Puri Jagannadh: పూరి నుంచి బాలయ్య సినిమా అప్డేట్ రానుందా.. డైనమిక్ డైరెక్టర్ బర్త్ డే కోసం ఫాన్స్ వెయిటింగ్..

టాలీవుడ్ డైనమిక్ డైరెక్టర్ పూరిజగన్నాథ్ దర్శకత్వం వహిస్తున్న తాజా చిత్రం లైగర్. విజయ్ దేవరకొండ హీరోగా నటిస్తున్న ఈ సినిమాలో బాలీవుడ్ బ్యూటీ అనన్య పాండే హీరోయిన్‌గా నటిస్తుంది.

Purijagannadh

Rajeev Rayala |

Updated on: Sep 26, 2021 | 5:01 PM

Puri Jagannadh: టాలీవుడ్ డైనమిక్ డైరెక్టర్ పూరిజగన్నాథ్ దర్శకత్వం వహిస్తున్న తాజా చిత్రం లైగర్. విజయ్ దేవరకొండ హీరోగా నటిస్తున్న ఈ సినిమాలో బాలీవుడ్ బ్యూటీ అనన్య పాండే హీరోయిన్‌గా నటిస్తుంది. ఈ సినిమాకు లైగర్ అనే ఇంట్రస్టింగ్ టైటిల్‌ను ఫిక్స్ చేశారు. లైగర్ సినిమాతో విజయ్ బాలీవుడ్‌‌‌కు.. అనన్య టాలీవుడ్‌కు ఒకేసారి పరిచయం అవుతున్నారు. పూరి, ఛార్మీ, కరణ్ జోహర్‌ సంయుక్తంగా ఈ సినిమాను నిర్మిస్తున్నారు. బాక్సింగ్ నేపథ్యంలో రూపొందనున్న చిత్రం ఇది. ఇక ఈ సినిమా షూటింగ్‌ను కరోనా తర్వాత ఇటీవలే తిరిగి ప్రారంభించాడు పూరి. ఇప్పుడు ఈ సినిమా షూటింగ్‌‌‌ను శరవేగంగా చేయాలని ప్లాన్ వేస్తున్నాడు పూరి. ఈ నేపథ్యంలో ఈ సినిమా షూటింగును ‘గోవా’లో ప్లాన్ చేశారు.సెప్టెంబర్ 30తో గోవా షూటింగ్ మొత్తం పూర్తవుతుంది.

సెప్టెంబర్ 28న పూరి జగన్నాథ్ పుట్టిన రోజు. ఈ సందర్భంగా ఆ రోజున చిత్ర టీజర్ ని రిలీజ్ చేయాలని ప్లాన్ చేస్తున్నారు చిత్రయూనిట్. వాస్తవానికి టీజర్ ని విజయ్ పుట్టిన రోజు సందర్భంగా మే9న రిలీజ్ చేయాలనుకున్నారు. కానీ కరోనా కారణంగా టీజర్‌ను విడుదల చేయలేకపోయారు. అప్పటి నుంచి పూరి-విజయ్ ఫ్యాన్స్ టీజర్ కోసం ఎంతో ఎగ్జైటింగ్ గా ఎదురుచూస్తున్నారు. ఈ సినిమాలో సీనియర్ హీరోయిన్ రమ్యకృష్ణ కీలక పాత్రలో నటిస్తున్నారు. విజయ్‌కు తల్లిగా ఆమె నటిస్తున్నారని టాక్. ఇక ఈ సినిమా టీజర్ తోపాటు నట సింహం బాలకృష్ణతో సినిమా చేయాలనీ చూస్తున్నాడు పూరి. ఈ ఇద్దరి కాంబినేషన్ లో పైసావసుల్ అనే సినిమా వచ్చిన విషయం తెల్సిందే. ఈ సినిమా ప్రేక్షకులను ఆకట్టుకోలేకపోయినప్పటికీ… ఈ సినిమా పూరి బాలయ్యను చూపించిన విధానం అభిమానులను ఆకట్టుకుంది. ఇక ఇప్పుడు పూరి నుంచి బాలయ్య సినిమాకు సంబంధించిన ఏదైనా అప్డేట్ ఉంటుందా అని అభిమానులంతా ఆసక్తిగా ఎదురుచూస్తున్నారు.

మరిన్ని ఇక్కడ చదవండి :