Vijay Thalapathy: తమిళ్ స్టార్ హీరో విజయ్ దళపతికి షాకిచ్చిన హైకోర్టు.. భారీగా జరిమానా విధిస్తూ ఆదేశాలు..
తమిళ్ స్టార్ హీరో విజయ్ దళపతికి మద్రాసు హైకోర్టు షాకిచ్చింది. లక్ష రూపాయాల జరిమానా విధిస్తూ.. ఆ మొత్తాన్ని ముఖ్యమంత్రి రిలీఫ్ ఫండ్కు విరాళంగా చెల్లించాలని ఆదేశించింది.
Updated on: Jul 13, 2021 | 3:06 PM
తమిళ్ స్టార్ హీరో విజయ్ దళపతికి మద్రాసు హైకోర్టు షాకిచ్చింది. లక్ష రూపాయాల జరిమానా విధిస్తూ.. ఆ మొత్తాన్ని ముఖ్యమంత్రి రిలీఫ్ ఫండ్కు విరాళంగా చెల్లించాలని ఆదేశించింది. ఇటీవల తన లగ్జరీ కారు దిగుమతి చేసుకున్నందుకు పన్ను మినహాయింపు కోరుతూ… పిటిషన్ ధాఖలు చేసిన సంగతి తెలిసిందే. కొందరు స్టార్ హీరోలు పన్ను చెల్లించేందుకు వెనుకాడుతున్నారని.. హైకోర్టు వ్యాఖ్యనించింది.
తమిళ్ స్టార్ విజయ్ దళపతికి కార్లు అంటే అమితమైన ఇష్టం. పాత కాలపు వాహనాలతోపాటు.. బీఎమ్డబ్ల్యూ మినీ కాపర్, టయోటా ఇన్నోవా, ఆడి ఎ8, రోల్స్ రాయిస్ ఘెస్ట్ వంటి కార్లు విజయ్ దగ్గర ఉన్నాయి. తాజాగా ఇంగ్లండ్ నుంచి రోల్స్ రాయిస్ను దిగుమతి చేసుకున్నాడు విజయ్. అయితే ఈ కారును దిగుమతి చేసుకున్నందుకు గానూ… పన్ను మినహాయింపు కోరుతూ విజయ్ కోర్టులో పిటిషన్ దాఖలు చేశారు. దీనిపై విచారణ జరిపిన హైకోర్టు.. విజయ్ దాఖలు చేసిన పిటిషన్ను కోర్టు కొట్టివేసింది. అలాగే కారుకు పన్ను కట్టనందుకు రూ. లక్ష జరిమానా విధించి.. ఆ మొత్తాన్ని ముఖ్యమంత్రి రిలీఫ్ ఫండ్కు విరాళంగా చెల్లించాలని ఆదేశించింది.
Thalapathy Vijay
విజయ్ ప్రస్తుతం నెల్సన్ దిలీప్ కుమార్ దర్శకత్వంలో బీస్ట్ సినిమా చేస్తున్నాడు. ఈ చిత్రాన్ని సన్ పిక్చర్స్ నిర్మిస్తుండగా.. పూజా హెగ్డే హీరోయిన్గా నటిస్తోంది. ఈ సినిమాకు అనిరుధ్ సంగీతం అందిస్తుండగా… యోగిబాబు, విటివి గణేష్ తదితరులు కీలక పాత్రలలో నటిస్తున్నారు. ఇటీవల కరోనా కారణంగా నిలిచిపోయిన ఈ మూవీ షూటింగ్.. తిరిగి ప్రారంభమైంది. చెన్నైలో ప్రత్యేకంగా నిర్మించిన గ్రాండ్ సెట్లో ఈ మూవీ చిత్రీకరణ జరుపుతున్నారు మేకర్స్.
Renu Desai: అతను నా వెనకుంటే.. ఈ ప్రపంచంలో ఏదీ నన్ను బాధించదు. ఆసక్తికర పోస్ట్ చేసిన రేణు దేశాయ్.
