Most Eligible Bachelor: ఆహా అందిస్తున్న అందమైన ప్రేమకథ ‘మోస్ట్ ఎలిజిబుల్ బ్యాచ్‌ల‌ర్‌’.. ఓటీటీకి వచ్చేసిన సినిమా

అచ్చ తెలుగు స్ట్రీమింగ్ ప్లాట్‌ఫార్మ్ ఆహా, అస‌లు సిస‌లైన తెలుగు వినోదానికి ఇంటికి పేరుగా మారింది ఆహా. ఇప్పటికే సూపర్ హిట్ సిమాలను

Akhil

Rajeev Rayala |

Updated on: Nov 19, 2021 | 7:28 AM

Most Eligible Bachelor: అచ్చ తెలుగు స్ట్రీమింగ్ ప్లాట్‌ఫార్మ్ ఆహా, అస‌లు సిస‌లైన తెలుగు వినోదానికి ఇంటికి పేరుగా మారింది ఆహా. ఇప్పటికే సూపర్ హిట్ సిమాలను, అదిరిపోయే గేమ్ షోలను, ఆకట్టుకునే టాక్ షోలను అందిస్తున్న ఆహా మరో సూపర్ హిట్ మూవీని ప్రేక్షకుల ముందుకు తీసుకువచ్చింది. నేటి నుంచి( న‌వంబ‌ర్ 19) నుంచి ఆహా అందిస్తోంది బ్లాక్ బ‌స్ట‌ర్ రొమాంటిక్ ఎంట‌ర్‌టైన‌ర్ `మోస్ట్ ఎలిజిబుల్ బ్యాచ్‌ల‌ర్‌` ఆహాలో స్ట్రీమింగ్ కానుంది. అఖిల్ అక్కినేని, పూజా హెగ్డే న‌టించిన ఈ సినిమాను బొమ్మ‌రిల్లు భాస్క‌ర్ తెర‌కెక్కించారు. అద్భుత‌మైన పెర్ఫార్మెన్స్ లు, మోడ్ర‌న్ డేస్ రిలేష‌న్‌షిప్స్ మీద ఫోక‌స్ అయిన క‌థ‌, మ‌న‌సును ట‌చ్ చేసే గోపీసుంద‌ర్ మ్యూజిక్‌… థియేట‌ర్ల‌లో జ‌నాల‌తో ఆహా అనిపించుకుంది మోస్ట్ ఎలిజిబుల్ బ్యాచ్‌ల‌ర్‌. సినిమా రిలీజ్ అయ్యీ కాగానే విమ‌ర్శ‌కుల ప్ర‌శంస‌లు, హౌస్ ఫుల్ క‌లెక్ష‌న్స్ తో పాజిటివ్ వైబ్స్ ని క్రియేట్ చేసింది. ఇప్పుడు అదే మ్యాజిక్‌ను ఆహాలో రిపీట్ చేయ‌డానికి రెడీ అవుతోంది. మోస్ట్ ఎలిజిబుల్ బ్యాచ్‌ల‌ర్ సినిమా కోసం ఆహా క‌ట్ చేసిన ట్రైల‌ర్ ఆకట్టుకుంది.

ఇక ఈ సినిమాలో అఖిల్ హ‌ర్ష అనే కేర‌క్ట‌ర్ చేశాడు. రెండు ప‌దులు దాటిన వ‌య‌సున్న యంగ్‌స్ట‌ర్ హ‌ర్ష‌. త‌నకు స‌రైన జోడీని వెతుక్కుంటూ శాన్‌ఫ్రాన్సిస్కో నుంచి ఇండియాకు వ‌స్తాడు. అన్నీ అనుకున్న‌ట్టే జ‌రిగినా, పెళ్లికూతురు మాత్రం అత‌ని అభిరుచుల‌కు అనుగుణంగా దొర‌క‌దు. అలాంటి స‌మయంలో అత‌నికి విభ‌తో ప‌రిచ‌యం ఏర్ప‌డుతుంది. జీవితాన్ని ఆస్వాదించే హ్యాపీ గో ల‌క్కీ స్టాండ‌ప్ క‌మెడియన్ విభ‌. ఆమె ప‌రిచ‌యం అయ్యాక హ‌ర్ష‌, జీవితాన్ని చూసే తీరే మారిపోతుంది. ప్రేమ గురించి, బంధాల గురించి అప్ప‌టిదాకా అత‌ని మ‌న‌సులో ఉన్న అభిప్రాయాలు మారుతాయి. ఆధునిక జీవితంలో చాలా మంది ఫేస్ చేస్తున్న రిలేష‌న్‌షిప్ ఇష్యూస్‌ని సెన్సిటివ్‌గా డీల్ చేసిన సినిమా మోస్ట్ ఎలిజిబుల్ బ్యాచ్‌ల‌ర్‌. అందులో వినోదం పాళ్లు కూడా ఎక్కువే. సంగీతం కూడా సినిమాకు అత్యంత పెద్ద ప్లస్ పాయింట్‌. ఆమ‌ని, ముర‌ళీశ‌ర్మ‌, జ‌య‌ప్ర‌కాష్‌, గెట‌ప్ శీను, సుడిగాలి సుధీర్‌, ప్ర‌గ‌తి కీల‌క పాత్ర‌ల్లో న‌టించారు. మరి ఈ సినిమా ఓటీటీలో ఎలాంటి రికార్డ్స్ క్రియేట్ చేస్తుందో చూడాలి.

మరిన్ని ఇక్కడ చదవండి :