Aranya  Movie : బాహుబలికి మించి ఈ సినిమాకోసం కష్టపడ్డానన్న రానా.. షూటింగ్ కు వారం ముందునుంచే..

Aranya  Movie : టాలీవుడ్ స్టార్ హీరో రానా దగ్గుబాటి న‌టిస్తోన్న చిత్రం ‘అర‌ణ్య‌’. విష్ణువిశాల్‌, పుల్‌కిత్ సామ్రాట్‌, జోయా హుస్సేన్‌, శ్రియా పిల్‌గావ్ంక‌ర్ కీల‌క పాత్ర‌ల్లో న‌టిస్తున్నారు. మార్చి 26న తెలుగు, త‌మిళం, హిందీ భాష‌ల్లో ప్రేక్షకుల ముందుకు రానుంది. ‘ప్రేమఖైదీ’, ‘గజరాజు’, ‘రైలు’ వంటి సినిమాలతో తెలుగు ప్రేక్షకులను ఆకట్టుకున్న తమిళ దర్శకుడు ప్రభు సాల్మన్ దర్శకత్వంలో తెరకెక్కుతున్న సినిమా కావడంతో ఈ సినిమా పై మంచి అంచనాలు ఏర్పడ్డాయి.ఇదిలా ఉంటే ఈ సినిమా ప్రమోషన్స్ లో బిజీ బిజీగా ఉన్నారు చిత్రయూనిట్.

తాజాగా ప్రమోషన్స్ లో భాగంగా జరిగిన ఓ ఇంటర్వ్యూలో హీరో రానా మాట్లాడుతూ.. ఆసక్తికర విషయాలను వెల్లడించాడు. అటవి ప్రాంతంలో ఏనుగులతో జరిపిన షూటింగ్ సమయంలో చాలా కష్టపడ్డట్లుగా పేర్కొన్నాడు. అరణ్య సినిమా కోసం చాలా కష్టపడ్డానని చెప్పాడు రానా.  ఈ సినిమాకోసం పడ్డ కష్టం బాహుబలి సినిమాకు కూడా పడలేదని అన్నాడు. రియల్ లైఫ్ ఇన్సిడెంట్స్ ను ఆధారంగా తీసుకుని తెరకెక్కిన అరణ్య  పై భారీ అంచనాలు ఉన్నాయి. షూటింగ్ కు వారం ముందు నుండే ఏనుగులను మచ్చిక చేసుకునే వాడిని అని… నేను ఎప్పుడు వెళ్లినా కూడా జేబులో అరటి పండ్లు పెట్టుకుని ఏనుగుల వద్దకు వెళ్లేవాడిని అన్నాడు. ఇక ఇటీవల జరిగిన ప్రీరిలీజ్ ఈవెంట్ లో వెంకటేష్ మాట్లాడుతూ.. సినిమాలో రానా అద్భుతంగా నటించాడని… సినిమా చుసిన తర్వాత రానా చాలా ఎదిగిపోయాడని అనిపించిందని తెలిపారు వెంకటేష్.

మరిన్ని ఇక్కడ చదవండి : 

పెళ్ళైన అల్లరి తగ్గని మెగా డాటర్ నిహారిక వైరల్ ఫొటోస్ : Niharika Konidela new Photos