Movies: సినీ లవర్స్‌కు ఈ వీకెండ్‌ పండగే.. థియేటర్లు, ఓటీటీల్లో విడుదలవుతోన్న సినిమాలివే..

Movies: శుక్రవారం వచ్చిందంటే చాలు సినీ లవర్స్‌ కొత్త సినిమాల కోసం ఎదురు చూస్తుంటారు. మొన్నటి వరకు వారంతం అంటే కేవలం థియేటర్లలో సినిమాల కోసం ఎదురు చూసే వారు కానీ ప్రస్తుతం ఈ స్థానంలోకి ఓటీటీ ప్లాట్‌ఫామ్‌లు...

Narender Vaitla |
Updated on: Jul 14, 2022 | 7:49 AM

Movies: శుక్రవారం వచ్చిందంటే చాలు సినీ లవర్స్‌ కొత్త సినిమాల కోసం ఎదురు చూస్తుంటారు. మొన్నటి వరకు వారంతం అంటే కేవలం థియేటర్లలో సినిమాల కోసం ఎదురు చూసే వారు కానీ ప్రస్తుతం ఈ స్థానంలోకి ఓటీటీ ప్లాట్‌ఫామ్‌లు కూడా వచ్చి చేరాయి. దీంతో అటు థియేటర్లు ఇటు ఓటీటీల్లో సినిమాలు చూస్తూ వారంతాన్ని తెగ ఎంజాయ్‌ చేస్తున్నారు. మరి ఈ వారం థియేటర్లలో, ఓటీటీల్లో విడుదలకు సిద్ధంగా ఉన్న సినిమాలు ఏంటి.? ఏ తేదీల్లో విడుదల కానున్నాయో ఓ లుక్కేయండి..

థియేటర్లలో సందడి చేయనున్న చిత్రాలివే..

ది వారియర్‌..

సినీ లవర్స్‌ ఎంతగానో ఆతృతగా ఎదురు చూస్తున్న చిత్రం వారియర్‌, రామ్‌ పోతినేని హీరోగా తెరకెక్కిన ఈ సినిమాకు లింగుస్వామి దర్శకత్వం వహిస్తున్నాడు. ఇక ఈ సినిమాలో రామ్‌కు జోడిగా కృతిశెట్టి నటిస్తోంది. ఈ సినిమా జులై 14 (నేడు) థియేటర్లలో విడుదల కానుంది.

గార్గి..

సాయిపల్లవి నటనకు ప్రాధాన్యత ఉన్న మరో పాత్రలో నటిస్తోన్న చిత్రం గార్గి. యథార్థ సంఘటనల ఆధారంగా తెరకెక్కిన ఈ సినిమాకు గౌతమ్‌ రామచంద్రన్‌ దర్శకత్వం వహించాడు. ఈ సినిమా థియేటర్లలో జులై15న విడుదల చేయనున్నారు.

ఇవి కూడా చదవండి

అమ్మాయి: డ్రాగన్‌ గర్ల్

రామ్‌ గోపాల్‌ వర్మ దర్శకత్వంలో తెరకెక్కిన ఈ సినిమా జులై 15న థియేటర్లలో విడుదలకానుంది. మార్షల్‌ ఆర్ట్స్‌, ప్రేమ నేపథ్యంలో తెరకెక్కిన ఈ సినిమాపై మంచి అంచనాలే ఉన్నాయి.