Chandramukhi 2: ‘చంద్రముఖి 2’ నుంచి ‘స్వాగతాంజలి’ లిరికల్ సాంగ్ విడుదల..

సూపర్ స్టార్ రజినీ కాంత్, నయనతార జంటగా నటించిన చంద్రముఖి చిత్రం భారీ విజయాన్ని అందుకున్న సంగతి తెలిసిందే. హారర్ థ్రిల్లర్ డ్రామాగా వచ్చిన ఈ చిత్రానికి ఇప్పుడు సీక్వెల్ రాబోతుంది. ప్రముఖ స్టార్ కొరియోగ్రాఫ‌ర్‌, డైరెక్ట‌ర్‌, యాక్ట‌ర్ రాఘవ లారెన్స్ హీరోగా న‌టిస్తోన్న ఈ సినిమాకు ‘చంద్రముఖి 2’ అని టైటిల్ ఫిక్స్ చేశారు మేకర్స్. ఇందులో బాలీవుడ్ స్టార్ హీరోయిన్ కంగ‌నా ర‌నౌత్ టైటిల్ పాత్ర‌లో న‌టిస్తోంది. సీనియర్ డైరెక్ట‌ర్ పి.వాసు ఈ చిత్రానికి దర్శకత్వం వహిస్తున్నారు. ఇప్పటికే పలు భారీ బ‌డ్జెట్ చిత్రాల‌ను నిర్మించిన లైకా ప్రొడక్షన్స్ ఈ మూవీని నిర్మిస్తుండగా.. ఇప్పటికే ఈ మూవీ నుంచి ఫస్ట్ గ్లింప్స్ రిలీజ్ చేశారు. ఇక ఇటీవల కంగన రనౌత్ ఫస్ట్ లుక్ పోస్టర్ రిలీజ్ చేశారు. ఇక తాజాగా శుక‌వ్రారం ఈ సినిమా నుంచి ‘స్వాగ‌తాంజ‌లి…’ అనే లిరికల్ పాటను విడుదల చేశారు. ఇందులో కంగనా రనౌత్ అభరణాలను ధరించి రాజనర్తకి చంద్రముఖిలా డాన్స్ చేస్తూ కనిపించింది.

తాజాగా విడుదలైన పాటలో కనిపిస్తోన్న సెట్స్, కంగనా రనౌత్, రాఘవ లారెన్స్ కాస్ట్యూమ్స్ ఆకట్టుకుంటున్నాయి. ఈ చిత్రానికి ఆస్కార్ విన్న‌ర్ ఎం.ఎం.కీర‌వాణి సంగీతం అందిస్తున్నారు. తాజాగా విడుదలైన స్వాగతాంజలి పాట విన‌సొంపుగా ఉంది. చైత‌న్య ప్రసాద్ రాసిన ఈ పాటను శ్రీనిధి తిరుమ‌ల పాడారు. 2005లో విడుదలైన చంద్రముఖి సినిమాకు సీక్వెల్ గా రాబోతున్న ఈ మూవీపై మరింత ఆసక్తి నెలకొంది.

మూవీకి ఆర్‌.డి.రాజ‌శేఖ‌ర్ సినిమాటోగ్ర‌ఫీ అందిస్తున్నారు. జాతీయ అవార్డ్ గ్ర‌హీత తోట త‌ర‌ణి ప్రొడ‌క్ష‌న్ డిజైన‌ర్‌, ఆంథోని ఎడిట‌ర్‌గా వ‌ర్క్ చేస్తున్నారు. ప్రస్తుతం శరవేగంగా షూటింగ్ జరుపుకుంటున్న ఈ సినిమాను వినాయ‌క చ‌వితికి ప్ర‌పంచ వ్యాప్తంగా గ్రాండ్ లెవ‌ల్లో విడుదల చేస్తున్నారు. ప్రస్తుతం స్వాగతాంజలి సాంగ్ నెట్టింట వైరలవుతుంది.

#SWAGATHAANJALI 🙏🌸 to everyone! Get ready to enter into the world of #Chandramukhi2 🗝️ as we release the 1st single…

▶️ https://t.co/nl3k0UJJBl

A @mmkeeravaani musical 🎻✨ ✍🏻🎶 @ChaitanyaLyrics 🎤 @sreenidhimusic 💃🏻 @kala_master #PVasu @offl_Lawrence @KanganaTeam… pic.twitter.com/9rGNAKaHvs

— Lyca Productions (@LycaProductions) August 11, 2023

మరిన్ని సినిమా వార్తల కోసం ఇక్కడ క్లిక్ చేయండి.