Prabhas: ‘రాయల్’గా ప్రభాస్.. డార్లింగ్ రేంజ్ అంటే ఆ మాత్రం ఉండాల్సిందే మరి..
డైరెక్టర్ మారుతి దర్శకత్వంలో ఓసినిమా చేస్తున్న సంగతి తెలిసిందే. మొదటి నుంచి మూవీకి సంబంధించిన విషయాలు అంతగా బయటకు రావడం లేదు. అయితే అప్డేట్స్ మాత్రం ఫిల్మ్ సర్కిల్లో వినిపిస్తున్నాయి. మారుతి, ప్రభాస్ కాంబోలో రాబోతున్న సినిమాకు ముందుగా రాజా డీలక్స్ అనే టైటిల్ ఫిక్స్ చేశారని టాక్ నడిచింది. ఇక ఇప్పుడు మరో టైటిల్ తెరపైకి వచ్చింది.
Updated on: Jun 26, 2023 | 3:20 PM
బాహుబలి తర్వాత ప్రభాస్ నటించిన మూడు చిత్రాలు ప్రేక్షకులను నిరాశ పరిచాయి. ఇప్పటికే సాహో, రాధేశ్యామ్ బాక్సాఫీస్ వద్ద డిజాస్టర్స్ అయ్యాయి. ఇక ఇటీవల వచ్చిన ఆదిపురుష్ సినిమా చుట్టూ వివాదాలే నెలకొన్నాయి. ఇందులో రాముడిగా ప్రభాస్ నటన అద్భుతమంటూ ప్రశంసలు కురిపిస్తున్నారు. కానీ డైరెక్టర్ ఓంరౌత్ తెరకెక్కించిన విధానం.. పొరపాట్లపై తీవ్రస్థాయిలో ఆగ్రహం వ్యక్తం చేస్తున్నారు. దీంతో ప్రభాస్ నెక్ట్స్ ప్రాజెక్ట్స్ పైనే ఫ్యాన్స్ ఆశలు పెట్టుకున్నారు. ఓవైపు సలార్, ప్రాజెక్ట్ కె షూటింగ్స్ శరవేగంగా జరుగుతున్నాయి. మరోవైపు డైరెక్టర్ మారుతి దర్శకత్వంలో ఓసినిమా చేస్తున్న సంగతి తెలిసిందే. మొదటి నుంచి మూవీకి సంబంధించిన విషయాలు అంతగా బయటకు రావడం లేదు. అయితే అప్డేట్స్ మాత్రం ఫిల్మ్ సర్కిల్లో వినిపిస్తున్నాయి. మారుతి, ప్రభాస్ కాంబోలో రాబోతున్న సినిమాకు ముందుగా రాజా డీలక్స్ అనే టైటిల్ ఫిక్స్ చేశారని టాక్ నడిచింది. ఇక ఇప్పుడు మరో టైటిల్ తెరపైకి వచ్చింది.
తాజా సమాచారం ప్రకారం ఈ సినిమా టైటిల్ రాయల్ అని ఫిక్స్ చేసినట్లుగా తెలుస్తోంది. ఇప్పటికే ఈ పేరును చిత్ర నిర్మాతలు ఫిలిం ఛాంబర్లో రిజిస్టర్ చేయించారని.. త్వరలోనే దీనిపై అధికారిక ప్రకటన రానుందని తెలుస్తోంది. ఇక ఇదే నిజం అయితే పాన్ ఇండియా స్టార్ ప్రభాస్ రేంజ్ కు తగ్గట్లుగా టైటిల్ అదిరిపోతుందని అంటున్నారు. గతంలోనూ రెబల్ పేరుతో సినిమా తీస్తే డిజాస్టర్ అయ్యింది. అయితే ఇప్పుడు మాత్రం రాయల్ పేరుతో రానున్న ఈ సినిమా సూపర్ హిట్ కావాలని కోరుకుంటున్నారు ఫ్యాన్స్.
ఇదిలా ఉంటే.. ఈ సినిమా షూటింగ్ సైలెంట్ గా జరుగుతుంది. ఇప్పటివరకు దాదాపు 60 శాతం చిత్రీకరణ పూర్తైందని తెలుస్తోంది. ఇందులో నిధి అగర్వాల్, మాళవిక మోహనన్, రిధిలు హీరోయిన్లుగా నటిస్తున్నారు. అలాగే ఇందులో బాలీవుడ్ నటుడు సంజయ్ దత్ విలన్ గా కనిపించనున్నారు. పీపుల్ మీడియా ఫ్యాక్టరీ నిర్మిస్తోన్న ఈ సినిమాను వచ్చే ఏడాది రిలీజ్ చేయనున్నారు.
మరిన్ని సినిమా వార్తల కోసం ఇక్కడ క్లిక్ చేయండి.
