Mukku Avinash: ‘జై అవినాష్ అన్నా’.. వైన్‌ షాపు దగ్గర ఫ్రీగా మందు పంచిన స్టార్‌ కమెడియన్‌.. మందుబాబుల ఎమోషనల్‌

బిగ్‌ బాస్‌ ఫేమ్‌ యంగ్‌ హీరో సయ్యద్‌ సోహైల్‌ ప్రధాన పాత్రలో నటించిన చిత్రం ‘బూట్‌కట్‌ బాలరాజు’. ఇందులో జబర్దస్త్‌ కమెడియన్‌ ముక్కు అవినాష్ ఒక కీలక పాత్రలో నటించాడు. శ్రీ కోనేటి దర్శకత్వం వహించినఈ చిత్రానికి

Mukku Avinash

Basha Shek |
Updated on: Feb 03, 2024 | 6:50 PM

బిగ్‌ బాస్‌ ఫేమ్‌ యంగ్‌ హీరో సయ్యద్‌ సోహైల్‌ ప్రధాన పాత్రలో నటించిన చిత్రం ‘బూట్‌కట్‌ బాలరాజు’. ఇందులో జబర్దస్త్‌ కమెడియన్‌ ముక్కు అవినాష్ ఒక కీలక పాత్రలో నటించాడు. శ్రీ కోనేటి దర్శకత్వం వహించినఈ చిత్రానికి ఎం.డి.పాషా నిర్మాత కాగా.. హీరో సోహైల్ కూడా సహ నిర్మాతగా ఉన్నాడు. శుక్రవారం (ఫిబ్రవరి 02) థియేటర్లలో విడుదలైన బూట్‌ కట్‌ బాలరాజు పాజిటివ్‌ టాక్‌ సొంతం చేసుకుంది. అయితే తమ సినిమాను జనాల్లోకి తీసుకెళ్లేందుకు వెరైటీగా ప్రమోషన్స్‌ నిర్వహించాడు కమెడియన్‌ ముక్కు అవినాష్‌. తన స్నేహితులతో కలిసి రోడ్లపై చక్కర్లు కొడుతూ ‘బూట్ కట్ బాలరాజు’ సినిమా చూడాలని ప్రచారం నిర్వహించాడు. ఈ నేపథ్యంలో ఓ వైన్‌ షాపు దగ్గరకు వెళ్లిన అవినాష్‌ అక్కడున్న మందు బాబుల్ని తనకూ 90 ఎంఎల్‌ మందు బాటిల్‌ ఇప్పించాలని అడిగాడు. తన దగ్గర డబ్బుల్లేవని.. అయితే మందు తాగాలని ఉందని నాకు ఒక 90 ఇప్పించండని మందు బాబుల్ని అడిగాడు. దీంతో చాలామంది అతనికి మందు పోయించడానికి పోటీ పడ్డారు. నేను ఇప్పిస్తానంటే నేను ఇప్పిస్తానంటూ చాలా మంది పోటీ పడ్డారు.

అయితే ఇక్కడే ట్విస్ట్‌ ఇచ్చాడు అవినాష్‌. రివర్స్‌లో తానే మందుబాబులకు 90 ఎం ఎల్‌ బాటిల్స్ పంచి పెట్టాడు. దీంతో మందుబాబుల ఆనందానికి హద్దుల్లేకుండా పోయాయి. ‘జై అవినాష్‌ అన్నా’.. నువ్వు దేవుడి సామీ’ అంటూ తమ సంతోషాన్ని వ్యక్తం చేశారు మందు బాబులు. ఆ తర్వాత తన ‘బూట్ కట్ బాలరాజు’ సినిమా చూడాలని కోరాడు అవినాష్. ప్రస్తుతం దీనికి సంబంధించిన ఫొటోలు, వీడియోలు సామాజిక మాధ్యమాల్లో తెగ వైరలవుతున్నాయి. బూట్ కట్‌ బాలరాజు సినిమాలో మేఘ లేఖ, సునీల్, సిరి హన్మంత్, ఇంద్రజ తదితరులు ప్రధాన పాత్రలు పోషించారు. ఈ సినిమాలో హీరోగా నటించడంతో పాటు సహ నిర్మాతగా కూడా వ్యవహరించాడు సోహైల్‌. సినిమా ప్రమోషన్స్‌ బాధ్యతలను తన భుజాన వేసుకుని మరీ మూవీని జనాల్లోకి తీసుకెళుతున్నాడు.

ఇవి కూడా చదవండి