Manchu Manoj: త్వరలో గుడ్ న్యూస్ చెప్తానన్న మంచు హీరో.. అసలు విషయం ఇదేనా.?
దాదాపు మూడేళ్లు అవుతుంది మనోజ్ నుంచి సినిమా వచ్చి. అప్పుడెప్పుడో ఒక్కడు మిగిలాడు అనే సినిమాతో ప్రేక్షకుల ముందుకు వచ్చాడు మనోజ్. ఆ తర్వాత మరో సినిమా చేయలేదు. అయితే ఆ తర్వాత మనోజ్ కు పెళ్ళిజరిగిన విషయం తెలిసిందే.
Updated on: Dec 16, 2022 | 7:44 PM
మంచు మోహన్ బాబు ఫ్యామిలి ను హీరోలుగా రాణిస్తున్నారు మంచి విష్ణు. మనోజ్. విష్ణు వరుస సినిమాలతో అలరిస్తున్నప్పటికీ మనోజ్ మాత్రం సినిమాలు గ్యాప్ ఇచ్చారు. దాదాపు మూడేళ్లు అవుతుంది మనోజ్ నుంచి సినిమా వచ్చి. అప్పుడెప్పుడో ఒక్కడు మిగిలాడు అనే సినిమాతో ప్రేక్షకుల ముందుకు వచ్చాడు మనోజ్. ఆ తర్వాత మరో సినిమా చేయలేదు. అయితే ఆ తర్వాత మనోజ్ కు పెళ్ళిజరిగిన విషయం తెలిసిందే. ఆ తర్వాత ఇద్దరి మాధ్యమానస్పర్దలు రావడంతో విడిపోయారు. ఇక ఇప్పుడు మనోజ్ మరో వివాహం చేసుకోవడానికి రెడీ అవుతున్నారని కొంతకాలంగా వార్తలు వినిపిస్తున్నాయి. భూమా మౌనిక రెడ్డిని పెళ్లి చేసుకోబోతున్నారంటూ పెద్ద ఎత్తున ప్రచారం జరుగుతోంది. మొన్నీమధ్య ఈ ఇద్దరు కలిసి దైవదర్శనికి కూడా వెళ్లారు. తాజాగా మనోజ్ అమీన్ పీర్ దర్గాను దర్శించుకున్నారు. ఈ సందర్భంగా మనోజ్ మాట్లాడుతూ త్వరలోనే గుడ్ న్యూస్ చెప్తాను అని అన్నారు.
మనోజ్ కడప లోని అమీన్ పీర్ దర్గాలో ప్రత్యేక పూజలు చేశారు. పూజ అనంతరం మీడియాతో మాట్లాడుతూ..చాలా సంవత్సరాల నుంచి కడప దర్గా ను దర్శించాలని అనుకున్నాను కానీ ఎందుకో కుదరలేదు. అయితే నా కల ఇప్పటికీ నెరవేరిందని అన్నారు. దర్గా దర్శించుకోవడంతో మనసు కూడా చాలా ప్రశాంతంగా ఉందని మనోజ్ చెప్పుకొచ్చాడు.
అలాగే త్వరలోనే తాను కొత్త సినిమాలతో ప్రేక్షకుల ముందుకు వస్తానని అన్నారు. అదేవిధంగా కొత్త జీవితాన్ని కూడా ప్రారంభించబోతున్నా అని తెలిపారు. ఇక త్వరలోనే నా ఫ్యామిలీతో కలిసి మరోసారి దర్గాను దర్శించుకుంటానని తెలిపారు మనోజ్. ఇప్పుడు మనోజ్ చేసిన కామెంట్స్ వైరల్ అవుతున్నాయి. మనోజ్ చెప్తానన్న గుడ్ న్యూస్ తన మ్యారేజ్ గురించే అయ్యి ఉంటుందని అంటున్నారు కొందరు అభిమానులు. మరి మనోజ్ చెప్పే గుడ్ న్యూస్ ఏంటో చూడాలి..
