Sivakarthikeyan: మాట నిలబెట్టుకుంటోన్న హీరో శివకార్తికేయన్.. ఆ కుటుంబానికి ఏడేళ్లుగా ఆర్థిక సాయం

టీవీ యాంకర్ గా కెరీర్ మొదలు పెట్టాడు శివ కార్తికేయన్. ఆ తర్వాత స్టార్ హీరోల సినిమాల్లో సైడ్ రోల్స్ కూడా పోషించాడు. ఆ తర్వాత హీరోగానూ ఎంట్రీ ఇచ్చి సక్సెస్ అయ్యాడు. కేవలం నటనతోనే కాదు నిర్మాతగానూ, , సింగర్‌గా, రచయితగానూ సత్తా చాటుతూ కోలీవుడ్ లో దూసుకెళుతున్నాడీ క్రేజీ హీరో. ఇక శివ కార్తికేయన్ నటించిన ప్రతి సినిమా తెలుగులోనూ రిలీజవుతోంది. రెమో, సీమ రాజా, డాన్, డాక్టర్ వరుణ్, మహవీరుడు, అమరన్ చిత్రాలతో టాలీవుడ్ ఆడియెన్స్ కు కూడా చేరువయ్యాడు శివ కార్తికేయన్. ప్రస్తుతం మద్రాస్, పరాశక్తి అనే సినిమాల్లో నటిస్తూ బిజీగా ఉంటున్నాడీ క్రేజీ హీరో. సినిమాల సంగతి పక్కన పెడితే.. శివ కార్తికేయన్ గురించి ఓ ఆసక్తికరమైన విషయం వెలుగులోకి వచ్చింది. అదేంటంటే.. ఏడేళ్ల ముందు చనిపోయిన తమిళ రైతు నాయకుడికి ఇచ్చిన మాట ప్రకారం అప్పటి నుంచి రహస్యంగా సాయం చేస్తున్నారట ఈ హీరో. ఈ విషయాన్ని డైరెక్టర్ ఎరా శరవణన్ ఇటీవలే బయటపెట్టారు.

‘నా సోదరుడైన నెల్ జయరామన్ కన్నుమూసినప్పుడు అతని కుమారుడి చదువుకు అయ్యే ఖర్చులను తాను భరిస్తానని శివ కార్తికేయన్ హామీ ఇచ్చాడు. ఆ మాటను నిలబెట్టుకుంటూ ఏడేళ్లుగా రహస్యంగా అతను సాయం చేస్తూనే ఉన్నారు. సాధారణంగా ఎవరైనా కష్టాల్లో ఉంటే కొందరు పరామర్శించి తాము అండగా ఉంటామని హామీలు ఇస్తుంటారు. అందులో చాలా తక్కువ మంది మాత్రమే మాట నిలబెట్టుకుంటారు. అలాంటి అరుదైన వ్యక్తుల్లో శివ కార్తికేయన్ ఒకడు. నెల్ జయరామన్ కుమారుడైన శ్రీనివాసన్‌ ఏడేళ్లుగా విద్యా ఖర్చులు భరించడమే కాకుండా వార్షిక పరీక్షల సమయంలో ఫోన్ చేసి అతనితో మాట్లాడతారు. శ్రీనివాసన్ ఇప్పుడు కోయంబత్తూరులోని కర్పగం కాలేజీ చదువుతున్నారు. ఇచ్చిన మాట నిలబెట్టుకుని సినిమాల్లోనే కాదు నిజ జీవితంలోనూ హీరోగా నిలిచారు’ అని శివ కార్తికేయన్ పై ప్రశంసలు కురిపించాడు శరవణన్.

ఇవి కూడా చదవండి

OTTలో దుమ్మురేపుతోన్నక్రైమ్ థ్రిల్లర్.. దేశంలోనే టాప్ ప్లేస్‌లో..

'మీరు కదా రియల్ కుబేరుడు'.. శేఖర్ కమ్ముల ఇన్ని మంచి పనులు చేశారా?

రవిశంకర్ గురూజీ ఆశ్రమంలో స్టార్ హీరోయిన్.. ఎవరో గుర్తు పట్టారా?

బిగ్ బాస్‌లోకి జబర్దస్త్ బ్యూటీ.. ఫుల్ క్లారిటీ ఇచ్చేసిందిగా..

நெல் ஜெயராமனுக்கு உடல்நிலை சரியில்லை என்ற உடனேயே அவரை மருத்துவமனையில் சேர்க்கிறார் சிவகார்த்திகேயன். நடிகர் கார்த்தி ஓடி வருகிறார். சீமான் தைரியம் வார்க்கிறார். சத்யராஜ் பண உதவி வழங்குகிறார். ஒரு விவசாயியைக் காப்பாற்ற நீளுகிற அத்தனை கரங்களும் கோடி நன்றிக்குரியவை! pic.twitter.com/iONC9KWrap

— இரா.சரவணன் (@erasaravanan) October 25, 2018

కాగా రైతు నాయకుడైన నెల్ జయరామన్ 2018, డిసెంబర్ నెలలో తీవ్ర అనారోగ్యంతో కన్నుమూశారు. జయరామన్‌ని అప్పట్లో ఆస్పత్రిలో పరామర్శించిన శివ కార్తికేయన్ ఆయన కుటుంబానికి అండగా ఉంటానని హామీ ఇచ్చారు. ఇచ్చిన మాట ప్రకారం ఏడేళ్లుగా ఆయన కుమారుడి చదువుకు ఆర్థిక సాయం చేస్తున్నారు. అయితే ఈ విషయం ఆలస్యంగా వెలుగులోకి రావడంతో శివ కార్తికేయన్‌పై సినీ అభిమానులు, నెటిజన్లు ప్రశంసలు కురిపిస్తున్నారు.

మరిన్ని సినిమా వార్తల కోసం ఇక్కడ క్లిక్ చేయండి