Pawan Kalyan: పవన్పై పిల్లల అభిమానం.. వెరైటీగా బర్త్ డే విషెస్ తెలిపిన 800 మంది విద్యార్థులు.. వీడియో ఇదిగో
ఏపీ డిప్యూటీ సీఎం, పవర్ స్టార్ పవన్ కల్యాణ్ సోమవారం (సెప్టెంబర్ 02) తన పుట్టిన రోజు జరుపుకోనున్నారు. ఈ సందర్భంగా ఇప్పటికే రెండు తెలుగు రాష్ట్రాల్లో పండగ వాతావరణం నెలకొంది. పవన్ అభిమానులు అన్నదాన కార్యక్రమాలు, రక్తదాన కార్యక్రమాలు ఏర్పాటు చేస్తున్నారు. అలాగే డిప్యూటీ సీఎం హోదాలో పవన్ ఇచ్చిన పిలుపు మేరకు మొక్కలు నాటే కార్యక్రమాలు కూడా చేపట్టబోతున్నారు
Updated on: Sep 01, 2024 | 4:37 PM
ఏపీ డిప్యూటీ సీఎం, పవర్ స్టార్ పవన్ కల్యాణ్ సోమవారం (సెప్టెంబర్ 02) తన పుట్టిన రోజు జరుపుకోనున్నారు. ఈ సందర్భంగా ఇప్పటికే రెండు తెలుగు రాష్ట్రాల్లో పండగ వాతావరణం నెలకొంది. పవన్ అభిమానులు అన్నదాన కార్యక్రమాలు, రక్తదాన కార్యక్రమాలు ఏర్పాటు చేస్తున్నారు. అలాగే డిప్యూటీ సీఎం హోదాలో పవన్ ఇచ్చిన పిలుపు మేరకు మొక్కలు నాటే కార్యక్రమాలు కూడా చేపట్టబోతున్నారు. ఇక సినిమాల పరంగా వస్తే. పవన్ బ్లాక్ బస్టర్ మూవీ గబ్బర్ సింగ్ సోమవారం థియేటర్లలో రీ రిలీజ్ కానుంది. ఇప్పటికే రికార్డు స్థాయిలో అడ్వాన్స్ బుకింగ్ జరిగాయి. ఇలా ఎవరికి తోచిన విధంగా వారు పవన్ కల్యాణ్ పై తమ అభిమానాన్ని చాటుకుంటున్నారు. ఈనేపథ్యంలో చిత్తూరు జిల్లా కుప్పం ప్రాంతానికి చెందిన పురుషోత్తమ్ అనే కళాకారుడు పవన్ కల్యాణ్ పై వినూత్నంగా తన అభిమానాన్ని చాటుకున్నాడు. స్థానికంగా ఉండే నోబెల్ స్కూల్ అద్వర్యంలో దాదాపు 800 విద్యార్థులు పవన్ కల్యాణ్ ఫొటో ప్రతిబింబించేలా సమహారంగా ఏర్పడి తన అభిమానాన్ని చాటుకున్నారు. ఇందుకు సంబంధించిన వీడియో ప్రస్తుతం సామాజిక మాధ్యమాల్లో బాగా వైరలవుతోంది. దీనిని చూసిన అభిమానులు, జనసైనికుల, కార్యకర్తలు అద్భుతంగా ఉందని కళా కారుడు పురుషోత్తంని అభినందిస్తున్నారు. అలాగే తమ గ్రూపుల్లో ఈ వీడియోను షేర్ చేస్తూ మరింత వైరల్ చేస్తున్నారు. పవన్ కల్యాణ్ కు ముందుస్తు పుట్టిన రోజు శుభాకాంక్షలు తెలియజేస్తున్నారు.
ఇక పవన్ పుట్టిన రోజున ఆయన సినిమాలకు సంబంధించిన క్రేజీ అప్ డేట్స్ సైతం రావచ్చునని తెలుస్తోంది. ప్రస్తుతం ఆయన హరి హర వీర మల్లు, ఓజీ, ఉస్తాద్ భగత్ సింగ్ తదితర సినిమాల్లో నటిస్తున్నారు. ఇప్పటికే ఈ మూడు సినిమాల షూటింగులు ప్రారంభమయ్యాయి. అయితే పవన్ పాలిటిక్స్ లో బిజీ కావడంతో షూటింగులకు బ్రేక్ ఇవ్వాల్సి వచ్చింది. త్వరలోనే పవన్ ఈ సినిమా షూటింగులకు హాజరవుతాడని నిర్మాతలకు మాటిచ్చినట్లు సమాచారం. వీలైనంత త్వరగా ఈ మూడు సినిమాలను పూర్తి చేసి రిలీజ్ చేసే యోచనలో ఉన్నారు పవన్. కాబట్టి సోమవారం వీటికి సంబంధించిన టీజర్స్, పోస్టర్స్ ఏవైనా రిలీజ్ కావొచ్చు.
వీడియో ఇదిగో..
Kuppam artist Purushottam @pooriarts innovatively unveiled @PawanKalyan‘s cover with 800 children at Kuppam Noble School on the occasion of Deputy CM Konidela Pawan Kalyan’s birthday. pic.twitter.com/QxBT7stuYm
— Monkey D.Luffy 🥋 (@gnani0414) August 31, 2024
మరిన్ని సినిమా వార్తల కోసం ఇక్కడ క్లిక్ చేయండి.
