Samantha: సమంత అనారోగ్యంపై స్పందించిన నాగబాబు.. ఆ వార్త వినగానే హృదయం ద్రవించిందంటూ ట్వీట్..
మెగా బ్రదర్ నాగబాబు కొణిదెల సామ్ అనారోగ్యంపై స్పందించారు. ఇప్పటివరకు తనకు తెలిసిన దృఢమైన వ్యక్తులలో సమంత ఒకరని అన్నారు.
టాలీవుడ్ స్టార్ హీరోయిన్ సమంత కొద్దిరోజులుగా మయోసైటిస్ వ్యాధితో బాధపడుతున్నారు. చాలా కాలంగా సోషల్ మీడియాకు దూరంగా ఉంటున్న సామ్ ఆరోగ్యం గురించి రకరకాల వార్తలు సోషల్ మీడియాలో చక్కర్లు కొట్టాయి. అరుదైన చర్మ సమస్య ఉందని.. అంతేకాకుండా ఇటీవల ఆమె ముఖానికి ప్లాస్టిక్ సర్జరీ చేయించుకున్నారంటూ టాక్ నడిచింది. దీంతో తన అనారోగ్య సమస్య గురించి ఇన్ స్టా వేదికగా తెలియజేస్తూ పుకార్లకు చెక్ పెట్టింది సామ్. ప్రస్తుతం తాను మయోసైటిస్ వ్యాధితో బాధపడుతున్నానంటూ ఓవైపు చేతికి సెలైన్.. మరోవైపు డబ్బింగ్ చెబుతున్న ఫోటోను షేర్ చేసింది. సామ్ అనారోగ్యం గురించి చెప్పిన విషయం అందరినీ ఆశ్చర్యపరిచింది. సమంతకు ఉన్న వ్యాధి గురించి తెలిసి అటు అభిమానులు, సినీ ప్రముఖులు షాకయ్యారు. ఆమె త్వరగా కోలుకొవాలంటూ ప్రార్థిస్తున్నారు.
ఇప్పటికే జూనియర్ ఎన్టీఆర్, శ్రియా, నాని, అక్కినేని అఖిల్, రాశిఖన్నా సమంత అనారోగ్యంపై స్పందించారు. జీవితాల్లోకి వచ్చే ఎన్నో సవాళ్లు మనలోని శక్తి సామర్థ్యాలు తెలియజేస్తాయని.. నీకు ధైర్యం, నమ్మకం ఉండాలని.. ఆ శక్తి కలగాలి అంటూ మెగాస్టార్ చిరంజీవి ట్వీట్ చేశారు. ఇక తాజాగా మెగా బ్రదర్ నాగబాబు కొణిదెల సామ్ అనారోగ్యంపై స్పందించారు. ఇప్పటివరకు తనకు తెలిసిన దృఢమైన వ్యక్తులలో సమంత ఒకరని అన్నారు. ” సమంతతో నేను ఎప్పుడూ నేరుగా మాట్లాడలేదు. కానీ ఆమె మయోసైటిస్ వ్యాధితో బాధపడుతుందన్న వార్త విని నా హృదయం ద్రవించింది. నన్ను తీవ్రంగా బాధించింది. ఆమె త్వరగా కోలుకోవాలని.. మునిపటి కంటే దృఢంగా తిరిగి రావాలని కోరుకుంటున్నాను. ఆమెను నేనెప్పుడు స్వతంత్ర మహిళగా… చాలా శక్తి సామర్థ్యాలు కలిగిన ఆశావాద వ్యక్తిగా చూశాను. మయోసైటిస్ నుంచి ఆమె పూర్తిగా కోలుకోవాలని మరొక్కసారి నా మనస్పూర్తిగా కోరుకుంటున్నాను” అంటూ నాగబాబు ట్వీట్ చేశారు.
సామ్ మరిన్ని గొప్ప పాత్రల్లో నటించడం ప్రేక్షకులు చూడాలనుకుంటున్నారని అన్నారు. ఆమెకు అభిమానుల ప్రేమ, అభిమానం ఈ సమస్య నుంచి త్వరగా కోలుకునేలా చేస్తాయని అన్నారు. ప్రస్తుతం సామ్ ఖుషి చిత్రంలో నటిస్తోంది. మరోవైపు ఆమె నటించిన శాకుంతలం, యశోద చిత్రాలు విడుదలకు సిద్ధంగా ఉన్నాయి.
To Samantha @Samanthaprabhu2 ,
One of the Strongest Human i ever Known. pic.twitter.com/uAT8CDcgEL
— Naga Babu Konidela (@NagaBabuOffl) October 30, 2022
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
