Megastar Chiranjeevi: ‘పద్మ విభూషణుల’ కలయిక.. వెంకయ్యనాయుడిని కలిసిన చిరంజీవి.. ప్రత్యేక క్షణాలను షేర్ చేసిన మెగాస్టార్..

గణతంత్ర దినోత్సవం సందర్భంగా కేంద్ర ప్రభుత్వం నిన్న రాత్రి ప్రతిష్టాత్మక పురస్కారాలను ప్రకటించిన సంగతి తెలిసిందే. పద్మ శ్రీ, పద్మ భూషణ్, పద్మ విభూషణ్ అవార్డులను అధికారికంగా అనౌన్స్ చేసింది. దేశవ్యాప్తంగా వివిధ రంగాల్లో సేవలు అందించిన ప్రముఖులను ఈ పురస్కారాలు వరించాయి. కేంద్రం విడుదల చేసిన జాబితాలో మెగాస్టార్ చిరంజీవి సైతం ఉన్నారు. ఆయనకు దేశంలోనే రెండో అత్యున్నత అవార్డు పద్మ విభూషణ్ అవార్డును ప్రకటించారు. అయనతోపాటు మాజీ ఉపరాష్ట్రపతి, తెలుగు సీనియర్ రాజకీయ నాయకులు వెంకయ్య నాయుడికి కూడా పద్మ విభూషణ్ అవార్డ్ ప్రకటించారు. ఈ క్రమంలో వీరిద్దరికి సోషల్ మీడియా వేదికగా సినీ, రాజకీయ ప్రముఖులు అభినందనలు వెల్లువెత్తుతున్నాయి. అటు చిరంజీవి, వెంకయ్యనాయుడిని వేరు వేరుగా కలిసిన సినీ ప్రముఖులు శుభాకాంక్షలు తెలుపుతున్నారు. అయితే ఇప్పుడు ఇద్దరు పద్మ విభూషణులు ఒక్కచోట చేరి ఒకరినొకరు సత్కరించుకున్నారు.

ఈరోజు సాయంత్రం మెగాస్టార్ చిరంజీవి స్వయంగా వెంకయ్య నాయుడి వద్దకు వెళ్లారు. ఆయనను శాలువాతో సత్కరించి అభినందనలు తెలిపారు. అనంతరం వెంకయ్యనాయుడు సైతం చిరంజీవిని సత్కరించారు. ఒకరినొకరు అభినందించుకుంటున్న ఫోటలోనూ చిరు తన సోషల్ మీడియాలో షేర్ చేస్తూ.. ప్రత్యేకమైన క్షణాలను వెంకయ్య నాయుడి గారితో పంచుకున్నాను అంటూ రాసుకొచ్చారు చిరు.

“సంతోషకరమైన క్షణాలను వెంకయ్య నాయుడి గారితో పంచుకున్నాను. ప్రతిష్టాత్మకమైన గౌరవం అందుకున్నందుకు తోటి గ్రహీతలుగా ఒకరినొకరు అభినందించుకున్నందుకు చాలా ఆనందంగా ఉంది” అని అన్నారు. ఇద్దరు కలిసి ఒక్కచోట ఉన్న ఫోటోస్ నెట్టింట చక్కర్లు కొడుతుండగా.. ఇద్దరికి అభినందనలు తెలుపుతున్నారు నెటిజన్స్.

Shared some delightful and very special moments with Shri. @MVenkaiahNaidu garu!

Being a fellow recipient of the prestigious honour makes the mutually congratulatory meeting extra joyous and memorable !🙏 #PadmaVibhushan pic.twitter.com/q5yF5L2nYO

— Chiranjeevi Konidela (@KChiruTweets) January 26, 2024

మరిన్ని సినిమా వార్తల కోసం ఇక్కడ క్లిక్ చేయండి.