Nayanthara: భర్త బర్త్‌డే రోజు ఊహించని సర్‌ప్రైజ్‌ ఇచ్చిన నయన్‌.. షాక్‌ అయిన విఘ్నేష్‌..
Nayanthara: స్టార్‌ కపుల్ నయన తార, విఘ్నేష్‌ ఎన్నో ఏళ్ల ప్రేమ బంధాన్ని పెళ్లి వరకు తీసుకెళ్లిన విషయం తెలిసిందే. ఈ ఏడాది జూన్‌లో సినీ, రాజకీయ రంగానికి చెందిన ప్రముఖుల సమక్షంలో ఈ జంట ఏడడుగులు వేశారు...
Updated on: Sep 18, 2022 | 7:55 PM
Nayanthara: స్టార్‌ కపుల్ నయన తార, విఘ్నేష్‌ ఎన్నో ఏళ్ల ప్రేమ బంధాన్ని పెళ్లి వరకు తీసుకెళ్లిన విషయం తెలిసిందే. ఈ ఏడాది జూన్‌లో సినీ, రాజకీయ రంగానికి చెందిన ప్రముఖుల సమక్షంలో ఈ జంట ఏడడుగులు వేశారు. ఇక వివాహం జరిగిన తర్వాత ఈ జంట ప్రేమ పక్షుల్లా విహరిస్తున్నారు. ఏమాత్రం ఖాళీ సమయం దొరికినా వెంటనే రెక్కలు కట్టుకొని విదేశాల్లో వాలిపోతున్నారు. ఈ సందర్భంగా దిగిన ఫొటోలను నిత్యం సోషల్‌ మీడియాలో పోస్ట్‌ చేస్తూ ట్రెండింగ్‌లో నిలుస్తున్నారీ లవ్లీ కపుల్.
ఈ నేపథ్యంలో తాజాగా భర్త విఘ్నేష్‌కు నయన్‌ ఊహించిన సర్‌ప్రైజ్‌ ఇచ్చింది. ఆదివారం విఘ్నేష్‌ పుట్టిన రోజు ఈ సందర్భంగా నయనతార తన జీవితంలో మరిచిపోలేని మరపురాని విధంగా జన్మదిన వేడుకలను నిర్వహించింది. ఇందులో భాగంగానే ప్రపంచ ప్రఖ్యాతిగాంచిన దుబాయ్‌లోని బుర్జ్‌ ఖలీఫా ముందు బర్త్‌డే సెలబ్రేషన్స్‌ నిర్వహించింది. ఈ వేడుకల్లో విఘ్నేష్‌ కుటుంబ సభ్యులు కూడా హాజరయ్యారు. బర్త్‌డే సెలబ్రేషన్స్‌కు సంబంధించిన ఫొటోలను ఇన్‌స్టాగ్రామ్‌లో పోస్ట్‌ చేసిన విఘ్నేష్‌.. ‘ఈ బర్త్‌డే రోజు కుటుంబ సభ్యుల స్వచ్ఛమైన ప్రేమతో నిండిపోయింది. నా భార్య నుంచి ఊహించని సర్‌ప్రైజ్‌ను అందుకున్నాను. బుర్జ్‌ ఖలీఫా కింద కలలో కూడా ఊహించని వేడుకను జరుపుకున్నాను. ఇంతకంటే ప్రత్యేకమైన సందర్భం నా జీవితంలో మరోటి లేదు. ఇలాంటి సంతోషకరమైన క్షణాలను ఇచ్చినందుకు ఆ భగవంతుడికి ధన్యవాదాలు’ అని రాసుకొచ్చాడు.
View this post on Instagram
మరిన్ని సినిమా వార్తల కోసం క్లిక్ చేయండి..
