Rashmika: ఆ గాయం మానడానికి 9 నెలల సమయం పడుతుంది.. రష్మిక మందన్న కామెంట్స్

నేషనల్ క్రష్ రష్మిక మందన్న ప్రస్తుతం పాన్ ఇండియా హీరోయిన్ గా దూసుకుపోతుంది. వరుసగా సినిమాలు చేస్తూ స్టార్ హీరోయిన్ గా రాణిస్తుంది. రీసెంట్ గా పుష్ప 2, ఛావా సినిమాలతో భారీ విజయాలను అందుకుంది. అలాగే ఇప్పుడు చేతినిండా సినిమాలతో బిజీగా ఉంది. తెలుగు, తమిళ్ తో పాటు హిందీలోనూ సినిమాలు చేస్తూ దూసుకుపోతున్న రష్మిక డేట్స్ కోసం స్టార్ హీరోలు కూడా ఎదురుచూస్తున్నారు.

Rashmika

Rajeev Rayala |

Updated on: Mar 27, 2025 | 1:41 PM

స్టార్ హీరోయిన్ రష్మిక మందన్న ప్రస్తుతం వరుస సినిమాలతో దూసుకుపోతుంది. బ్యాక్ టు బ్యాక్ సినిమాలు చేస్తూ బిజీగా ఉంది ఈ అమ్మడు. ఇటీవలే పుష్ప 2, ఛావ సినిమాలతో భారీ విజయాలను అందుకుంది. ఇక ఇప్పుడు అరడజను కు పైగా సినిమాల్లో నటిస్తుంది ఈ భామ. కాగా ఇటీవల జిమ్‌లో వ్యాయామం చేస్తుండగా రష్మిక గాయపడిన సంగతి తెలిసిందే. ఆమె కుడి పాదానికి గాయం కావడంతో సినిమా షూటింగ్‌ల నుంచి చిన్న బ్రేక్ తీసుకుంది. కాలు నొప్పి ఉన్న కూడా ఛావ సినిమా ప్రమోషన్స్ లో చురుకుగా పాల్గొంది. వీల్ చైర్ లోనే ప్రమోషన్స్ కు వచ్చింది రష్మిక మందన్న. కాగా గాయం నుంచి పూర్తిగా కోలుకోవడానికి దాదాపు 9 నెలలు పడుతుందని రష్మిక తెలిపింది.

తాజాగా సోషల్ మీడియా ద్వారా అభిమానులతో ముచ్చటించింది రష్మిక. అభిమానులు అడిగిన ప్రశ్నలకు సమాధానాలు తెలిపింది. అలాగే ఓ అభిమాని కాలికి తగిలిన గాయం గురించి అడగ్గా రష్మిక ఇలా సమాధానం ఇచ్చింది. కాలికి అయిన గాయం ఇప్పుడిప్పుడే నయమవుతోందని.. కానీ, పూర్తిగా సెట్ కావాలంటే మరో 9 నెలల సమయం పడుతుందని తెలిపింది రష్మిక. కాగా నొప్పి ఉన్న కూడా సినిమాల్లో బిజీ అవ్వాలని ప్రయత్నిస్తున్నట్టు చెప్పుకొచ్చింది. ఇప్పుడు బెటర్ గానే ఉందని చెప్పుకొచ్చింది. ఈ కామెంట్స్ ఇప్పుడు సోషల్ మీడియాలో వైరల్ గా మారాయి.

ప్రస్తుతం రష్మిక ‘సికందర్’, ‘కుబేర’, ‘థమ్’ వంటి చిత్రాల షూటింగ్‌లో ఉన్నాయి. సికిందర్ సినిమాలో సల్మాన్ ఖాన్ హీరోగా నటిస్తున్నారు. అలాగే మురగదాస్ ఈ సినిమాకు దర్శకత్వం వహిస్తున్నారు. అలాగే ధనుష్ హీరోగా శేఖర్ కమ్ముల దర్శకత్వంలో తెరకెక్కుతున్న కుబేర సినిమాలోనూ రష్మిక హీరోయిన్ గా చేస్తుంది. వీటితో పాటు తమిళ్ సినిమాలు , తెలుగులోనూ ఒకటి రెండు సినిమాలకు సైన్ చేసింది రష్మిక.