Ranga Maarthaanda: రంగ మార్తాండ సినిమా థియేటర్స్‌లోకి వచ్చేది అప్పుడే.. అలాగే ఓటీటీకి కూడా

క్రియేటివ్ డైరెక్టర్ కృష్ణవంశీ దర్శకత్వంలో చాలా రోజుల తర్వాత వస్తోన్న సినిమా రంగమార్తాండ.టాలీవుడ్ లో కృష్ణవంశీ సినిమాలకు సపరేట్ ఫ్యాన్ బేస్ ఉంది. ఆయన సినిమాల్లో ఎదో స్పార్క్ ఉంటుంది. దేశభక్తి సినిమాలు, ఫ్యామిలీ ఎంటర్టైన్మెంట్స్ తో పాటు యాక్షన్ సినిమాలు కూడా తెరకెక్కించి మెప్పించారు ఈ క్రియేటివ్ డైరెక్టర్. కాగా ఇటీవల ఆయన సినిమాలకు చిన్న బ్రేక్ ఇచ్చారు. ఇక ఇప్పుడు మరో ఆసక్తికర సినిమాతో ప్రేక్షకులను అలరించడానికి రెడీ అవుతున్నాడు. ఆ సినిమానే రంగమార్తాండ.. ఈసినిమాలో ప్రకాష్ రాజ్, బ్రహ్మానందం, రమ్యకృష్ణ ముఖ్య పాత్రలు పోషిస్తున్నారు. ఎమోషనల్ డ్రామాగా తెరకెక్కుతోన్న ఈ సినిమాకు మాస్ట్రో ఇళయరాజా సంగీతం అందిస్తున్నారు.

ఇప్పటికే విడుదలైన ఈ సినిమా పాటలు విశేషంగా ఆకట్టుకున్నాయి. అలాగే ఈ సినిమాలో రాహుల్ సిప్లిగంజ్ , శివాత్మిక జంటగా నటిస్తున్నారు. రంగమార్తాండ సినిమా నట సామ్రాట్ అనే సినిమాకు రీమేక్ గా వస్తోంది. ఇప్పటికే ఈ సినిమా ను ఇండస్ట్రీలో చాలా మందికి ప్రీమియర్స్ వేసి చూపించారు కృష్ణవంశీ.

ఈ సినిమాను చూసిన వారందరూ చాలా బాగుందని, కన్నీళ్లు తెప్పించిందని, గుండె బరువెక్కింది అని చెప్తున్నారు. మార్చి 22న ఉగాది కానుకగా ఈ చిత్రాన్ని థియేటర్లలో విడుదల చేయనున్నారు. కాగా ఈ సినిమా ఓటీటీ రైట్స్ అమెజాన్ ప్రైమ్ సొంతం చేసుకుంది. ఈ సినిమా రిలీజ్ అయిన 4 లేదా 5 వారాలకు ఓటీటీలో స్ట్రీమింగ్ అవకాశం ఉందని తెలుస్తోంది. ఇప్పటికే ప్రీ బిజినెస్ భారీగా జరిగిందని తెలుస్తోంది.