RRR: ఆర్ఆర్ఆర్ ఫ్యాన్స్‌కు కిక్ ఇచ్చే న్యూస్.. సీక్వెల్ పై జక్కన ఆసక్తికర కామెంట్స్
విడుదలైన అన్ని భాషల్లో ఆర్ఆర్ఆర్ సినిమా భారీ విజయాన్ని అందుకోవడమే కాకుండా రికార్డు స్థాయిలో కలెక్షన్స్ ను సాధించింది. బాలీవుడ్ లోనూ మన సినిమా సత్తా చాటింది.
Updated on: Nov 14, 2022 | 9:31 AM
తెలుగు సినిమాల ఖ్యాతిని ప్రపంచానికి చాటి చెప్పిన సినిమాలో బాహుబలి తర్వాత ఆర్ఆర్ఆర్ సినిమా గురించే చెప్పాలి. టాలీవుడ్ తోప్ డైరెక్టర్ రాజమౌళి దర్శకత్వం వహించిన ఈ సినిమా పాన్ ఇండియా మూవీగా రిలీజ్ అయ్యి సంచలన విజయాన్ని అందుకుంది. విడుదలైన అన్ని భాషల్లో ఆర్ఆర్ఆర్ సినిమా భారీ విజయాన్ని అందుకోవడమే కాకుండా రికార్డు స్థాయిలో కలెక్షన్స్ ను సాధించింది. బాలీవుడ్ లోనూ మన సినిమా సత్తా చాటింది. ఇక విదేశాల్లో అయితే ఆర్ఆర్ఆర్ సినిమాను ఎగబడి చూశారు జనాలు. రీసెంట్ గా జపాన్ లో విడుదలైన ఈ సినిమా అక్కడ కూడా బంపర్ హిట్ గా నిలిచింది. అక్కడి టాప్ సినిమాల్లో ఒకటిగా నిలిచింది ఆర్ఆర్ఆర్. ఇక ఈ సినిమాలో మెగాపవర్ స్టార్ రామ్ చరణ్, యంగ్ టైగర్ ఎన్టీఆర్ నటించిన విషయం తెలిసిందే. తారక్ కొమురం భీమ్ గా చరణ్ అల్లూరి సీతారామరాజుగా అద్భుతంగా నటించారు.
ఇక ఇప్పటికీ ఈ సినిమా రికార్డులు కంటిన్యూ చేస్తుంది. ఇదిలా ఉంటే తాజాగా ఆర్ఆర్ఆర్ సీక్వెల్ కు సంబంధించిన ఓ వార్త ఇప్పుడు వైరల్ అవుతుంది. అయితే బాహుబలి సినిమా రెండు భాగాలుగా ప్రేక్షకుల ముందుకు వచ్చిన విషయం తెలిసిందే. అలాగే ఇప్పుడు ఆర్ఆర్ఆర్ సినిమాను కూడా రెండు భాగాలుగా తీసుకురావాలని ప్రేక్షకులు కోరుకుంటున్నారు.
తాజాగా రాజమౌళి ఓ ఇంటర్వ్యూలో మాట్లాడుతూ.. నా చిత్రాలన్నింటికీ మా నాన్నే కథలు రాస్తారు. ఆర్ఆర్ఆర్-2 గురించి ఇటీవల కొద్దిగా చర్చించాం. ఇప్పుడాయన ఆ స్టోరీపై కసరత్తులు చేస్తున్నారని చెప్పుకొచ్చారు. దాంతో ఆర్ఆర్ఆర్2 ఉంటుందని క్లారిటీ వచ్చేసింది. దాంతో అభిమానులు ఆనందం వ్యక్తం చేస్తున్నారు. త్వరలోనే దీనిపై అఫీషల్ అనౌన్స్ మెంట్ వచ్చే అవకాశం ఉంది.
