దర్శకేంద్రుని ఇంట విషాదం.. ఆర్కే ఫిలిమ్స్ అధినేత కన్నుమూత.. సంతాపం తెలిపిన సినీ ప్రముఖులు..

ప్రముఖ దర్శకుడు రాఘవేంద్రరావు ఇంట విషాదం నెలకొంది. ఆయన సోదరుడు.. ఆర్‏కే ఫిలిమ్స్ అధినేత కోవెలమూడి కృష్ణమోహన్ రావు బుధవారం కన్నుముశారు. గత కొంతకాలంగా తీవ్ర అనారోగ్య సమస్యలతో

Rk Films Krishnamohan Rao

Rajitha Chanti |
Updated on: Mar 24, 2021 | 5:42 PM

ప్రముఖ దర్శకుడు రాఘవేంద్రరావు ఇంట విషాదం నెలకొంది. ఆయన సోదరుడు.. ఆర్‏కే ఫిలిమ్స్ అధినేత కోవెలమూడి కృష్ణమోహన్ రావు బుధవారం కన్నుముశారు. గత కొంతకాలంగా తీవ్ర అనారోగ్య సమస్యలతో బాధపడుతున్న ఆయన.. ఇవాళ మధ్యాహ్నం ఫిలింనగర్‏లోని తన నివాసంలో మృతిచెందారు. ఈయనకు ఇద్దరు కుమార్తెలు ఉన్నారు. రేపు ఫిలిం‏నగర్ మహాప్రస్థానంలో కృష్ణమోహన్ రావు అంత్యక్రియలు జరగునున్నాయి. ఈయన మృతిపై పలువురు సినీ ప్రముఖులు సంతాపం వ్యక్తం చేశారు.

ముందుగా రాఘవేంద్రరావు వాళ్ల అన్నయ్య కే.కృష్ణమోహన్ రావుతో కలిసి సూపర్ స్టార్ కృష్ణతో ప్రధాన పాత్రలో ‘భలే కృష్ణుడు’ సినిమాను నిర్మించారు. ఈ సినిమా బాక్సాఫీస్ దగ్గర మంచి విజయాన్ని అందుకుంది. ఆ తర్వాత నందమూరి బాలకృష్ణతో ‘అపూర్వ సహోదరులు’ సినిమా నిర్మించారు. ఆ తర్వాత మెగాస్టార్ చిరంజీవి… రాఘవేంద్రరావు కాంబోలో ‘యుద్ధభూమి’ చిత్రం కూడా ఆర్.కే.ఫిల్మ్ అసోసియేట్స్ బ్యానర్‌లో తెరకెక్కింది. రాఘవేంద్రరావు, కృష్ణమోహన్ రావు కలయికలో వచ్చిన నాల్గో చిత్రం ‘అల్లరి మొగుడు’. ఈ సినిమా బాక్సాఫీస్ దగ్గర బ్లాక్ బస్టర్ హిట్ సొంతం చేసుకుంది. రాఘవేంద్రరావు, కృష్ణమోహన్ రావు కలయికలో వచ్చిన ఐదో చిత్రం ‘అల్లరి ప్రియుడు’. ఈ చిత్రం బాక్సాఫీస్ దగ్గర బ్లాక్ బస్టర్ హిట్ నమోదు చేసింది.

ట్వీట్..

ఆర్ కె ఫిలిమ్స్ అధినేత కోవెలమూడి కృష్ణమోహన్ రావు కన్నుమూత

కృష్ణమోహన్ రావు ప్రముఖ దర్శకుడు రాఘవేంద్రరావు సోదరుడు

ఫిలింనగర్ లోని తన నివాసంలో కృష్ణమోహన్ రావు మృతి

గత కొంతకాలంగా అనారోగ్య సమస్యలతో బాధపడుతున్న కృష్ణమోహన్ రావు

ఓం శాంతి ?

— BARaju (@baraju_SuperHit) March 24, 2021