Varudu Kaavalenu: టామ్‌ అండ్‌ జెర్రీలా ఉన్న వీరు ప్రేమలో ఎలా పడ్డారబ్బా.? ఆకట్టుకుంటోన్న వరుడు కావలెను టీజర్‌.

Varudu Kaavalenu: నాగశౌర్య, రీతూ వర్మ జంటగా ‘వరడు కావలెను’ సినిమా తెరకెక్కుతోన్న విషయం తెలిసిందే. ఫీల్‌గుడ్‌ లవ్‌ అండ్‌ ఫ్యామిలీ ఎంటర్‌టైనర్‌గా తెరకెక్కుతోన్న ఈ సినిమాకు లక్ష్మీ సౌజన్య దర్శకత్వం వహిస్తుండగా.. సితార ఎంటర్‌టైన్‌మెంట్స్‌ పతాకంపై సూర్యదేవర నాగ వంశీ నిర్మిస్తున్నారు. ఈ సినిమా షూటింగ్‌ ఇప్పటికే పూర్తికాగా ప్రస్తుతం ప్రీప్రొడక్షన్‌ పనులు జరుపుకుంటోంది. వాస్తవానికి ఈ సినిమా ఇప్పటికే విడుదల కావాల్సి ఉండగా కరోనా కారణంగా వాయిదా పడుతూ వచ్చింది. ప్రస్తుతం థియేటర్లు తిరిగి తెరుచుకోవడంతో సినిమాను విడుదల చేసేందుకు చిత్ర బృందంద సిద్ధమైంది. ఈ క్రమంలోనే ఈ చిత్రాన్ని అక్టోబర్‌లో విడుదల చేయనుంది.

ఇదిలా ఉంటే సినిమా విడుదల తేదీ దగ్గరపడుతోన్న నేపథ్యంలో ప్రమోషన్‌ వేగాన్ని పెంచిన చిత్ర యూనిట్‌ టీజర్‌ను విడుదల చేసింది. కృష్టాష్టమి పురస్కరించుకొని ఈ టీజర్‌ను విడుదల చేశారు. నిమిషం నిడివి ఉన్న ఈ టీజర్‌ను గమనిస్తే సినిమా మొత్తం ఫుల్‌ ఎంటర్‌టైనర్‌గా ఉండేలా కనిపిస్తోంది. ఇక నాగశౌర్య, రీతూ వర్మల మధ్య ఉన్న సన్నివేశాలను ఆకట్టుకుంటున్నాయి. టామ్‌ అండ్‌ జెర్రీలా నిత్యం గొడవ పడుతోన్న ఈ జంట మధ్య ప్రేమ ఎలా పుట్టిందన్న అంశాన్ని దర్శకుడు ఎలా చూపించనున్నాడన్న దానిపై ఆసక్తి నెలకొంది. ఈ సినిమా ద్వారా మరో అందమైన ప్రేమ కథ వెండి తెరపై తళుక్కుమనున్నట్లు టీజర్‌ను చూస్తే అర్థమవుతోంది. మరి టీజర్‌పై మీరూ ఓ లుక్కేయండి.

Also Read:  బాదుడే.. బాదుడు.. క్రెడిట్‌ కార్డుదారులకు ఆ బ్యాంకు షాకింగ్‌ న్యూస్‌.. సెప్టెంబర్‌ 15 నుంచి కొత్త నిబంధనలు.!

Vijayakanth: విషమంగా స్టార్ హీరో ఆరోగ్యం.. మెరుగైన చికిత్స కోసం విదేశాలకు..

Bigg Boss 5 Telugu: బిగ్‏బాస్ కంటెస్టెంట్స్ లిస్ట్‏లో కీలక మార్పులు.. కొత్తగా మరో ముగ్గురు..