Sai Dharam Tej Accident: నేను ముందే సాయిధరమ్ తేజ్‌ను హెచ్చరించా : నటుడు నరేష్

Sai Dharam Tej Accident: హీరో సాయిధరమ్ తేజ్ రోడ్డు ప్రమాదానికి గురవ్వడంతో  మెగా అభిమానులలు ఆందోళనకు గురవుతున్నారు. అతివేగం కారణంగానే సాయి ధరమ్ తేజ్ ప్రమాదానికి గురైనట్టు పోలీసులు తెలుపుతున్నారు. సైబరాబాద్‌ కమిషనరేట్‌ రాయదుర్గం పరిధి ఐకియా స్టోర్‌ సమీపంలో శుక్రవారం రాత్రి చోటుచేసుకున్న రోడ్డు ప్రమాదంలో సాయిధరమ్‌ తేజ్‌ గాయపడ్డాడు. ప్రస్తుతం ఆయన ఆరోగ్యం నిలకడగా ఉందని వైద్యులు తెలుపుతున్నారు. ఇప్పటికే సినీ ప్రముఖులు తేజ్ కుటుంబసభ్యులను పరామర్శిస్తున్నారు. చిరంజీవి , పవన్ కళ్యాణ్, వరుణ్ తేజ్, వైష్ణవ్ తేజ్ , నిహారిక, మెగాస్టార్ సతీమణి సురేఖ ఇలా మెగా ఫ్యామిలీ మెంబర్స్ అందరూ ఆసుపత్రికి వెళ్లి తేజ్ ఆరోగ్యంపై ఎప్పటికప్పుడు సమాచారం అందుకుంటున్నారు.

తాజాగా సీనియర్ నటుడు నరేష్ ఈ ప్రమాదం పై స్పందిస్తూ సంచలన వాక్యలు చేశారు. బైక్ రైజింగ్ విషయంలో చాలా సార్లు నా కొడుకుని, సాయి ధరమ్ తేజ్‌‌ని హెచ్చరించా.. తేజ్ కూడా నాకు బిడ్డ లాంటివాడే.. నిన్న సాయంత్రం నా ఇంటి నుంచే సాయి ధరమ్ తేజ్ బయలుదేరాడు. గతంలో కూడా బైక్స్ ఫై తేజ్, నా కొడుకు ఇద్దరూ రైడ్స్‌కి వెళ్లేవాళ్లు .. నాలుగు రోజుల క్రితం ఇద్దరికి కౌన్సలింగ్ కూడా ఇద్దాం అనుకున్నా.. తేజ్ త్వరగానే కోలుకుంటాడు. అతడు పూర్తి ఆరోగ్యంతో త్వరలోనే తిరిగి సినిమాలు చేయాలని కోరుకుంటున్నా.. అని అన్నారు నరేష్. సాయిధరమ్‌తేజ్‌ బైక్‌ ప్రమాదానికి గురైన ప్రాంతంలో రోడ్డు పక్కన నిర్మాణ పనులు జరుగుతున్నాయి. దీంతో వాటికి సంబంధించిన ఇసుక, మట్టి రోడ్డుపై పడడంతోనే ప్రమాదం జరిగినట్టు తెలుస్తోంది. కేబుల్‌ బ్రిడ్జి నుంచి ఐకియా వరకు రోడ్డుపై ఎక్కడా ఇసుక లేదు. కేవలం సాయిధరమ్‌తేజ్‌ బైక్‌ ప్రమాదం జరిగిన ప్రాంతంలో మాత్రమే ఇసుక ఉంది.

మరిన్ని ఇక్కడ చదవండి : 

Sai Dharam Tej Bike Features: సాయిధరమ్‌ బైక్‌ ప్రత్యేకతలు ఏంటి..?? వీడియో

Sai Dharam Tej Accident: సాయి ధరమ్ తేజ్ చికిత్స పొందుతోన్న ఆస్పత్రికి సినీ ప్రముఖుల క్యూ.. ఎవరెవరు వచ్చారంటే..?

Sai Dharam Tej Accident: సాయి ధరమ్ తేజ్‌కు ప్రమాదంపై బండ్ల గణేష్ ట్వీట్..