Geetu Royal: బంపర్ ఆఫర్ కొట్టేసిన గలాటా గీతూ.. పుష్ప 2లో ఛాన్స్.. కానీ
తాజాగా మరో బిగ్ బాస్ కంటెస్టెంట్ కు బంపర్ ఆఫర్ వచ్చిందని తెలుస్తోంది. ఏకంగా పాన్ ఇండియా మూవీ పుష్ప 2 సినిమాలో ఛాన్స్ దక్కించుకుందని తెలుస్తోంది.
Updated on: Nov 13, 2022 | 7:30 PM
బిగ్ బాస్ తెలుగు గేమ్ షో ద్వారా చాలా మంది సినిమా ఛాన్స్ లు అందుకున్న విషయం తెలిసిందే. ఫెడ్ అవుట్ అవుతున్న టైం లో బిగ్ బాస్ గేమ్ షోకు వెళ్తే ప్రేక్షకుల్లో మంచి గుర్తింపు తెచ్చుకోవచ్చు.. తద్వారా సినిమాల్లో తిరిగి రాణించవచ్చు అని చాలా మంది అనుకుంటారు. కొంతమందికి అలా ఛాన్స్ కు కూడా వచ్చాయి. తాజాగా మరో బిగ్ బాస్ కంటెస్టెంట్ కు బంపర్ ఆఫర్ వచ్చిందని తెలుస్తోంది. ఏకంగా పాన్ ఇండియా మూవీ పుష్ప 2 సినిమాలో ఛాన్స్ దక్కించుకుందని తెలుస్తోంది. ఆ బిగ్ బాస్ కంటెస్టెంట్ ఎవరో కాదు.. గలాటా గీతూ
చిత్తూరు చిరుత అంటూ అక్కడి యాసతో మాట్లాడుతూ ఈ అమ్మడు చేసిన హడావిడి అంతా ఇంతా కాదు. నేను ఇలానే ఉంటా.. నాకు నచ్చినట్టే ఆడుతా అంటూ బిగ్ బాస్ హౌస్ లో గీతూ చేసిన రచ్చ మామూలు రచ్చ కాదు. అందరిదీ ఒకదారి అయితే నాది మరోదారి అంటూ చిత్ర విచిత్రంగా ప్రవర్తించిన గీతూ టాప్ 5లో ఉంటుందని అనుకుంటే ఊహించని విధంగా ఎలిమినేట్ అయ్యి బోరుమని ఏడ్చింది .
బిగ్ బాస్ హౌస్ నుంచి బయటకు వచ్చేసిన తర్వాత డిప్రషన్ లోకి వెళ్లానని తెలిపింది. తాజాగా ఓ ఇంటర్వ్యూలో మాట్లాడుతూ.. తనకు పలు సినిమాల్లో ఛాన్స్ లు వస్తున్నాయని తెలిపింది. అయితే పీ ఆర్ టీమ్ లేకుండా బిగ్ బాస్ హౌస్ లోకి వెళ్లడం వల్లే త్వరగా బయటకు వచ్చేశానని చెప్పుకొచ్చింది. అలాగే బిగ్ బాస్ విన్నర్ అయ్యే ఛాన్స్ ఆదిరెడ్డి, రేవంత్ కు మాత్రమే ఉందని చెప్పుకొచ్చింది. ఇక పుష్ప 2 సినిమాలో ఛాన్స్ దక్కిందన్న వార్త పై స్పందిస్తూ.. ఇప్పటివరకు ఎవరు నన్ను సంప్రదించలేదని కాకపోతే పుష్ప కో డైరెక్టర్ నా ఫోన్ నెంబర్ తీసుకున్నారనీ తెలిపింది. అలాగే రాజకీయాలంటే తనకు ఇష్టమని భవిషత్తులో రాజకీయాల్లోకి వెళ్లే ఆలోచన ఉందని తెలిపింది గీతూ..
