Joram OTT: ఓటీటీలోకి వచ్చేసిన అవార్డు విన్నింగ్ మూవీ.. మనోజ్ బాజ్ పాయ్ ‘జొరమ్’ ఎక్కడ చూడొచ్చంటే?
నోజ్ బాజ్పాయ్ నటించిన లేటెస్ట్ సినిమా జొరమ్. డిసెంబర్ 8న థియేటర్లలో విడుదలైన ఈ సినిమా బాక్సాఫీస్ వద్ద మంచి వసూళ్లు రాబట్టింది. అయితే అంతకంటే ముందే విమర్శకుల ప్రశంసలు అందుకుందీ సర్వైవల్ థ్రిల్లర్. సిడ్నీ, డర్బన్, షికాగో, ఎడిన్బరో లాంటి ఇంటర్నేషనల్ ఫిల్మ్ ఫెస్టివల్స్లో జొరమ్ సినిమాను ప్రదర్శించారు.
Updated on: Feb 02, 2024 | 7:56 PM
ఫ్యామిలీ మ్యాన్ వెబ్ సిరీస్తో తెలుగు ప్రేక్షకులకు కూడా బాగా చేరువైపోయాడు బాలీవుడ్ నటుడు మనోజ్ బాజ్ పాయ్. దీని తర్వాత మనోజ్ నటించిన ‘సిర్ఫ్ ఏక్ బందా కాఫీ హై’, ‘ ది కిల్లర్ సూప్’ తదితర సినిమాలు, సిరీస్లు కూడా తెలుగు ఆడియెన్స్ను బాగా ఆకట్టుకున్నాయి. ఇదే కోవలో మనోజ్ బాజ్పాయ్ నటించిన లేటెస్ట్ సినిమా జొరమ్. డిసెంబర్ 8న థియేటర్లలో విడుదలైన ఈ సినిమా బాక్సాఫీస్ వద్ద మంచి వసూళ్లు రాబట్టింది. అయితే అంతకంటే ముందే విమర్శకుల ప్రశంసలు అందుకుందీ సర్వైవల్ థ్రిల్లర్. సిడ్నీ, డర్బన్, షికాగో, ఎడిన్బరో లాంటి ఇంటర్నేషనల్ ఫిల్మ్ ఫెస్టివల్స్లో జొరమ్ సినిమాను ప్రదర్శించారు. అలానే బెస్ట్ యాక్టర్, బెస్ట్ సినిమాటోగ్రఫీ తదితర విభాగాల్లో అవార్డులు కూడా వచ్చాయి. తాజాగా ఫిలింఫేర్-2024 పురస్కారాల్లో ఉత్తమ చిత్రంగా అవార్డు కూడా సొంతం చేసుకుంది జొరమ్. ఇలా ఎన్నో అవార్డులు గెల్చుకున్న ఈ సూపర్ హిట్ థ్రిల్లర్ ఇప్పుడు డిజిటల్ స్ట్రీమింగ్కు వచ్చేసింది. ప్రముఖ ఓటీటీ ప్లాట్ఫామ్ అమెజాన్ ప్రైమ్ వీడియో జొరమ్ మూవీ డిజిటల్ స్ట్రీమింగ్ హక్కులను కొనుగోలు చేసింది. ఈ నేపథ్యంలో శుక్రవారం (ఫిబ్రవరి 02) అర్ధ రాత్రి నుంచే జొరమ్ సినిమాను ఓటీటీలోకి అందుబాటులోకి తీసుకొచ్చింది.
అయితే ప్రస్తుతం కేవలం హిందీలో మాత్రమే స్ట్రీమింగ్ కు అందుబాటులోకి వచ్చింది జొరమ్. అది కూడా రెంట్ విధానంలో మాత్రమే. త్వరలోనే తెలుగు వెర్షన్ కూడా ఓటీటీలోకి రావొచ్చని తెలుస్తోంది. ఇక సినిమా కథ విషయానికి వస్తే.. ఝార్ఖండ్ అడవుల్లో నివసించే దస్రు-వాను అనే గిరిజన జంటకు జొరమ్ అనే మూడు నెలల కూతురు ఉంటుంది. సొంత గ్రామంలో పనుల్లేక పోవడంతో పొట్టచేత పట్టుకుని ముంబై వస్తారు. రోజువారీ కూలీగా పనికి చేరుతాడు. అయితే తన కుమారుడిని దస్రు చంపేశాడని, అతని కోసం ముంబైకు వస్తుంది అతని భార్య. దీంతో కూతురితో ముంబై వదిలి సొంతూరికి పారిపోతాడు. ఈ ప్రయాణంలో అతను ఎలాంటి ఇబ్బందులు ఎదుర్కొన్నాడన్నదే జొరమ్ కథ. వీకెండ్లో మంచి థ్రిల్లర్ సినిమా చూడాలనుకునేవారికి జొరమ్ మంచి చాయిస్.
అమెజాన్ ప్రైమ్ లో స్ట్రీమింగ్..
@ZeeStudios_@Mdzeeshanayyub@nakdindianfakir@Makhijafilm@nowitsabhi#SmitaTambe@TannishthaC#MeghaMathur #NimmyRaphel@TrippinOnn@deepaksimhal@piyushputy#AvroBanerjee@mangeshdhakde@sidmeer@VIRAJSELOT#PankajBatra@bhudev4u@Dhimansound#CastingBayIndia@Avasash https://t.co/vEyEGenGcf
— Toronto Vlogger (@amritsa53986598) February 2, 2024
మరిన్ని సినిమా వార్తల కోసం ఇక్కడ క్లిక్ చేయండి.
