చైనా యావో మహిళల పొడవైన జుట్టు సీక్రెట్.. రైస్ వాటరా ??

జుట్టు సంరక్షణ కోసం పురాతన కాలం నుంచి ఆసియా దేశాలలో వాడుతున్న బియ్యం కడిగిన నీరు ఇప్పుడు సోషల్ మీడియా పుణ్యమా అని ప్రపంచవ్యాప్తంగా ఓ కొత్త ట్రెండ్‌గా మారింది. జుట్టును ఆరోగ్యకరంగా ఉంచుతూ, వేగంగా పెరిగేలా చేయడానికి ఇది ఒక అద్భుతమైన మార్గమని చాలామంది నమ్ముతున్నారు. చైనాలోని హువాంగ్లువో గ్రామంలో నివసించే యావో తెగ మహిళలు తమ కేశ సౌందర్యంతో పేరు తెచ్చుకున్నారు. వారి జుట్టు 6 అడుగుల పొడవు పెరుగుతుంది. 80 ఏళ్ల వయసులోనూ వారి జుట్టు నల్లగా నిగనిగలాడుతూ ఉంటుంది. తరతరాలుగా వారు పాటిస్తున్న రహస్యం.. పులియబెట్టిన బియ్యం నీటితో తలస్నానం చేయడమే. ఈ ఒక్క ఉదాహరణతో రైస్ వాటర్‌పై ప్రపంచవ్యాప్తంగా ఆసక్తి పెరిగింది. బియ్యాన్ని నానబెట్టినప్పుడు లేదా ఉడికించినప్పుడు మిగిలే స్టార్చ్‌తో కలిసిన నీరే రైస్ వాటర్. ఇందులో అమైనో ఆమ్లాలు, విటమిన్లు, ఖనిజాలు, యాంటీఆక్సిడెంట్లు పుష్కలంగా ఉంటాయని చెబుతారు. ఇవి జుట్టు కుదుళ్లను బలోపేతం చేసి, జుట్టును చిక్కుపడకుండా సున్నితంగా మారుస్తాయని, వేగంగా పెరగడానికి దోహదపడతాయని అంటున్నారు. అయితే, దీనిపై శాస్త్రీయంగా పూర్తిస్థాయి ఆధారాలు ఇంకా లభించాల్సి ఉంది. 2010 నాటి ఒక అధ్యయనం ప్రకారం, రైస్ వాటర్ జుట్టు సాగే గుణాన్ని మెరుగుపరుస్తుందని తేలింది. కానీ, రైస్ వాటర్‌పై ప్రత్యక్షంగా జరిగిన పరిశోధనలు చాలా పరిమితం. ఆ నీరు చర్మానికి తేమను అందిస్తుందని కొన్ని అధ్యయనాలు సూచిస్తున్నాయి. బియ్యాన్ని అరగంట పాటు నీటిలో నానబెట్టి, ఆ నీటిని వడకట్టి నేరుగా వాడవచ్చు. లేదా ఆ నీటిని ఒకటి, రెండు రోజులు పులియబెట్టి వాడితే యాంటీఆక్సిడెంట్ల శాతం పెరుగుతుంది. షాంపూతో తలస్నానం చేశాక, ఈ రైస్ వాటర్‌ను తలకు, జుట్టుకు పట్టించి 20 నిమిషాల తర్వాత కడిగేయాలి. మొత్తం మీద, జుట్టు సంరక్షణకు ఇది చవకైన, సహజమైన మార్గంగా కనిపిస్తున్నప్పటికీ, ఫలితాలు వ్యక్తిని బట్టి మారవచ్చని గుర్తుంచుకోవాలి. వాడే ముందు ప్యాచ్ టెస్ట్ చేసుకోవడం మంచిది. నిపుణుల సూచనల మేరకే మీరు దీనిని అప్లయ్ చేయాలి. మేం మీ అవగాహన కోసమే ఈ సమాచారం అందించడం జరిగింది. సందేహాలుంటే వైద్య నిపుణులను సంప్రదించాలి.

మరిన్ని వీడియోల కోసం ఇక్కడ క్లిక్ చేయండి

Also Watch:

ఉదయాన్నే ప్లెయిన్ దోసె తింటున్నారా? ఈ షాకింగ్‌ విషయం విన్నారా ??

Rashmika Mandanna: వైరల్ అవుతున్న రష్మిక మేకప్ టాపిక్

Renu Desai: బద్రి సినిమా ముచ్చట్లు చెప్పిన రేణు దేశాయ్

Brahmastra 2: బ్రహ్మాస్త్ర సీక్వెల్ షూటింగ్ అప్‌డేట్ రివీల్

Dhurandhar: టాప్‌లో దూసుకుపోతున్న ధురంధర్ ఫ్రాంఛైజీ