Amigos: ఇక బుల్లితెరపై అలరించనున్న కళ్యాణ్ రామ్.. త్వరలోనే అమిగోస్ ..
డైరెక్టర్ రాజేంద్ర రెడ్డి దర్శకత్వం వహించిన అమిగోస్ చిత్రంలో కన్నడ బ్యూటీ ఆషికా రంగనాథ్ కథానాయికగా నటించింది. ఈ మూవీతోనే తెలుగు తెరకు పరిచయమైంది ఈ బ్యూటీ. ట్రైలర్, సాంగ్స్తోనే అంచనాలు పెంచేసిన ఈ సినిమా ఆడియన్స్ ను మాత్రం మెప్పించలేకపోయింది. ఇక ఆ తర్వాత ఓటీటీలోనూ అంతగా రెస్పాన్స్ రాలేదు.
Updated on: Jun 26, 2023 | 3:02 PM
నందమూరి కళ్యాణ్ రామ్ గతేడాది బింబిసార సినిమాతో బ్లాక్ బస్టర్ హిట్ అందుకున్నారు. కళ్యామ్ రామ్, సంయుక్త మీనన్ జంటగా నటించిన ఈ సినిమాకు మంచి రెస్పాన్స్ వచ్చింది. ఇక అదే జోష్లో ఈ ఏడాది ప్రారంభంలో అమిగోస్ చిత్రంతో మరోసారి ప్రేక్షకులను అలరించేందుకు వచ్చాడు. అయితే ఈ మూవీ బాక్సాఫీస్ వద్ద ఆశించిన స్థాయిలో ఆకట్టుకోలేకపోయింది. దీంతో మిక్డ్స్ టాక్ సొంతం చేసుకుంది. డైరెక్టర్ రాజేంద్ర రెడ్డి దర్శకత్వం వహించిన అమిగోస్ చిత్రంలో కన్నడ బ్యూటీ ఆషికా రంగనాథ్ కథానాయికగా నటించింది. ఈ మూవీతోనే తెలుగు తెరకు పరిచయమైంది ఈ బ్యూటీ. ట్రైలర్, సాంగ్స్తోనే అంచనాలు పెంచేసిన ఈ సినిమా ఆడియన్స్ ను మాత్రం మెప్పించలేకపోయింది. ఇక ఆ తర్వాత ఓటీటీలోనూ అంతగా రెస్పాన్స్ రాలేదు.
ఇక ఇప్పుడు ఈ సినిమా బుల్లితెరపై సినీప్రియులను మరోసారి అలరించేందుకు సిద్ధమయ్యింది. త్వరలోనే వరల్డ్ టెలివిజన్ ప్రీమియర్ గా జెమిని టీవీలో ప్రసారం కానుంది. త్వరలోనే స్ట్రీమింగ్ డేట్ కూడా అనౌన్స్ చేయనున్నారు. భారీ అంచనాల మధ్య ఈ సినిమాను మైత్రి మూవీ మేకర్స్ బ్యానర్ పై ఈ మూవీని నిర్మించగా.. జిబ్రాన్ సంగీతం అందించారు. బాక్సాఫీస్ వద్ద అంతగా మెప్పించలేకపోయిన ఈ సినిమాకు బుల్లితెరపై ఎలాంటి రెస్పాన్స్ వస్తుందో చూడాలి.
ఇదిలా ఉంటే ప్రస్తుతం కళ్యామ్ రామ్ డెవిల్ చిత్రంలో నటిస్తున్నారు. ఇందులో మరోసారి సంయుక్త మీనన్ కళ్యాణ్ రామ్ తో జోడి కట్టనుంది. ఈ చిత్రానికి నవీన్ మేడారం దర్శకత్వం వహిస్తున్నారు. కళ్యాణ్ రామ్ కెరీర్ లో 21వ చిత్రంగా పాన్ ఇండియా లెవల్లో రూపొందిస్తున్నారు. దేవాన్స్ నామా సమర్పణలో అభిషేక్ పిక్చర్స్ బ్యానర్ పై అభిషేక్ నామా ఈ పీరియాడిక్ డ్రామాను నిర్మిస్తున్నారు.
మరిన్ని సినిమా వార్తల కోసం ఇక్కడ క్లిక్ చేయండి.
