Sita Ramam: సీతారామం నుంచి మరో పాత్ర.. కూల్ డ్రింక్ తాగుతున్న ఇతగాడు ఎవరో గుర్తుపట్టారా.?
అందాల రాక్షసి సినిమాతో దర్శకుడిగా ఎంట్రీ ఇచ్చారు హన్ను రాఘవపూడి. తొలి సినిమాతోనే మంచి అభిరుచు కలిగిన దర్శకుడిగా పేరు తెచ్చుకున్నాడు.
Updated on: Jul 14, 2022 | 8:30 AM
అందాల రాక్షసి సినిమాతో దర్శకుడిగా ఎంట్రీ ఇచ్చారు హన్ను రాఘవపూడి. తొలి సినిమాతోనే మంచి అభిరుచు కలిగిన దర్శకుడిగా పేరు తెచ్చుకున్నాడు. ఆ తర్వాత వైవిధ్యమైన కథలను తెరకెక్కిస్తూ ప్రేక్షకులను ఆకట్టుకున్నాడు. ఇక ఇప్పుడు సీతారామం(Sita Ramam)అనే అందమైన ప్రేమ కథతో ప్రేక్షకుల ముందుకు రానున్నాడు. మలయాళ స్టార్ హీరో దుల్కర్ సల్మాన్ నటిస్తోన్న ఈ సినిమాలో మృణాళిని ఠాకూర్ హీరోయిన్ గా నటిస్తోంది. రష్మిక మందన్న ఈ సినిమా కాశ్మీరీ ముస్లీమ్ యువతీ పాత్రలో కనిపించనుంది. యుద్ధం నేపథ్యంలో తెరకెక్కుతున్న ఎపిక్ లవ్ స్టొరీ ‘సీతారామం’. అలాగే ఈ చిత్రంలో కీలక పాత్రల కోసం ప్రముఖ నటీనటులను ఎంచుకున్నారు నిర్మాతలు. ప్రతి పాత్ర వినూత్నంగా పరిచయం చేస్తున్న ఈ చిత్రంపై భారీ అంచనాలు నెలకొన్నాయి.
అఫ్రీన్ పాత్రలో రష్మిక మందన్న నటిస్తుండగా, బ్రిగేడియర్ విష్ణు శర్మగా అక్కినేని సుమంత్ కనిపించనున్నారు. తాజాగా తరుణ్ భాస్కర్ పాత్రను బాలాజీగా పరిచయం చేశారు. ఈ లుక్ లో కూల్ డ్రింక్ తాగుతున్న తరుణ్ భాస్కర్ చాలా ట్రెండీగా కనిపించారు. బాలాజీ పాత్రని పరిచయం చేస్తూ విడుదల చేసిన వీడియో కూడా ఆసక్తికరంగా వుంది. ”బాలాజీ హై నా.. సబ్ సంభాల్ లేగా(బాలాజీ వున్నాడు.. అంతా చూసుకుంటాడు) అని తరుణ్ భాస్కర్ చెప్పిన డైలాగ్ ఆయన పాత్రపై క్యూరియాసిటీని పెంచింది. ‘సీతారామం’లోప్రతి పాత్ర కోసం మేకర్స్ తీసుకున్న శ్రద్ధ ప్రమోషనల్ కంటెంట్ చూస్తుంటే అర్దమౌతుంది. వైజయంతీ మూవీస్ సమర్పణలో స్వప్న సినిమా పతాకంపై అశ్వినీ దత్ ఈ చిత్రాన్ని భారీగా నిర్మిస్తున్నారు. పిఎస్ వినోద్ సినిమాటోగ్రఫీ అందిస్తున్న ఈ చిత్రానికి విశాల్ చంద్రశేఖర్ సంగీతం అందించారు. తెలుగు, తమిళం, మలయాళ భాషల్లో ఏకకాలంలో రూపొందుతున్న ఈ చిత్రం ఆగస్ట్ 5న ప్రేక్షకుల ముందుకు వస్తోంది.
