Redin Kingsley: సీరియల్ నటిని పెళ్లాడిన ‘జైలర్’ నటుడు రెడిన్.. సోషల్ మీడియాలో ఫోటోస్ వైరల్..

నయనతార నటించిన కొలమావు కోకిల సినిమాతో హాస్య నటుడిగా పాపులారిటీని సొంతం చేసుకున్న రెడిన్.. ఇప్పుడు వివాహ బంధంలోకి అడుగుపెట్టాడు. తమిళంలో పలు సీరియల్లలో నటించిన సంగీతను రెడిన్ ఈ రోజు (డిసెంబర్ 10)న వివాహం చేసుకున్నారు. చెన్నైలో జరిగిన వీరి పెళ్లికి ఇరు కుటుంబసభ్యులతోపాటు.. సన్నిహితులు, కోలీవుడ్ ప్రముఖులు హజరయ్యి నూతన వధూవరులకు శుభాకాంక్షలు తెలిపారు. ప్రస్తుతం వీరి వివాహనికి సంబంధించిన ఫోటోస్ నెట్టింట వైరలవుతుండగా..

Redin Kingsley

Rajitha Chanti |

Updated on: Dec 10, 2023 | 5:01 PM

కోలీవుడ్ ఇండస్ట్రీలో ఫేమస్ కమెడియన్‏లలో రెడిన్ కింగ్ల్సీ ఒకరు. తన కామెడీ టైమింగ్.. నటనతో ప్రేక్షకులను కడుపుబ్బా నవ్వించాడు. ఇటీవల సూపర్ స్టార్ రజిని కాంత్ నటించిన జైలర్ సినిమాతో అటు తమిళంలోనే కాకుండా ఇటు తెలుగులోనూ మంచి గుర్తింపు తెచ్చుకున్నాడు. నయనతార నటించిన కొలమావు కోకిల సినిమాతో హాస్య నటుడిగా పాపులారిటీని సొంతం చేసుకున్న రెడిన్.. ఇప్పుడు వివాహ బంధంలోకి అడుగుపెట్టాడు. తమిళంలో పలు సీరియల్లలో నటించిన సంగీతను రెడిన్ ఈ రోజు (డిసెంబర్ 10)న వివాహం చేసుకున్నారు. చెన్నైలో జరిగిన వీరి పెళ్లికి ఇరు కుటుంబసభ్యులతోపాటు.. సన్నిహితులు, కోలీవుడ్ ప్రముఖులు హజరయ్యి నూతన వధూవరులకు శుభాకాంక్షలు తెలిపారు. ప్రస్తుతం వీరి వివాహనికి సంబంధించిన ఫోటోస్ నెట్టింట వైరలవుతుండగా.. కొత్త జంటకు శుభాకాంక్షలు తెలియజేస్తున్నారు నెటిజన్స్. రెడిన్ భార్య సంగీత మాస్టర్ సినిమాలో డాక్టర్ పాత్రలో నటించింది.

తమిళ్ ఇండస్ట్రీలో రెడిన్ కామెడీ స్టైలే వేరు. అమాయకంగా కనిపిస్తూనే.. తన డైలాగ్ డెలివరీ.. కామెడీ టైమింగ్‏తో నవ్వులు పూయిస్తుంటారు. ఇక ఆయన వాయిస్ సైతం ప్రత్యేకంగా ఉంటుంది. దీంతో అతి తక్కువ సమయంలోనే తనకంటూ ఓ గుర్తింపు తెచ్చుకున్నాడు. ప్రస్తుతం రెడిన్ వయసు 44 సంవత్సరాలు. 1977లో తూత్తుకుడి జిల్లాలో జన్మించాడు. అజిత్ కుమార్ నటించిన ఆయన వరువాల సినిమాలోని రుక్ రుక్ పాటలో బ్యాగ్రౌండ్ డాన్సర్ గా కనిపించాడు. ఆ తర్వాత అతడికి సినిమా అవకాశాలు రాలేదు. అదే సమయంలో చెన్నై, బెంగుళూరులలో కొన్ని వ్యాపారాలు చేసేవాడు. ఆ సమయంలో డైరెక్టర్ నెల్సన్ దిలీప్ కుమార్ తో స్నేహం ఏర్పడింది.

#RedinKingsley and #Sangeetha were in a relationship for more than an year or so ❤

They got married at chamundeshwari temple at Mysore pic.twitter.com/G3MRK3q5en

— Kollywood Pictures (@KollywoodPics) December 10, 2023

Couple of the Year 😍#RedinKingsley #Sangeetha pic.twitter.com/0Su8lnY7a1

— 𝐕𝐢𝐣𝐚𝐲 𝐊𝐚𝐫𝐭𝐡𝐢𝐤𝐞𝐲𝐚𝐧‎ツ🥷🏼 (@VijayKarthik27) December 10, 2023

ఆ తర్వాత నయనతార నటించిన కోలమావు కోకిల సినిమాలో తన నటనతో ఫేమస్ అయ్యాడు. అలాగే సంతానం నటించిన ఏ1 చిత్రంలో కనిపించాడు. విజయ్ దళపతి, శివ కార్తికేయన్, రజినీకాంత్ సినిమాల్లో నటించాడు. ఇటీవల విడుదలైన జైలర్ సినిమాతో తెలుగు, తమిళంలో ప్రేక్షకులకు దగ్గరయ్యాడు. ప్రస్తుతం కోలీవుడ్ ఇండస్ట్రీలో రెడిన్ చేతినిండా సినిమాలతో బిజీగా ఉన్నాడు.