Mahesh Babu: బాబు మొదలెట్టేశాడుగా..యాక్షన్ సీక్వెన్స్‌లో ఇరగదీస్తున్న సూపర్ స్టార్..
సర్కారు వారి పాట సినిమాతో సాలిడ్ హిట్ అందుకున్న సూపర్ స్టార్ మహేష్ బాబు ప్రస్తుతం త్రివిక్రమ్ దర్శకత్వంలో సినిమా చేస్తున్న విషయం తెలిసిందే..
Updated on: Sep 19, 2022 | 6:47 AM
సర్కారు వారి పాట సినిమాతో సాలిడ్ హిట్ అందుకున్న సూపర్ స్టార్ మహేష్ బాబు(Mahesh Babu) ప్రస్తుతం త్రివిక్రమ్ దర్శకత్వంలో సినిమా చేస్తున్న విషయం తెలిసిందే. దాదాపు పుష్కర కాలం తర్వాత మహేష్ గురూజీ కాంబినేషన్ లో వస్తున్న సినిమా కావడంతో ఈ సినిమా పై భారీ అంచనాలు క్రియేట్ అయ్యాయి. అతడు, ఖలేజా సినిమాల గురించి ప్రత్యేకంగా చెప్పాల్సిన అవసరం లేదు. ఈ రెండు సినిమా థియేటర్స్ లో అంతగా ఆకట్టుకోకపోయినా.. టీవీల్లో మాత్రం సూపర్ హిట్ అయ్యాయి. ఇప్పటికీ ఈ సినిమాలు వస్తా ఛానల్ మార్చకుండా చూసే జనాలు ఉన్నారు. ఇక ఇప్పుడు త్రివిక్రమ్ మహేష్ తో ఓ హైవోల్టేజ్ యాక్షన్ ఎంటర్టైనర్‌తో ప్రేక్షకులను అలరించడానికి రెడీ అవుతున్నాడు. మహేష్ కెరీర్ లో 28వ మూవీగా వస్తోన్న ఈ సినిమా షూటింగ్ ఇటీవలే మొదలైంది.
వెరీ రీసెంట్ గా మహేష్ త్రివిక్రమ్ మూవీ షూటింగ్ మొదలైంది. అయితే ఓ యాక్షన్ సీక్వెన్స్ తో ఈ మూవీ షూటింగ్ ను మొదలు పెట్టారట త్రివిక్రమ్. విలన్ గ్యాంగ్ ను ఉతికిఆరేసే ఈ సన్నివేశంలో మహేశ్ బాబు ఇరగదీస్తున్నారని తెలుస్తోంది. మహేశ్ బాబుతో పాటు మరికొంత మంది ఈ సన్నివేశంలో పాల్గొంటున్నట్టుగా చెబుతున్నారు. ఈ ఫైట్ ను త్రివిక్రమ్ చాలా డిఫరెంట్ గా డిజన్ చేశారట. ఈ సినిమాలో మహేష్ సరసన పూజాహెగ్డే నటిస్తున్న విషయం తెలిసిందే. ఈ జంట గతంలో మహర్షి సినిమాలో నటించారు. ఇక త్రివిక్రమ్ డైరెక్షన్ లో పూజాహెగ్డే ఇప్పటికే అరవింద సమేత, అలవైకుంఠపురంలో లాంటి సూపర్ హిట్స్ లో నటించింది. ఇక ఈ సినిమాకు తమన్ సంగీతాన్ని అందిస్తున్నారు. ప్రస్తుతం ఈ మూవీ షూటింగ్ శరవేగంగా జరుగుతోంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
