Sharwanand : ఓటీటీ బాటలో కుర్ర హీరో సినిమా.. శర్వానంద్ ఆశలన్నీ ఆ మూవీ పైనే మరి..

యంగ్ హీరో శర్వానంద్ హిట్ అనే పదం విని చాలా రోజులైంది . అప్పుడెప్పుడో వచ్చిన మహానుభావుడు సినిమా తర్వాత హను రాఘవపూడి దర్శకత్వంలో తెరకెక్కిన పడి పడి లేచే మనసు

Sharwanand

Rajeev Rayala |

Updated on: Nov 19, 2021 | 1:02 PM

Sharwanand : యంగ్ హీరో శర్వానంద్ హిట్ అనే పదం విని చాలా రోజులైంది. అప్పుడెప్పుడో వచ్చిన మహానుభావుడు సినిమా తర్వాత.. హను రాఘవపూడి దర్శకత్వంలో తెరకెక్కిన పడి పడి లేచే మనసు సినిమా కాస్త పర్వాలేదు అనిపించుకుంది. ఆ తర్వాత వచ్చిన రణరంగం సినిమా ఆ వెంటనే జాను, శ్రీకారం, రీసెంట్ గా మహాసముద్రం ఇలా వరుసగా డిజాస్టర్స్ అందుకున్నాడు శర్వా. ఇటీవల వచ్చిన మహాసముద్రం సినిమా పై భారీ అంచనాలనే పెట్టుకున్నాడు ఈ యంగ్ హీరో. సినిమా రిలీజ్ ముందు ప్రమోషన్స్ కూడా ఒక రేంజ్ లో చేశారు. దాంతో సినిమా పై భారీ అంచనాలు ఏర్పడ్డాయి. కానీ సినిమా రిలీజ్ అయిన తర్వాత సినిమా అంచనాలను అందుకోలేక పోయింది. ఇక ఇప్పుడు ఒకే ఒక జీవితం అనే సినిమా చేస్తున్నాడు. డ్రీమ్ వారియర్ పిక్చర్స్ వారు నిర్మిస్తున్న ఈ సినిమాలో రీతూ వర్మ కథానాయికగా నటిస్తుండగా, ఒక కీలకమైన పాత్రలో అమల నటిస్తున్నారు.

ఇప్పుడు శర్వా ఆశలన్నీ ఈ సినిమా పైనే పెట్టుకున్నాడు. ఈ సినిమా టైమ్ ట్రావెల్ కథ అని గుసగుసలు వినిపిస్తున్నాయి. ఇక ఈ సినిమా పై ఇప్పుడు ఓ వార్త హల్ చల్ చేస్తుంది. ఒకే ఒక జీవితం సినిమాను ఓటీటీ ద్వారా విడుదల చేసే ఆలోచనలో ఉన్నారట నిర్మాతలు. ఇప్పటికే ఈ సినిమాకోసం ప్రముఖ ఓటీటీ సంస్థలతో సంప్రదింపులు కూడా చేస్తున్నారని అంటున్నారు. మరి ఈ వార్తల్లో వాస్తవం ఎంత అన్నది తెలియాల్సి ఉంది. ఈ సినిమాతోపాటు ఆడవాళ్లు మీకు జోహార్లు అనే సినిమా చేస్తున్నాడు శర్వా. కిషోర్ తిరుమల దర్శకత్వంలో రూపొందబోతున్న ఈ సినిమాలో లక్కీ బ్యూటీ రష్మిక మందన్న హీరోయిన్ గా నటిస్తుంది.

మరిన్ని ఇక్కడ చదవండి :