Orange Movie: ప్రియుడితో పెళ్లిపీటలెక్కనున్న ఆరెంజ్ హీరోయిన్.. ఇప్పుడెలా ఉందో చూశారా? లేటెస్ట్ ఫొటోస్ వైరల్

షాజన్ పదంసీ.. ఈ పేరు వింటే చాలామందికి గుర్తు రాకపోవచ్చు. కానీ రామ్ చరణ్ నటించిన ఆరెంజ్ సినిమాలో రూబా అంటే కళ్ల ముందు ఓ అందమైన రూపం మెదులుతుంది. ఆరెంజ్ తో పాటు పలు తెలుగు సినిమాల్లో నటించిన ఈ ముద్దుగుమ్మ త్వరలో పెళ్లిపీటలెక్కనుంది.

Orange Movie

Basha Shek |
Updated on: May 26, 2025 | 4:57 PM

థియేటర్లలో పెద్దగా ఆడకపోయినా కల్ట్ క్లాసిక్ గా నిలిచిన సినిమాల్లో ఆరెంజ్ సినిమా ఒకటి. బొమ్మరిల్లు భాస్కర్ తెరకెక్కించిన ఈ బ్యూటిఫుల్ లవ్ స్టోరీలో రామ్ చరణ్, జెనీలియా హీరో, హీరోయిన్లుగా నటించారు. అలాగే మరో హీరోయిన్ గా షాజన్ పదంసీ నటించింది. సినిమాల్లో బాగా హైలెట్ గా నిలిచిన పాత్రల్లో షాజన్ ది కూడా ఒకటి. ఫ్లాష్ బ్యాక్ లో రామ్ చరణ్ ప్రియురాలు రూబాగా అద్భుతంగా నటించిందీ అందాల తార. తన క్యూట్ లుక్స్ తో కుర్రకారును ఆకట్టుకుంది. మోడల్ గా కెరీర్ ప్రారంభించిన ఈ బ్యూటీ రాకెట్‌ సింగ్‌: సేల్స్‌మ్యాన్‌ ఆఫ్‌ ద ఇయర్‌ సినిమాతో చలనచిత్ర పరిశ్రమలో అడుగుపెట్టింది. ఆ తర్వాత కనిమొళి అనే తమిళ చిత్రంలో నటించింది. దిల్‌ తో బచ్చా హై జీ, హౌస్‌ఫుల్‌ 2 వంటి హిందీ సినిమాల్లోనూ మెరిసింది. ఆరెంజ్‌ సినిమాతో టాలీవుడ్ ఆడియెన్స్ కు పరిచయమైంది. ఆ తర్వాత రామ్ పోతినేని, విక్టరీ వెంకటేశ్ హీరోలుగా నటించిన మసాలా సినిమాలోనూ హీరోయిన్ గా యాక్ట్ చేసింది. అయితే ఆ తర్వాత క్రమంగా ఇండస్ట్రీకి దూరమైందీ ముద్దుగుమ్మ.

2015లో సాలిడ్‌ పటేల్స్‌ (హిందీ) సినిమాలో నటించిన షాజన్ దాదాపు ఎనిమిదేళ్ల విరామం తర్వాత 2023లో పాగల్‌పన్‌: నెక్స్ట్‌ లెవల్‌ చిత్రంతో రీఎంట్రీ ఇచ్చింది. దీంతో పాటు కొన్ని వెబ్ సిరీసుల్లోనూ ఈ ముద్దుగుమ్మ నటిస్తోంది.

ఇవి కూడా చదవండి

కాబోయే భర్తతో ఆరెంజ్ హీరోయిన్..

View this post on Instagram

A post shared by Shazahn Padamsee (@shazahnpadamsee)

కాగా సినిమాల్లో సెకెండ్ ఇన్నింగ్స్ ప్రారంభించిన షాజన్ పదంసీ త్వరలోనే పెళ్లిపీటలెక్కనుంది. తన ప్రియుడు, వ్యాపార వేత్త ఆశిష్‌ కనకియాతో ఆమె వివాహం జరగనుంది. గతేడాది నవంబర్‌లోనూ అశీష్‌ తనకు ప్రపోజ్ చేసినట్లు షాజన్ తెలిపింది. ఈ క్రమంలోనే ఈ ఏడాది జనవరిలో వీరి రోకా వేడుక అట్టహాసంగా జరిగింది. ఇందుకు సంబంధించిన ఫొటోలు, వీడియోలు కూడా సామాజిక మాధ్యమాల్లో బాగా వైరలయ్యాయి. కాగా జూన్‌లో వీరి పెళ్లి వేడుక జరగనున్నట్లు తెలుస్తోంది.