Ram Charan: ఇకపై డాక్టర్ రామ్ చరణ్.. వేల్స్ వర్సిటీ నుంచి డాక్టరేట్ అందుకున్న గ్లోబల్ స్టార్.. వీడియో మీకోసం
టాలీవుడ్ మెగా పవర్ స్టార్ రామ్ చరణ్ కు మరో అరుదైన గౌరవం దక్కింది. ఆర్ఆర్ ఆర్ సినిమాతో గ్లోబల్ స్టార్గా మారిపోయిన చెర్రీ ఇప్పుడు డాక్టర్ రామ్ చరణ్ అయిపోయాడు. శనివారం (ఏప్రిల్ 13) తమిళనాడులోని ప్రఖ్యాత వేల్స్ యూనివర్సిటీ రామ్ చరణ్ కు గౌరవ డాక్టరేట్ ప్రదానం చేసింది. విద్యార్థుల మధ్య ఎంతో అట్టహాసంగా జరిగిన ఈ కార్యక్రమంలో..
Updated on: Apr 13, 2024 | 8:13 PM
టాలీవుడ్ మెగా పవర్ స్టార్ రామ్ చరణ్ కు మరో అరుదైన గౌరవం దక్కింది. ఆర్ఆర్ ఆర్ సినిమాతో గ్లోబల్ స్టార్గా మారిపోయిన చెర్రీ ఇప్పుడు డాక్టర్ రామ్ చరణ్ అయిపోయాడు. శనివారం (ఏప్రిల్ 13) తమిళనాడులోని ప్రఖ్యాత వేల్స్ యూనివర్సిటీ రామ్ చరణ్ కు గౌరవ డాక్టరేట్ ప్రదానం చేసింది. విద్యార్థుల మధ్య ఎంతో అట్టహాసంగా జరిగిన కార్యక్రమంలో వేల్స్ యూనివర్శిటీ ప్రతినిధుల నుంచి రామ్ చరణ్ డాక్టరేట్ ను స్వీకరించారు. దీంతో రామ్ చరణ్ కాస్తా డాక్టర్ రామ్ చరణ్ గా మారారు. దీనికి సంబంధించిన వీడియో ఇప్పుడు సామాజిక మాధ్యమాల్లో వైరల్ గా మారింది. చిరంజీవి, నాగబాబుతో పాటు పలువురు టాలీవుడ్ ప్రముఖులు, అభిమానులు, నెటిజన్లు చరణ్ కు అభినందనలు, శుభాకాంక్షలు తెలుపుతున్నారు.
కాగా రామ్ చరణ్ గౌరవ డాక్టరేట్ అందుకోవడంపై ఆయన తండ్రి మెగాస్టార్ చిరంజీవి హర్షం వ్యక్తం చేశారు. . ఇది తనను ఓ తండ్రిగా ఎమోషనల్ గా, గర్వించేలా చేస్తుందని ఇదో ఉత్తేజకరమైన క్షణమని ట్విట్టర్ లో పోస్ట్ చేశారు మెగాస్టార్. పిల్లలు వారి విజయాలను అధిగమించినప్పుడే ఏ తల్లిదండ్రులకైనా నిజమైన ఆనందమన్నారు.
వేల్స్ వర్సిటీ ప్రతినిధుల నుంచి డాక్టరేట్ అందుకుంటోన్న రామ్ చరణ్, వీడియో ఇదిగో..
.@AlwaysRamCharan received doctorate VelsConvocation2024 #VelsConvocation #VelsUniversity#VelsConvocation2024 #VelsConvocation #VelsUniversity #DrKonidelaRamCharan pic.twitter.com/A4bexNl0fY
— Done Channel (@DoneChannel1) April 13, 2024
చిరంజీవి ట్వీట్ ఇదిగో…
Vels University Tamilnadu, the renowned academic institution bestowing an Honorary Doctorate on @AlwaysRamcharan makes me feel emotional and proud as a father. It is an exhilarating moment.
True happiness for any parent is when the offspring outperforms their achievements. And… pic.twitter.com/OFuzYc80gq
— Chiranjeevi Konidela (@KChiruTweets) April 13, 2024
ఇక రామ్ చరణ్ కు డాక్టరేట్ ఇవ్వడంపై ఆయన బాబాయ్ నాగబాబు కూడా స్పందించారు. తమిళనాడు కి చెందిన ప్రముఖ ‘వెల్స్ యూనివర్సిటీ ‘రామ్ చరణ్’ ని గౌరవ డాక్టరేట్ తో సత్కరించారన్నారు. పిన్న వయసులోనే ఇలాంటి పురస్కారం అందుకున్నందుకు ఒక కుటుంబ సభ్యుడిగా సంతోషిస్తున్నానని, ఒక తెలుగువాడిగా గర్విస్తున్నానని ట్విట్టర్ తెలిపారు మెగా బ్రదర్. చరణ్ బాబు ఇలాంటి మరెన్నో కీర్తి శిఖరాలని అధిరోహించాలని మనస్పూర్తిగా కోరుకుంటున్నట్లు నాగబాబు ఆకాంక్షించారు.
బాబాయి అభినందనలు..
తమిళనాడు కి చెందిన ప్రముఖ ‘వెల్స్ యూనివర్సిటీ ‘రామ్ చరణ్’ ని గౌరవ డాక్టరేట్ తో సత్కరించారు, చిన్న వయసులోనే ఇలాంటి పురస్కారం అందుకున్నందుకు ఒక కుటుంబ సభ్యుడిగా సంతోషిస్తూ మరియు ఒక తెలుగువాడిగా గర్విస్తున్నాను. చరణ్ బాబు ఇలాంటి మరెన్నో కీర్తి శిఖరాలని అధిరోహించాలని మనస్పూర్తిగా… pic.twitter.com/jjWu4CKx9V
— Naga Babu Konidela (@NagaBabuOffl) April 13, 2024
మరిన్ని సినిమా వార్తల కోసం ఇక్కడ క్లిక్ చేయండి.
