Pushpa 2: అంచనాలు పెంచేసిన అప్డేట్.. ఇక థియేటర్లు దద్దరిల్లాల్సిందే..

అల్లు అర్జున్ నటించిన పుష్ప 2 చిత్రం మరికొన్ని రోజుల్లో అడియన్స్ ముందుకు రానుంది. త్రి మూవీ మేక‌ర్స్ ఈ చిత్రాన్ని గ్రాండ్‌గా రిలీజ్ చేసేందుకు రెడీ అవుతోంది. ఈ సినిమా ప్రమోషన్ కోసం దాదాపు 50 కోట్ల రూపాయలు ఖర్చు చేస్తున్నట్లు సమాచారం. ఇందులో రష్మిక మందన్నా, సునీల్, ఫహద్ ఫాజిల్ నటిస్తున్నారు.

Pushpa 2

Rajitha Chanti |

Updated on: Nov 22, 2024 | 8:14 AM

ఇప్పుడు టాలీవుడ్ ఇండస్ట్రీలో మోస్ట్ అవైటెడ్ మూవీ పుష్ప 2. యావత్ ప్రపంచవ్యాప్తంగా ఉన్న సినీప్రియులు ఈ మూవీ కోసం వేయి కళ్లతో ఎదురుచూస్తున్నారు. ఇప్పటికే ఈ సినిమా నుంచి విడుదలైన సాంగ్స్, టీజర్ ఆకట్టుకున్నాయి. ఇటీవల రిలీజ్ అయిన ట్రైలర్ మాత్రం సినిమాపై ఓ రేంజ్ అంచనాలను పెంచేసింది. పాట్నాలో ఈ మూవీ ట్రైలర్ లాంచ్ ఈవెంట్ గ్రాండ్ గా జరిగిన సంగతి తెలిసిందే. ఈ వేడుకకు దాదాపు 2 లక్షలకు పైగా అభిమానులు తరలివచ్చారు. దీంతో నార్త్ లో బన్నీ క్రేజ్ ఏ రేంజ్ లో ఉందో అర్థమవుతుంది. పుష్ప 2 సినిమాపై భారీ హైప్ నెలకొంది. డైరెక్టర్ సుకుమార్ దర్శకత్వంలో అల్లు అర్జున్ నటిస్తున్న ఈ మూవీని మైత్రీ మూవీ మేకర్స్ భారీ బడ్జెట్ తో నిర్మిస్తున్నారు. ఇందులో బన్నీ సరసన రష్మిక మందన్నా నటిస్తున్న సంగతి తెలిసిందే.

గతంలో వచ్చిన పుష్ప ది రైజ్ చిత్రానికి కొనసాగింపుగా ఈ సినిమాను రూపొందిస్తున్నారు. ఇక ఎప్పటిలాగే.. పుష్ప 2 చిత్రంలోనూ ఓ స్పెషల్ సాంగ్ ఉందన్న సంగతి తెలిసిందే. పుష్ప 1లో ఊ అంటావా మావ ఊహు అంటావా పాటతో అదరగొట్టింది హీరోయిన్ సమంత. దేవి శ్రీ ప్రసాద్ మ్యూజిక్.. సామ్, బన్నీ డ్యాన్స్ అప్పట్లో యూత్ ను ఊర్రుతలూగించాయి. ఇక ఇప్పుడు పుష్ప 2లో శ్రీలీల స్పెషల్ సాంగ్ చేయనుంది. కిస్సిక్ అంటూ సాగే ఈ పాటలో శ్రీలీల, బన్నీ డ్యాన్స్ అదిరిపోతుందంటూ కామెంట్స్ వస్తున్నాయి.

తాజాగా ఈ సాంగ్ పై క్రేజీ అప్డేట్ ఇచ్చారు మేకర్స్. ఈ స్పెషల్ పాటను నవంబర్ 24న సాయంత్రం 7 గంటల 2 నిమిషాలకు రిలీజ్ చేయనున్నట్లు తెలుస్తోంది. వీరిద్దరి కాంబోలో రాబోయే సెన్సెషనల్ సాంగ్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. అలాగే ఈనెల 24న చెన్నైలో గ్రాండ్ ఈవెంట్ నిర్వహించనుంది చిత్రయూనిట్. ఆ వేడుకలో మూవీ టీంతోపాటు శ్రీలీల సైతం సందడి చేయనుంది.

ఇవి కూడా చదవండి