Idupu Kayitham: నాగదుర్గ మొదటి సినిమా ‘ఇడుపు కాయితం’ అంటే అర్థమేంటో తెలుసా? నెట్టింట చర్చ

ప్రియదర్శి హీరోగా, తెలుగు అమ్మాయి నాగదుర్గ హీరోయిన్‌గా ఒక సినిమా ప్రారంభమైన సంగతి తెలిసిందే. దొండపాటి వంశీరెడ్డి తెరకెక్కిస్తోన్న ఈ సినిమా ఫస్ట్ లుక్ తో పాటు టైటిల్ ను గురువారం (జూన్ 26) అధికారికంగా అనౌన్స్ చేశారు మేకర్స్. తెలంగాణ గ్రామీణ నేపథ్యంలో తెరకెక్కుతోన్న ఈ సినిమాకు ‘ఇడుపు కాగితం’ అనే టైటిల్ ను ఫిక్స్ చేశారు మేకర్స్. అయితే ఈ టైటిల్ ప్రకటించినప్పటినుంచి సోషల్ మీడియాలో విపరీతమైన చర్చ జరుగుతోంది. అసలు ‘ఇడుపు కాయితం’ అంటే ఏమిటి? అని కొంత మంది ప్రశ్నిస్తున్నారు. ఎందుకంటే ఇది పూర్తిగా తెలంగాణ మాండలికానికి చెందిన పదం. దీంతో ఆంధ్రా ప్రాంతానికి చెందిన వారికి ఈ పదం పెద్దగా పరిచయం లేదు. అంతెందుకు హైదరాబాద్‌లోనే పుట్టి పెరిగిన నేటి తెలంగాణ తరానికి కూడా ఈ ఇడుపు కాగితం అంటే అర్థం తెలియదు. దీంతో కొంతమంది నెటిజన్లు ఈ సినిమా పేరుపై సెటైర్లు వేస్తున్నారు? దీనిని తెలుగు భాషలో డబ్ చేస్తారా? సబ్ టైటిల్స్ అయినా పెడతారా? అంటూ నెగెటివ్ కామెంట్స్ చేస్తున్నారు. దీనిపై తెలంగాణకు చెందిన పలువురు ప్రముఖులు, విద్యావేత్తలు స్పందిస్తున్నారు. ‘ఇడుపు కాగితం’ పదానికి అర్థమేంటో క్లారిటీ ఇస్తున్నారు.

‘ఇడుపు కాయితం’ పదం విషయానికి వస్తే.. ఇందులో ఇడుపు, ఇడుసు అంటే వదలిపెట్టడం అని అర్థం. అంటే విడిచిపెట్టేటప్పుడు రాసుకునే ఒక అగ్రిమెంటే ఈ ఇడుపు కాగితం. కరెక్ట్ గా మన భాషలో చెప్పాలంటే విడాకుల పత్రం అన్నమాట. ఇప్పుడంటే భార్యాభర్తలు విడిపోవాలంటే విడాకులు తీసుకకుంటున్నారు. ఇందు కోసం చట్ట ప్రకారం కోర్టుల చుట్టూ తిరుగుతున్నారు. అయితే కొన్నేళ్ల ముందు కలిసి నడవలేమని నిర్ణయించుకున్న భార్యాభర్తలు పెద్ద మనుషుల సమక్షంలో విడిపోవడానికి ఒక ఒప్పందం పత్రం రాసుకునే వారట. దీన్నే ఇడుపు కాయితం అని పిలిచేవారు. ఇప్పటికీ తెలంగాణలోని కొన్ని గ్రామీణ ప్రాంతాల్లో కొన్ని జంటలు ఇడపు కాయితం రాసుకునే విడిపోతున్నారట. అయితే ఈ అర్థం తెలియక కొందరు నెటిజన్లు ఈ సినిమా పేరును ట్రోల్ చేస్తున్నారు. అదే సమయంలో తెలంగాణ మాండలికాన్ని అవమానపర్చొద్దంటూ తెలంగాణ మేధావులు, విద్యావేత్తలు ట్రోలర్లకు కౌంటర్లు ఇస్తున్నారు.

ఇవి కూడా చదవండి

నేను, ఆ స్టార్ హీరోలంతా కలిసి ఒకే ఇంట్లో అద్దెకు ఉండే వాళ్లం

మాస్క్‌లో ఉన్న ఈ స్టార్ హీరోను గుర్తు పట్టారా?

ఆ వ్యాధితో పోరాడుతున్నాను.. షాకింగ్ విషయం చెప్పిన సింగర్ సునీత

తాళి కట్టు శుభవేళ.. కన్నీటిపర్యంతమైన జబర్దస్త్ ఫైమా.. వీడియో

ఇడుపు కాయితం సినిమాలో నాగదుర్గ, ప్రియదర్శి..

ఇడుపు కాయితం || Idupu Kaytham

The story of our Lives ♥️@SukumarWritings @TheBunnyVas #ThabithaSukumar #VamsiDondapati pic.twitter.com/VAmbQOLuPZ

— Priyadarshi Pulikonda (@Preyadarshe) June 25, 2026

మరిన్ని సినిమా వార్తల కోసం ఇక్కడ క్లిక్ చేయండి.