Harsha Chemudu: ఖరీదైన కారు కొన్న నటుడు హర్ష.. ఫొటోస్ వైరల్.. ధర ఎంతో తెలుసా?
యూట్యూబర్ గా కెరీర్ స్టార్ట్ చేసి ఇప్పుడు టాలీవుడ్ హీరోగా ఎదిగాడు ప్రముఖ కమెడియన్ హర్ష చెముడు. వైవా అనే షార్ట్ ఫిల్మ్తో ఓవర్ నైట్ లో ఫేమస్ అయిన హర్ష ఇప్పుడు పలు సినిమాల్లో నటిస్తూ బిజి బిజీగా ఉంటున్నాడు.
Updated on: May 26, 2025 | 5:01 PM
వైవా అనే షార్ట్ ఫిల్మ్తో మంచి గుర్తింపు తెచ్చుకున్నాడు హర్ష. ఒక యూట్యూబర్ గా కెరీర్ ఆరంభించిన అతను తన సొంత ట్యాలెంట్ తో హీరోగా మారాడు. మొదట పలు సినిమాల్లో హీరో ఫ్రెండ్ గా సపోర్టింగ్ రోల్స్ లో మెరిశాడు. చాలా సినిమాల్లో కమెడియన్గా, క్యారెక్టర్ ఆర్టిస్టుగా నటించి మెప్పించాడు. ఇక గతేడాది సుందరం మాస్టర్ సినిమాతో హీరోగా కూడా అదృష్టం పరీక్షించుకున్నాడు. మాస్ మహరాజా రవితేజ నిర్మించిన ఈ సినిమా యావరేజ్ గా నిలిచినా నటుడిగా ప్రశంసలు అందుకున్నాడు హర్ష. ఇటీవలే ప్రియదర్శి హీరోగా నటించిన సారంగపాణి జాతకం సినిమాతో ఆడియెన్స్ ను కడుపుబ్బా నవ్వించాడు హర్ష. సినిమాల సంగతి పక్కన పెడితే.. హర్షకు కార్లు, బైక్స్ అంటే పిచ్చి. ఇప్పటికే అతని గ్యారేజ్ లో లగ్జరీ స్పోర్ట్స్ బైక్స్ ఉన్నాయి. వీలుచిక్కినప్పుడల్లా స్పోర్ట్స్ బైక్స్ వేసుకుని ఫ్రెండ్స్తో కలిసి లాంగ్ డ్రైవ్స్కి వెళ్తుంటాడీ యాక్టర్. తాజాగా హర్ష గ్యారేజ్ లోకి ఖరీదైన లగ్జరీ కారు వచ్చి చేరింది. బీఎండబ్ల్యూ ఎఫ్87 ఎమ్2 కాంపిటీషన్ కారును కొనుగోలు చేశాడు హర్ష. ఈ శుభవార్తను అతనే సోషల్ మీడియాలో షేర్ చేశాడు. ఈ సందర్భంగా కొత్త కారు పక్కన తన భార్యతో కలిసి ఫొటోలు దిగి వాటిని ఇన్ స్టాలో షేర్ చేశాడీ ట్యాలెంటెడ్ యాక్టర్.
హర్ష షేర్ చేసుకున్న కార్ ఫొటోలు ప్రస్తుతం సోషల్ మీడియాలో తెగ వైరలవుతున్నాయి. వీటిని చూసిన సినీ అభిమానులు, నెటిజన్లు హర్షకు కంగ్రాట్స్ చెబుతున్నారు. కాగా హైదరాబాద్ మార్కెట్ లో ఈ కారు ధర రూ.కోటి 30 లక్షల నుంచి రూ.కోటి 40 లక్షల వరకు ఉంటుందని తెలుస్తోంది.
కొత్త కారు ముందు హర్ష పోజులు..
View this post on Instagram
ఇక హర్ష చెముడు పర్సనల్ లైఫ్ విషయానికి వస్తే.. 2021లో అక్షర అనే అమ్మాయిని పెళ్లి చేసుకున్నాడీ టాలీవుడ్ నటుడు. అయితే ఆ మధ్యన వీరిద్దరూ విడిపోతున్నారని, విడాకులు తీసుకుంటున్నట్లు రూమర్లు వచ్చాయి. అయితే వాటిని తిప్పికొడుతూ ఎంతో అన్యోన్యంగా జీవిస్తున్నారీ లవ్లీ కపుల్. తన భార్యతో కలిసున్నదిగిన ఫొటోలను ఎప్పటికప్పుడు షేర్ చేస్తున్నాడు హర్ష. ప్రస్తుతం మోగ్లీ, బకాసుర సినిమాల షూటింగుల్లో పాల్గొంటూ బిజీగా ఉంటున్నాడు హర్ష.
భార్యతో కలిసి వెకేషన్ లో..
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి . .
