Pawan Kalyan: పవన్ కళ్యాణ్ ఇష్టపడి ఎక్కువసార్లు చూసిన బాలయ్య సినిమా ఏదో తెల్సా..

పవన్ కళ్యాణ్ బాలకృష్ణ సినిమాలను ఎంతగానో అభిమానిస్తారు. ముఖ్యంగా “సమరసింహారెడ్డి” చిత్రాన్ని 100 సార్లు చూశారని ఆయన సన్నిహితులు వెల్లడించారు. ఆ చిత్రంలో బాలకృష్ణ నటన, యాక్షన్ ఎపిసోడ్స్ పవన్‌ను విశేషంగా ఆకట్టుకున్నాయని తెలుస్తోంది. ఇది బాలకృష్ణపై పవన్ కళ్యాణ్‌కు ఉన్న అపారమైన అభిమానానికి నిదర్శనమని సినీ వర్గాలు భావిస్తున్నాయి. వివరాల్లోకి వెళ్తే.! బాలకృష్ణ, పవన్ కళ్యాణ్ ఇద్దరూ తమ స్వభావంలో స్ట్రెయిట్ ఫార్వర్డ్‌గా ఉంటారు. నచ్చిన, నచ్చని విషయాలను నేరుగా వెల్లడిస్తారు. ఈ ఇద్దరు హీరోలు ఒకరినొకరు బాగా గౌరవించుకుంటారు, అలాగే ఒకరి సినిమాపై మరొకరు ప్రశంసలు కురిపించుకుంటారు.

పవన్ కళ్యాణ్‌కు బాలకృష్ణ సినిమాలు అంటే ఎంతో ఇష్టం. ఆయన నటించిన దాదాపు అన్ని చిత్రాలను పవన్ కళ్యాణ్ చూస్తారని సమాచారం. వాటిలో “సమరసింహారెడ్డి” సినిమా అంటే పవన్ కళ్యాణ్‌కు ఎంతో ప్రత్యేకమైన అభిమానం. ఈ చిత్రాన్ని తాను వంద సార్లు చూశానని పవన్ కళ్యాణ్ తన సన్నిహితుల వద్ద తరచుగా చెబుతుంటారట. ఈ చిత్రంలో బాలయ్య పూర్తిస్థాయి నటనను ప్రదర్శించారని, యాక్షన్ ఎపిసోడ్స్ అద్భుతంగా ఉంటాయని పవన్ కళ్యాణ్ అభిప్రాయపడ్డారు. బాలకృష్ణ నటన, డైలాగ్ డెలివరీ, మేనరిజాలు తనను బాగా ఆకట్టుకున్నాయని పవన్ కళ్యాణ్ భావించారు. ఒకే సినిమాను ఇన్నిసార్లు చూడటం బాలకృష్ణపై పవన్ కళ్యాణ్‌కు ఉన్న అపారమైన అభిమానానికి నిదర్శనమని సినీ అభిమానులు పేర్కొంటున్నారు. ప్రస్తుతం నందమూరి నటసింహం బాలయ్య 60 ఏళ్ల వయసులో కూడా వరుస విజయాలతో దూసుకుపోతున్నారు. ఆయన తదుపరి చిత్రం మలినేని గోపీచంద్ దర్శకత్వంలో రానుంది.

ఇది చదవండి: ‘ఫైనల్‌లో టీమిండియాను ఓడించే దమ్మున్నోళ్లం.. వాడికి కన్నీరే మిగులుతుంది..’