Chiranjeevi: హైదరాబాద్‌లో ప్రారంభమైన మెగా154 షూటింగ్‌.. సెట్‌లో అడుగుపెట్టిన చిరంజీవి..

మెగాస్టార్‌ చిరంజీవి స్పీడ్‌ మాములుగా లేదు. యువ హీరోల కంటే వేగంగా సినిమాలు చేస్తున్నారు. ప్రస్తుతం 'ఆచార్య' షూటింగ్‌లో ఉన్న ఆయన ఇప్పటికే 'గాడ్‌ఫాదర్‌', 'భోళా శంకర్‌' సినిమాలను కూడా పట్టాలెక్కించారు.

Chiru

Basha Shek |

Updated on: Dec 03, 2021 | 7:08 AM

మెగాస్టార్‌ చిరంజీవి స్పీడ్‌ మాములుగా లేదు. యువ హీరోల కంటే వేగంగా సినిమాలు చేస్తున్నారు. ప్రస్తుతం ‘ఆచార్య’ షూటింగ్‌లో ఉన్న ఆయన ఇప్పటికే ‘గాడ్‌ఫాదర్‌’, ‘భోళా శంకర్‌’ సినిమాలను కూడా పట్టాలెక్కించారు. ఊటీలో ‘గాడ్‌ ఫాదర్‌’ షెడ్యూల్‌ పూర్తికాగా.. ఇటీవల హైదరాబాద్‌లో ‘భోళా శంకర్’ షూటింగ్‌ ప్రారంభమైంది. తాజాగా మెగాస్టార్‌ 154 ప్రాజెక్టు షూటింగ్‌ కూడా స్టార్ట్‌ అయింది. ఈ సినిమాకు బాబీ (కేఎస్‌ రవీంద్ర) దర్శకత్వం వహిస్తున్నారు. మైత్రీ మూవీ మేకర్స్‌పై నవీన్‌ యెర్నేని, వై. రవిశంకర్‌ ఈ చిత్రాన్ని నిర్మిస్తున్నారు. రాక్‌స్టార్‌ దేవిశ్రీ ప్రసాద్‌ సంగీతం వహిస్తున్నారు. ఇటీవల పూజా కార్యక్రమాలు జరుపుకున్న ఈ సినిమా షూటింగ్‌ గురువారం హైదరాబాద్‌లో ప్రారంభమైంది. మొదటి రోజు మెగాస్టార్‌ సెట్‌లోకి అడుగుపెట్టారు.

గొప్ప ఆరంభం.. ఈ సందర్భంగా చిరుకి సీన్ వివరిస్తూ ఉన్న ఫొటోని ట్విట్టర్‌లో షేర్ చేసిన డైరెక్టర్‌ బాబీ ‘చిరంజీవి అన్నయ్య తొలిరోజు షూటింగ్‌లో మాతో జాయిన్‌ అయ్యారు. కొంచెం నెర్వస్‌గా ఉంది. ఒకేసారి ఉద్వేగం, ఉత్సాహం తన్నుకొస్తున్నాయి. ఎంతో ఆసక్తిగా ఎదురు చూస్తున్న ఈ ప్రయాణానికి గొప్ప ఆరంభం ఇది’ అని రాసుకొచ్చారు. అయితే ఈ ఫొటోలో చిరు ఫేస్ కనిపించకపోవడంతో మెగా అభిమానులు కాస్త నిరుత్సాహానికి గురయ్యారు. కాగా చిరు, చరణ్‌ల కాంబినేషన్‌లో కొరటాల శివ తెరకెక్కిస్తోన్న ‘ఆచార్య’ త్వరలోనే ప్రేక్షకుల ముందుకు రానుంది.

It’s Quite a Thrilling day!!

Nervous and Enthusiastic at the same time..As our Mega Star @KChiruTweets garu joins the first day of shoot with us ❤️

Great start to this Most awaited journey. Need all your blessings ?#Mega154 #PoonakaaluLoading ? @ThisIsDSP @MythriOfficial pic.twitter.com/CJ5vEDkSXc

— Bobby (@dirbobby) December 2, 2021