Pushpa Movie: ‘పుష్ప’ నుంచి మరో ఇంట్రెస్టింగ్ అప్‏డేట్… బన్నీ కోసం రంగంలోకి చిరు.. ఒకే ఫ్రేమ్‏లో అలా..

స్టైలీష్ స్టార్ అల్లు అర్జున్.. సుకుమార్ కాంబినేషన్ లో తెరకెక్కుతున్న మూవీ పుష్ప. పాన్ ఇండియా లెవెల్లో రెండు భాగాలుగా రూపొందుతున్న ఈ సినిమాపై అంచనాలు భారీగానే ఉన్నాయి. ఎర్ర చందనం స్మగ్లింగ్ నేపథ్యంలో రానున్న ఈ సినిమాలో బన్నీ పూర్తిగా డీగ్లామర్‏ రోల్‏లో కనిపించబోతుండడంతో.. పుష్ప కోసం అభిమానులు వేయి కళ్ళతో ఎదురుచూస్తున్నారు. ఈ సినిమా బడ్జెట్ రూ.250 కోట్ల వరకు ఉంటున్నట్లుగా సమాచారం. మొదటి భాగం షూటింగ్ దాదాపు పూర్తయిందని.. ఇక ప్రీ ప్రొడక్షన్ పనులు మాత్రమే మిగిలి ఉన్నాయని ఇండస్ట్రీలో టాక్ వినిపిస్తోంది. ఇక ఈ మాస్ ఎంటర్ టైనర్ లో మాస్ ప్రేక్షకులను అలరించే అన్ని అంశాలు ఉంటాయట. ఇక ఇప్పటికే విడుదల చేసిన “ది ఇంట్రడక్షన్ ఆఫ్ పుష్పరాజ్” వీడియో ఇంటర్నెట్ లో రికార్డుల మీద రికార్డులు క్రియేట్ చేస్తోంది.  ఇదిలా ఉంటే.. ఈ సినిమా గురించి రోజుకో ఆసక్తికర అప్ డేట్ ఫిల్మ్ సర్కిల్లో చక్కర్లు కొడుతున్నాయి. తాజాగా ఈ మూవీపై మరో గాసిప్ వినిపిస్తోంది.

తాజా సమాచారం ప్రకారం ఈ సినిమాలో ఓ స్పెషల్ సాంగ్ ఉండనుందట. అందులో మెగాస్టార్ చిరంజీవి కూడా నటించనున్నారట. స్పెషల్ సాంగ్‏లో చిరు ఇలా వచ్చి వెళ్లిపోతారని అంటున్నారు. చిరు అంటే బన్నీకి అమితమైన ప్రేమ. అలాంటిది తన సినిమాలోనే చిరు రావడం…ఒకే ఫ్రేములో ఇద్దరిని చూడడం అభిమానులకే పండగ అని చెప్పుకోవాలి. ఈ సినిమాకు దేవి శ్రీ ప్రసాద్ సంగీతం అందిస్తుండగా.. రష్మిక మందన హీరోయిన్ గా నటిస్తుంది. ఈ సినిమాలో ప్రతినాయకుడి పాత్రలో ఫహాద్ ఫాజిల్ కనిపించనున్నాడు.

Also Read: Santhosh Shobhan: మారుతి డైరెక్షన్‏లో సంతోష్ శోభన్ సినిమా… ‘ఏక్ మినీ కథ’ హీరో మరో హిట్టు అందుకోనున్నాడా ?

నందమూరి నాయకుడు,నటసింహం బాలకృష్ణ తో టీవీ 9 ఎక్సక్లూసివ్ ఇంటర్వ్యూ :Balakrishna Bday Live video,

Rahul Sipligunj : స్విమింగ్ పూల్ లో ఆసనాలు వేస్తూ విన్యాసాలు చేస్తున్న సింగర్.. వీడియో వైరల్..