన్లతోపాటు సీరియల్ బ్యూటీలకు సైతం విపరీతమైన ఫ్యాన్ ఫాలోయింగ్ ఉందన్న సంగతి తెలిసిందే. పలు సీరియల్స్ చేస్తూ ఫ్యామిలీ ప్రేక్షకులను ఆకట్టుకుంటున్న కొందరు ముద్దుగుమ్మలకు నెట్టింట ఓ రేంజ్ క్రేజ్ ఉంది. తక్కువ సమయంలోనే బుల్లితెరపై తమదైన ముద్ర వేసిన భామలు చాలా మంది ఉన్నారు. ఇప్పుడు మనం మాట్లాడుకుంటున్న ఓ హీరోయిన్ మాత్రం ఏకంగా సొంతంగా ప్రైవేట్ జెట్ కొనుగోలు చేసింది. ఇక ఇప్పుడు ఇదే విషయం నెట్టింట హాట్ టాపిక్ అయ్యింది. ఇంతకీ ఆ సీరియల్ బ్యూటీ ఎవరో తెలుసుకోవాలనుకుంటున్నారా.. ? అయితే ఈ విషయాలు తెలుసుకోవాల్సిందే. ఇప్పుడు మనం మాట్లాడుకుంటున్న సీరియల్ అమ్మడి పేరు ఆయేషా. తమిళం, తెలుగు సినీప్రియులకు సుపరిచితమైన పేరు.

ఇన్నాళ్లు సీరియల్స్ చేసిన ముద్దుగుమ్మ.. ప్రస్తుతం సినిమాల్లోనూ అవకాశాలు అందుకుంటుంది. సీరియల్స్ ద్వారా ఫేమస్ అయిన ఆయేషా.. ఇటీవల హీరో విజయ్ ఆంటోని ప్రధాన పాత్రలో రూపొందిస్తున్న లాయర్ చిత్రంలో ఛాన్స్ కొట్టేసింది. ఈ సినిమాతోపాటు తమిళంలో వచ్చే సూపర్ క్వీన్ షోలో పాల్గొంటుంది. అయితే కేవలం తమిళంలోనే కాదు.. ఆయేషా తెలుగు ప్రేక్షకులకు సైతం సుపరిచితమే. గతంలో సావిత్రమ్మ గారి కొడుకు సీరియల్ ద్వారా తెలుగు తెరకు పరిచయమైంది. ఆ తర్వాత పలు సీరియల్స్ చేసింది.

ఇవి కూడా చదవండి

ఇదిలా ఉంటే.. కొన్నాళ్లుగా తెలుగులో సీరియల్స్ చేయడం లేదు ఆయేషా. కానీ తమిళంలో వరుస సీరియల్స్, సినిమాలతో బిజీగా ఉంటుంది. మరోవైపు నెట్టింట కూడా చాలా యాక్టివ్ గా ఉంటుంది. నిత్యం ఏదోక పోస్ట్ చేస్తూ సందడి చేస్తుంటుంది. తాజాగా ఓ ప్రైవేట్ జెట్ లో కూర్చుని ఫోటోలకు ఫోజులిచ్చింది. ఆఫోటోలను తన ఇన్ స్టాలో షేర్ చేయడంతో.. ఆయేషా నిజంగానే ఫ్లైట్ కొన్నారా అని ప్రశ్నలు కురిపిస్తున్నారు నెటిజన్స్. అయితే ఈ విషయంలో ఇంతవరకు క్లారిటీ రాలేదు.