Mahesh Babu: మహేశ్ బాబు పుత్రోత్సాహం.. గౌతమ్ గ్రాడ్యుయేషన్ డే వేడుకల్లో సూపర్ స్టార్ ఫ్యామిలీ.. వీడియో

టాలీవుడ్ సూపర్ స్టార్ మహేశ్ బాబు, నమత్ర శిరోద్కర్ పుత్రోత్సాహంతో పొంగిపోతున్నారు. తన కుమారుడు గౌతమ్ ఘట్టమనేని గ్రాడ్యుయేషన్(ఇంటర్) పూర్తి చేసిన సందర్భంగా ఎమోషనల్ అయ్యారు మహేశ్. ఈ మేరకు సోషల్ మీడియా ద్వారా తన ఆనందాన్ని అభిమానులతో పంచుకున్నారాయన

Mahesh Babu Family

Basha Shek |
Updated on: May 26, 2024 | 8:25 PM

టాలీవుడ్ సూపర్ స్టార్ మహేశ్ బాబు, నమత్ర శిరోద్కర్ పుత్రోత్సాహంతో పొంగిపోతున్నారు. తన కుమారుడు గౌతమ్ ఘట్టమనేని గ్రాడ్యుయేషన్(ఇంటర్) పూర్తి చేసిన సందర్భంగా ఎమోషనల్ అయ్యారు మహేశ్. ఈ మేరకు సోషల్ మీడియా ద్వారా తన ఆనందాన్ని అభిమానులతో పంచుకున్నారాయన. గౌతమ్ గ్రాడ్యుయేషన్ డే కు సంబంధించిన ఫొటోలు, వీడియోలను సోషల్ మీడియాలో షేర్ చేసుకున్న మహేశ్.. ‘నా మనసు గర్వంతో నిండిపోయింది. నీ గ్రాడ్యుయేషన్‌కు అభినందనలు. నీ జీవితంలో తరువాతి పాఠం నువ్వే రాసుకోవాలి. నువ్వు ఎప్పటిలాగానే రాణిస్తావని నమ్ముతున్నాను. నీ కలలను ఎప్పుడు వదులుకోకు. నిన్ను ఎప్పుడూ ప్రేమిస్తూనే ఉంటామన్న విషయాన్ని అసలు మర్చిపోకు. ఈరోజు నేను ఒక తండ్రిగా చాలా గర్వపడుతున్నాను’ అంటూ అనందానికి అక్షర రూపమిచ్చాడు మహేశ్. ఆ తర్వాత మహేశ్ సతీమణి నమ్రత కూడా గౌతమ్ గ్రాడ్యుయేషన్ పట్ల ఉబ్బితబ్బిబ్బైపోయారు. తన ఆనందాన్ని సోషల్ మీడియా వేదికగా షేర్ చేసుకుంది.

మై డియర్ జీజీ (గౌతమ్ ఘట్టమేనేని). నువ్వు నీ లైఫ్ లోనే కొత్త చాప్టర్ ముందు నిలబడి ఉన్నావుజ కాబట్టి ఈరోజు నేను నిన్ను చూసి చాలా గర్వపడుతున్నాను. నీకు నువ్వు ఎప్పుడూ నిజాయితీగా ఉండు. నీ ప్యాషన్స్‌ను ఫాలో అవ్వు. నీ కలలను ఎప్పుడూ దూరం చేసుకోకు. మేము నిన్ను నమ్మినంతంగా నిన్ను నువ్వు నమ్ము. నీ జీవితం నిన్ను ఎక్కడికి తీసుకెళ్లినా మా ప్రేమ, సపోర్ట్ ఎల్లప్పుడూ నీ వెంటే ఉంటాయి. ఈ ప్రపంచం ఇక నీదే. ఐ లవ్ యూ సో మచ్’ అంటూ ఎమోషనల్ గా రాసుకొచ్చింది నమ్రత.

ఇవి కూడా చదవండి

మహేశ్ బాబు పోస్ట్..

View this post on Instagram

A post shared by Mahesh Babu (@urstrulymahesh)

ప్రస్తుతం మహేశ్, నమ్రత దంపతుల సోషల్ మీడియా పోస్టులు సామాజిక మాధ్యమాల్లో వైరల్ గా మారాయి. అభిమానులు, నెటిజన్లు సైతం గౌతమ్ కు అభినందనలు, శుభాకాంక్షలు తెలుపుతున్నారు.