వరుసగా పనిమనిషి పాత్రలు.. విసుగొచ్చి సినిమాలు మానేసింది.. ఇప్పుడు ఓటీటీ స్టార్..

ఇండస్ట్రీలో వైవిధ్యమైన పాత్రలు.. విలక్షణ నటనతో మెప్పించిన తారలు చాలా మంది ఉన్నారు. స్టార్ హీరోహీరోయిన్స్ మాదిరిగానే సహయ నటులు సైతం పాపులారిటీ సొంతం చేసుకున్నవారి గురించి చెప్పక్కర్లేదు. అయితే సినిమాల్లో వరుసగా పనిమనిషి పాత్రలు రావడంతో సినిమాలు వదిలేసిన ఓ నటి గురించి మీకు తెలుసా..? ఇప్పుడు ఆమె ఓటీటీ స్టార్.

Sunita Rajwar

Rajitha Chanti |
Updated on: Jul 10, 2025 | 8:55 PM

సినీరంగంలో ఎన్నో సవాళ్లను ఎదుర్కొన్నప్పటికీ ఆమె తరచూ స్టీరియోటైపికల్ లేదా పనిమనిషి పాత్రలతోనే వెండితెరపై కనిపించింది. దీంతో నిరాశకు గురైన ఆమె నటన నుంచి తప్పుకుంది. కానీ ఇప్పుడు ఓటీటీలో స్టార్ అయ్యింది. ఇటీవల సూపర్ హిట్ అయిన పంచాయత్ సిరీస్ లో క్రాంతి దేవి పాత్రలో నటించి మరోసారి ప్రశంసలు అందుకుంది. ఆమె సహజ నటనకు అడియన్స్ ఫిదా అయ్యారు. ఇంతకీ ఆ నటి ఎవరో తెలుసుకుందామా.. ఆమె పేరు సునీతా రాజ్ వర్. పంచాయత్ సిరీస్ లో క్రాంతి దేవి పాత్రలో కనిపించింది. ఈ సిరీస్ ద్వారా ఆమె ఓటీటీ స్టార్ గా గుర్తింపు తెచ్చుకుంది.

కానీ ఒకప్పుడు ఆమె NSDలో శిక్షణ పొందింది. కెరీర్ మొదట్లో వరుసగా పనిమనిషి, సేవకురాలి పాత్రలతోనే నటించింది. దీంతో ఆమె పూర్తిగా నిరాశ చెంది నటనను పూర్తిగా వదిలేయాలని నిర్ణయించుకుంది. చిన్నతనంలోనే సునీతకు సినిమాలంటే నటనపై ఆసక్తి ఎక్కువ. నటి కావాలనే ఆసక్తితో హల్ద్వానీ నుండి ఢిల్లీకి NSDలో చేరింది. ముంబైకి చేరుకున్న తర్వాత ఆమెకు సరిపోయే పాత్రలు దొరకడం కష్టమైంది. చాలాసేపు వేచి చూసిన తర్వాత ఆమెకు ఎక్కువగా పనిమనిషి పాత్రలు వచ్చాయి. దీంతో విసుగు చెందిన ఆమె.. నటనారంగం నుంచి దూరమైంది. కొన్నాళ్ల తర్వాత ఇప్ుపుడు పంచాయత్ సిరీస్ ద్వారా ఫేమస్ అయ్యింది.

ఇవి కూడా చదవండి

ఆమె ‘పంచాయత్’లో బనారకస్ భార్య క్రాంతి దేవి పాత్రకు ప్రాణం పోసింది. ‘స్త్రీ’తో పాటు, సునీత ‘కేదార్‌నాథ్’, ‘ఏక్ చాలీస్ కి లాస్ట్ లోకల్’, ‘బాలా’ వంటి చిత్రాలలో నటించింది.