తమన్నా మీకిది తగునా.. చివరికి మీరు కూడానా..?

దక్షిణాది సినిమాలపై నటి తమన్నా భాటియా చేసిన వ్యాఖ్యలు ప్రస్తుతం చర్చనీయాంశంగా మారాయి. సౌత్ ఇండస్ట్రీ హీరోయిన్లను గౌరవప్రదంగా చూపదని, కేవలం గ్లామర్ డాల్స్‌గా మాత్రమే పరిగణిస్తుందని ఆమె సంచలన ఆరోపణలు చేశారు. సౌత్ సినీ పరిశ్రమలో పురుషాధిక్యత ఎక్కువగా ఉంటుందని, నటనకు సరైన ప్రశంసలు దక్కవని తమన్నా పేర్కొన్నారు. అయితే, తమన్నా బాలీవుడ్‌కు వెళ్లిన తర్వాత ఈ వ్యాఖ్యలు చేయడంపై సోషల్ మీడియాలో విమర్శలు వెల్లువెత్తుతున్నాయి. పేరు తెచ్చిపెట్టిన ఇండస్ట్రీపైనే విమర్శలు చేయడం ఏమిటని పలువురు ప్రశ్నిస్తున్నారు. గతంలో పూజ హెగ్డే, తాప్సీ పన్ను వంటి హీరోయిన్లు కూడా దక్షిణాది పరిశ్రమపై ఇదే తరహా వ్యాఖ్యలు చేశారు. తన నడుముపై పెట్టిన ఫోకస్ కథపై పెట్టరని పూజ హెగ్డే అనగా, రాఘవేంద్రరావు వంటి వారిపై తాప్సీ అప్పట్లో వివాదాస్పద వ్యాఖ్యలు చేశారు. ఇలియానా డిక్రూజ్, రాధికా ఆప్టే వంటి తారలు సైతం సౌత్‌లో ఉన్నప్పుడు ప్రశంసించి, బాలీవుడ్‌కు వెళ్ళాక మాట మార్చారనే వాదన ఉంది. ఈ మార్పు వెనుక కారణాలు అస్తిత్వమా లేక అవకాశాలా అనేది ప్రశ్నార్థకంగా మారింది.

మరిన్ని వీడియోల కోసం :