Santhosh Shobhan: మారుతి డైరెక్షన్‏లో సంతోష్ శోభన్ సినిమా… ‘ఏక్ మినీ కథ’ హీరో మరో హిట్టు అందుకోనున్నాడా ?

ప్రముఖ దర్శకుడు శోభన్ తనయుడిగా ఇండస్ట్రీకి ఎంట్రీ ఇచ్చిన యంగ్ హీరో సంతోష్ తక్కువ కాలంలోనే మంచి గుర్తింపు పొందాడు. మొదటి సినిమా తను నేను అంతగా ఆకట్టుకోకపోయిన, ఆ తర్వాత వచ్చిన పేపర్ బాయ్ సినిమాతో నటన పరంగా మంచి మార్కులు వేసుకున్నాడు సంతోష్.. ఇక ఇటీవల రిలీజ్ అయిన ఏక్ మినీ కథతో సూపర్ హిట్ అందుకున్నాడు. ఓటీటీ లో రిలీజ్ అయిన ఈ మూవీతో.. ఫిల్మ్ క్రిటిక్స్ చేత ప్రశంసలు కూడా అందుకున్నాడు. దీంతో ఆయనకు ఆఫర్లు కూడాపెరిగాయి.

ఈ సినిమా హిట్ కొట్టడంతో పలువురు డైరెక్టర్లు సంతోష్ తో మూవీస్ చేసేందుకు ఆసక్తి చూపిస్తున్నారు. ఏక్ మినీ కథ మూవీ చూసిన డైరెక్టర్ మారుతి.. సంతోష్ నటనకు ఇంప్రెస్ అవడమే కాదు.. అతడితో ఓ చిత్రాన్ని నిర్మించేందుకు రెడీ అయినట్లుగా తెలుస్తోంది. అంతేకాకుండా.. ఇద్దరి మధ్య ఇప్పటికే మూవీ స్టోరీపై చర్చ కూడా జరిగిందట. కామెడీ అండ్ థ్రిల్లర్ జానర్ లో రానున్న ఈ మూవీని.. ఓ లెవెల్ బడ్జెట్ తో పూర్తి చేయాలని.. త్వరలోనే సెట్స్ పైకి తీసుకెళ్లాలని భావిస్తున్నారు మేకర్స్. అలాగే షూటింగ్ మొదలు పెట్టిన నెల రోజుల్లోనే పూర్తి చేసేలా ప్లాన్ చేస్తున్నారట. అంతేకాదు.. మారుతి, సంతోష్ శోభన్ కాంబినేషన్ లో ఓకే అయిన ఈ న్యూ మూవీలో.. హీరోయిన్ గా మెహరీన్ ను ఫిక్స్ చేశారు. గతంలో మారుతి డైరెక్షన్ లో వచ్చిన మహానుభావుడు చిత్రంలో మెహరీన్ హీరోయిన్ గా చేసింది. దీంతో మారుతి అడిగగానే ఈ ఎఫ్ 2 హీరోయిన్.. ఓకే అనేసిందట. దీంతో మారుతితో చేయబోతున్న ఈ మూవీతో.. సంతోష్ కు భారీ హిట్ ఖాయంగా కనిపిస్తోంది.

Also Read: Aishwarya Rajesh : బాక్సింగ్ పాక్టీస్ లో బిజీగా బిజీగా హీరోయిన్.. ఆ సినిమా కోసమేనా అమ్మడి కష్టాలు..

Raj Tarun : పెళ్ళికి రెడీ అవుతున్న మరో యంగ్ హీరో.. పెళ్లికూతురు ఆ హీరోయినే అంటూ పుకార్లు..