Thaman: మహేష్ ఫ్యాన్స్‏కు సర్‏ప్రైజ్ ఇచ్చిన థమన్.. సర్కారు వారి పాట ట్యూన్ వినిపించేశాడుగా..

సూపర్ స్టార్ మహేష్ బాబు ప్రస్తుతం సర్కారు వారి పాట మూవీ చేస్తున్న సంగతి తెలిసిందే. డైరెక్టర్ పరశురామ్ తెరకెక్కిస్తున్న

Taman

Rajitha Chanti |
Updated on: Jan 23, 2022 | 7:44 AM

సూపర్ స్టార్ మహేష్ బాబు ప్రస్తుతం సర్కారు వారి పాట మూవీ చేస్తున్న సంగతి తెలిసిందే. డైరెక్టర్ పరశురామ్ తెరకెక్కిస్తున్న ఈ సినిమాలో కీర్తి సురేష్ హీరోయిన్‏గా నటిస్తోంది. ఇప్పటికే ఈ సినిమా నుంచి ప్రతి పోస్టర్ సర్కారు వారి పాట పై మరింత హైప్ క్రియేట్ చేశాయి. ఇందులో మహేష్ సరికొత్త లుక్‏లో కనిపించబోతున్నట్లుగా తెలుస్తోంది. ఇక ఈ సినిమాపై ఇప్పుడు కరోనా ప్రభావం ఎక్కువగానే చూపిస్తుంది. ఇటీవల మహేష్ బాబు మోకాలి సర్జరీ జరగడం.. ఆ తర్వాత.. మహేష్.. కీర్తి సురేష్ కరోనా బారిన పడడంతో ఈ మూవీ షూటింగ్ వాయిదా పడుతూ వచ్చింది. ఇక అటు ప్రమోషన్ కార్యక్రమాలు కూడా ఆగిపోయాయి. అయితే ఇప్పటికే ఈ సినిమా విడుదల కావాల్సి ఉంది. కానీ కరోనా మహమ్మారి కారణంగా ఈ మూవీ వేసవికి వాయిదా పడింది.

ఇదిలా ఉంటే.. సర్కారు వారి పాట నుంచి అప్డేట్ ఫ్యాన్స్ ఎంతో ఆసక్తిగా ఎదురుచూస్తున్నారు. ఈ రిపబ్లిక్ డే సందర్భంగా సినిమాకు సంబంధించిన అప్డేట్ వస్తుందేమో అని ఎదురుచూశారు. చివరకు మరోసారి వారికి నిరాశే ఎదురయ్యింది. ఇదిలా ఉంటే.. తాజాగా థమన్ ఓ వీడియోను విడుదల చేశాడు. ఇందులో మహేష్ అభిమానులకు కావాల్సిన స్టఫ్ ఇచ్చాడు. సర్కారు వారి పాట టైటిల్ సాంగ్ ట్యూన్‏ను అలా ప్లే చేసి వినిపించాడు. దీంతో మహేష్ ఫ్యాన్స్ ఫుల్ ఖుషి అవుతున్నారు. ఇక ఇప్పటికే ఈ సినిమా నుంచి జరగాల్సిన మ్యూజికల్ ప్రమోషన్స్ ప్రతిసారి వాయిదా పడుతున్న సంగతి తెలిసిందే.

ట్వీట్..