Nayanthara: ధనుష్ చేసింది తప్పైతే.. మరీ నీ భర్త చేసింది ఏంటీ..? నయతార దంపతులపై నిర్మాత ఫైర్..

నానుమ్ రౌడీ థాన్ సినిమా నుంచి మూడు సెకన్ల ఫుటేజీని ఉపయోగించడానికి అనుమతి ఇవ్వడం లేదని.. ప్రతీకారంగా రూ.10 కోట్లు ఇవ్వాలని డిమాండ్ చేస్తున్నాడంటూ హీరో ధనుష్ పై నయనతార సంచలన వ్యాఖ్యలు చేసిన సంగతి తెలిసిందే. తాజాగా ఈ వివాదం పై ప్రొడ్యూసర్ ఎస్ఎస్ కుమరన్ స్పందిస్తూ నయన్, ఆమె భర్త విఘ్నేష్ పై తీవ్ర విమర్శలు గుప్పించారు.

Ss Kumaran, Nayanthara

Rajitha Chanti |
Updated on: Nov 17, 2024 | 6:56 AM

కోలీవుడ్ హీరో ధనుష్ పై హీరోయిన్ నయనతార తీవ్ర విమర్శలు చేసిన సంగతి తెలిసిందే. తమ పెళ్లి డాక్యుమెంటరీలో నానుమ్ రౌడీదాన్ సినిమాలోని మూడు సెకన్ల ఫుటేజీ వాడినందుకు మాపై పగ తీర్చుకోవడం సరికాదని.. ఓ చిన్న క్లిప్ వాడినందుకు రూ.10 కోట్లు నష్టపరిహారం డిమాండ్ చేయడం సరికాదని.. సూక్తులు చెప్పే నువ్వు పాటించవని.. నీ క్యారెక్టర్ ఏంటో ఇప్పుడు నీ అభిమానులకు తెలుస్తోందంటూ సంచలన వ్యాఖ్యలు చేసింది. ధనుష్ గురించి షాకింగ్ కామెంట్స్ చేస్తూ బహిరంగ లేఖ రాసింది. దీంతో నయన్ చేసిన కామెంట్స్ ఇండస్ట్రీలో చర్చనీయాంశమయ్యాయి. ఈ ఇష్యూపై అటు నయనతారకు.. ఇటు ధనుష్ కు సినీతారలు, దర్శకనిర్మాతల నుంచి మద్దతు లభిస్తుంది. ఈ క్రమంలో కోలీవుడ్ ప్రొడ్యూసర్, దర్శకుడు ఎస్ఎస్ కుమారన్ బహిరంగ లేఖ విడుదల చేశారు. ఇందులో ధనుష్ పై నయన్ చేసిన వ్యాఖ్యలను ఖండించారు. అలాగే ఆమె భర్త విఘ్నేష్ శివన్ పై విరుచుకుపడ్డారు.

“తన అనుమతి లేకుండా మూడు సెకన్ల ఫుటేజీని ఉపయోగించినందుకు ధనుష్ మీకు లీగల్ నోటీసు ఇచ్చారని మీరు తప్పుబడుతున్నారు. మరీ మీ భర్త చేసింది ఏంటీ.. నేను రిజిస్టర్ చేయించుకున్న టైటిల్ అని తెలిసి కూడా మీ భర్త ఎల్‌ఐసీ టైటిల్‌ని తన సినిమా కోసం ఉపయోగించాడు. ఆ టైటిల్ కోసం అతడు నన్ను నేరుగా కాకుండా వేరొకరిని పంపించాడు. అది నా సినిమా స్టోరీకి సంబంధించిన టైటిల్ అని చెప్పి నేను సున్నితంగా తిరస్కరించాను. అయినా నా అనుమతి లేకుండానే నేను రిజిస్టర్ చేయించుకున్న టైటిల్ నీ భర్త ఎలా ఉపయోగించారు. మరీ దీనిని మీరు ఎలా సమర్దిస్తారు. ఆ ఫుటేజీని ఉపయోగించడానికి మీ కంటే శక్తివంతమైన వ్యక్తి నుండి అనుమతి కోసం మీరు రెండేళ్లపాటు ఓపికగా వెయిట్ చేశారు. నేను చిన్న నిర్మాతను కాబట్టి నన్ను మీరు తొక్కేశారు. అది నిజంగా నన్ను కలచివేసింది. మీరు దానికి ఆన్సర్ ఇవ్వాలి. మీవల్ల నేను చాలా మానసిక క్షోభ అనుభవించాను. అది నా సినిమా పై కూడా ప్రభావం చూపించింది.

ప్రతి సినిమా నిర్మాత తన సినిమాల కోసం సయమాన్ని, డబ్బును వెచ్చిస్తారు.. కానీ మీరు మీ వ్యాపార ప్రయోజనాల కోసం ఏదైనా ఉపయోగించాలనుకుంటే మీరు చట్టబద్ధంగా సరైన విధంగా అనుమతి తీసుకోవాల్సిందే. మీరేమి ఉచితంగా నటించడం లేదు.. కానీ మీరు మాత్రం మా ఫుటేజ్, టైటిల్ ను ఉచితంగా ఉపయోగించుకోవడానికి ప్రయత్నిస్తారు. ఇది మీరు, మీ భర్త ఈ భయంకరమైన ట్రెండ్ ను సినిమా పరిశ్రమలో సెట్ చేయడానికి ప్రయత్నిస్తున్నారు” అంటూ లేఖ విడుదల చేశారు డైరెక్టర్ ఎస్ఎస్ కుమరన్.

ఇవి కూడా చదవండి