Rajinikanth’s Jailer:హైదరాబాద్‌లోనే సూపర్ స్టార్ సినిమా షూటింగ్.. షురూ అయ్యేది అప్పటినుంచే
సూపర్ స్టార్ రజినీకాంత్ ఇటీవలే అన్నత్తే సినిమాతో ప్రేక్షకుల ముందుకు వచ్చారు. ఈ సినిమా సూపర్ స్టార్ ఫ్యాన్స్ ను ఆశించిన స్థాయిలో ఆకట్టుకోలేకపోయింది.
సూపర్ స్టార్ రజినీకాంత్(Rajinikanth) ఇటీవలే అన్నత్తే సినిమాతో ప్రేక్షకుల ముందుకు వచ్చారు. ఈ సినిమా సూపర్ స్టార్ ఫ్యాన్స్ ను ఆశించిన స్థాయిలో ఆకట్టుకోలేకపోయింది. దాంతో రజిని నెక్స్ట్ సినిమాకోసం ఎంతో ఆసక్తిగా ఎదురు చూస్తన్నారు ఆయన ఫ్యాన్. సూపర్ స్టార్ కెరీర్ లో 169 సినిమా ఈ మూవీ రానుంది. ఈ సినిమాకు నెల్సన్ దిలీప్ కుమార్ దర్శకత్వం వహిస్తున్నారు. నెల్సన్ దిలీప్ కుమార్ ఇటీవలే దళపతి విజయ్ తో బీస్ట్ సినిమాను తెరకెక్కించిన విషయం తెలిసిందే. ఈ మూవీ బాక్సాఫీస్ దగ్గర బోల్తా కొట్టింది. భారీ అంచనాల మధ్య రిలీజ్ అయిన బీస్ట్ మూవీ అభిమానులను నిరాశపరిచింది. దాంతో ఇప్పుడు సూపర్ స్టార్ సినిమాతో ఎలాగైన హిట్టు కొట్టాలని కసిమీదున్నాడు నెల్సన్. ఈ సినిమాను జైలర్ అనే టైటిల్ ను ఖరారు చేశారు.
ఇప్పటికే విడుదలైన ఈ సినిమా టైటిల్ పోస్టర్ సినిమాపై అంచనాలను అమాంతం పెంచేసింది. ఈ సినిమాషూటింగ్ త్వరలోనే ప్రారంభం కానుంది. ఈ సినిమా షూటింగ్ ను వెచ్చే నెలనుంచి జరపాలని మేకర్స్ సన్నాహాలు చేస్తున్నారు. హైదరాబాద్ లో ఈ సినిమా షూటింగ్ ను నిర్వహించనున్నారు. రామోజీ ఫిల్మ్ సిటీలో ఈ సినిమా కోసం కొన్ని భారీ సెట్స్ వేయిస్తున్నారట. మేజర్ పార్టు షూటింగు ఇక్కడే జరగనుందని అంటున్నారు. ఈ సినిమా సన్ పిచర్స్ భారీ బడ్జెట్ తో తెరకెక్కించనుంది. ఈ సినిమా ఐశ్వర్య రాయ్ హీరోయిన్ గా నటిస్తున్నారని టాక్ ప్రచారంలో ఉంది. అలాగే ఈ సినిమాలో మరో కీలక పాత్రలో రమ్యకృష్ణ నటిస్తున్నారని టాక్ వినిపిస్తుంది. అయితే ఈ సినిమాలో రమ్యకృష్ణ పాత్ర నరసింహ సినిమాలో తరహాలో ఉంటుందని తెలుస్తుంది. అలాగే ఈ సినిమాలో మరో కీలక పాత్ర కోసం ప్రియాంక అరుళ్ మోహన్ నటించనుందట.. ఈ మూవీకి కేఎస్ రవికుమార్ స్క్రీన్ ప్లే సమకూర్చడం మరో విశేషం. ఇక యంగ్ మ్యుజిషియన్ అనిరుద్ పవర్ఫుల్ మ్యూజిక్ అందించనున్నారు.
