Renu Desai: అతను నా వెనకుంటే.. ఈ ప్రపంచంలో ఏదీ నన్ను బాధించదు. ఆసక్తికర పోస్ట్‌ చేసిన రేణు దేశాయ్‌.
Renu Desai: నటిగా, నిర్మాతగా, రైటర్‌గా ఇలా తన బహుముఖ ప్రతిభతో ప్రత్యేక గుర్తింపును సంపాదించుకున్నారు రేణు దేశాయ్‌. వృత్తి పరంగా వివిధ పనులతో బిజీగా ఉన్నప్పటికీ కుటుంబానికి ఎంతో ప్రాముఖ్యత ఇస్తారు...
Renu Desai: నటిగా, నిర్మాతగా, రైటర్‌గా ఇలా తన బహుముఖ ప్రతిభతో ప్రత్యేక గుర్తింపును సంపాదించుకున్నారు రేణు దేశాయ్‌. వృత్తి పరంగా వివిధ పనులతో బిజీగా ఉన్నప్పటికీ కుటుంబానికి ఎంతో ప్రాముఖ్యత ఇస్తారు రేణు. ముఖ్యంగా పిల్లలే ప్రపంచంగా జీవిస్తోన్న రేణు దేశాయ్‌ తన చిన్నారులతో సరదాగా గడుపుతారు. కొన్ని సందర్భాల్లో రేణు చిన్నారులతో కలిసి విదేశాలకు కూడా వెళుతుంటారు. ఈ క్రమంలోనే కుమారుడు అకీరా నందన్‌, కూతురు ఆద్యాతో కలిసి దిగిన ఫొటోలను ఎప్పటికప్పుడు సోషల్‌ మీడియాలో అభిమానులతో షేర్‌ చేస్తుంటారు రేణు దేశాయ్‌. ఇక కవితలు ఎక్కువగా రాయడం అలవాటు ఉన్న ఒకప్పటి ఈ హీరోయిన్‌ తన భావాలకు అందమైన అక్షరాలను జోడిస్తూ పోస్టులు పెడుతుంటారు.
ఈ క్రమంలోనే తాజాగా కుమారుడు అకీరా నందన్‌తో దిగి ఓ ఫొటోను ఇన్‌స్టాగ్రామ్‌లో పోస్ట్‌ చేశారు రేణు. అకీరా.. తన వెనకాల నిల్చొని ఉన్న సమయంలో సెల్ఫీ ఫొటో తీసుకున్న రేణు ఆ ఫొటోను అభిమానులతో పంచుకున్నారు. ఇక ఈ ఫొటోకు.. ‘ఈ అద్భుతమైన వ్యక్తి (అకీరాను ఉద్దేశిస్తూ)నా వెనకాల ఉన్నంత వరకు నన్ను ఈ ప్రపంచంలో ఏదీ బాధించలేదు’ అంటూ ఆసక్తికరమైన క్యాప్షన్‌ జోడించారు. దీంతో ప్రస్తుతం ఈ ఫొటో నెట్టింట వైరల్‌గా మారింది. ఇక చాలా రోజుల తర్వాత అకీరాకు సంబంధించిన మరో ఫొటో బయటకు వచ్చింది. ఇందులో అకీరా మరింత ఆకట్టుకునేలా కనిపిస్తున్నారు. దీంతో అకీరా ఇండస్ట్రీ ఎంట్రీపై మరోసారి చర్చ జరుగుతోంది.
రేణు చేసిన పోస్టులు..
View this post on Instagram
ఇదిలా ఉంటే గత కొన్ని రోజుల క్రితం రేణు కూతురు ఆద్యా ఫొటోను కూడా షేర్‌ చేశారు. మొహానికి పెట్టుకోవాల్సిన మాస్క్‌ను తలకు పెట్టుకున్న ఆద్య ఫన్నీ ఫొటోను రేణు షేర్‌ షేర్‌ చేశారు.
View this post on Instagram
Also Read: Filmmaker: నిక్కరు వేసుకుంటే తమ ఊరిలో నవ్వుతారని ఆ సూపర్ హిట్ మూవీని రిజెక్ట్ చేసిన డైరెక్టర్
Nani: మరో ప్రయోగం చేయనున్న నేచురల్‌ స్టార్‌.. రెండు కాళ్లు కోల్పోయిన సైనికుడిగా కనిపించనున్న నాని.
