Preity Zinta: ఒకప్పుడు టాలీవుడ్ తోపు హీరోయిన్.. పదేళ్లుగా సినిమాలకు దూరం.. ప్రీతి జింటా ఆస్తులు తెలిస్తే గుండె గుభేల్..

తెలుగు ప్రేక్షకులకు పరిచయం అవసరంలేని పేరు ప్రీతి జింటా. తెలుగు, తమిళం, హిందీ భాషలలో ఎన్నో సూపర్ హిట్ చిత్రాల్లో నటించింది. అప్పట్లో సౌత్ ఇండస్ట్రీలో టాప్ హీరోయిన్లలో ఆమె ఒకరు. కొన్నాళ్లుగా సినీ ప్రపంచానికి దూరంగా ఉన్న ప్రీతి జింటా ఇప్పుడు కోట్లు సంపాదిస్తుంది. భారతదేశంలోనే కాకుండా వివిధ దేశాల్లోనూ కోట్ల సంపద కలిగి ఉంది.

Preity Zinta

Rajitha Chanti |

Updated on: Jan 31, 2025 | 5:01 PM

పాన్ ఇండియా హీరోయిన్ ప్రీతి జింటా ఒకప్పుడు టాప్ హీరోయిన్. అప్పట్లో ఆమెకు ఓ రేంజ్ క్రేజ్ ఉండేది. ఈ ముద్దుగుమ్మకు అభిమానులు డింపుల్ గర్ల్ అంటూ ప్రేమగా పిలుచుకుంటారు. తెలుగు, హిందీలో అనేక సినిమాల్లో నటించి తనకంటూ మంచి ఫాలోయింగ్ సొంతం చేసుకుంది. అందం, అభినయంతో అడియన్స్ హృదయాల్లో చోటు సంపాదించుకుంది. ఈరోజు ప్రీతిజింటా 50వ పుట్టినరోజు. కొన్నాళ్లుగా సినిమాల్లో యాక్టివ్ గా లేకపోయిన నిత్యం ఏదోక విషయంతో వార్తలలో నిలుస్తుంది. దిల్ సినిమాతో బాలీవుడ్ ఇండస్ట్రీలోకి అడుగుపెట్టింది ఈ ముద్దుగుమ్మ. ఆ తర్వాత వీర్ జారా, కోయి మిల్ గయా, క్యా కెహనా, సోల్జర్, దిల్ చాహ్తా హై, దిల్ హై తుమ్హారా, లక్ష్య, కభీ అల్విదా నా కెహనా, మిషన్ కాశ్మీర్ వంటి పలు చిత్రాల్లో పవర్ ఫుల్ పాత్రలు పోషించి అభిమానుల హృదయాలను ఏలింది. తెలుగులో వెంకటేశ్ సరసన ప్రేమంటే ఇదేరా సినిమా, మహేష్ బాబు జోడిగా యువరాజు చిత్రాల్లో నటించి పాపులర్ అయ్యింది.

ఇదిలా ఉంటే.. లైఫ్ స్టైల్ ఆసియా ప్రకారం, 2024 నాటికి ప్రీతి జింటా నికర విలువ దాదాపు 183 కోట్లుగా అంచనా. బ్రాండ్ ఎండార్స్‌మెంట్ల కోసం నటి రూ. 1.5 కోట్లు తీసుకుంటుంది . ఏడాదికి రూ.12 కోట్లు తీసుకుంటుంది. ముంబై, సిమ్లాలో విలాసవంతమైన ఇల్లు కూడా కలిగి ఉంది. 2023లో, ప్రీతి ముంబైలోని పాలి హిల్‌లో రూ. 17 కోట్ల విలువైన కొత్త ఆస్తిని కొనుగోలు చేసింది. ప్రీతి జింటాకు అనేక లగ్జరీ కార్లు కూడా ఉన్నాయి. ఇందులో Lexus LX 470 క్రాస్‌ఓవర్ కూడా ఉంది. ఈ కారు ధర 12 లక్షల రూపాయలు. నటికి పోర్షే, మెర్సిడెస్ బెంజ్ ఇ క్లాస్, బిఎమ్‌డబ్ల్యూ కూడా ఉన్నాయి.

ఇవి కూడా చదవండి

నివేదికల ప్రకారం, ప్రీతి జింటా పంజాబ్ కింగ్స్ యజమాని. 2008లో, నటి నెస్ వాడియా, మోహిత్ బర్మన్, ఇతరులతో కలిసి జట్టును రూ. 6.22 మిలియన్లకు కొనుగోలు చేసింది. 2022లో, జట్టు విలువ 925 మిలియన్ డాలర్లకు పెరిగింది. నటి జట్టులో రూ.350 కోట్లు పెట్టుబడి పెట్టింది. ఈ హీరోయిన్ 2016లో జీన్ గూడెనఫ్‌ను వివాహం చేసుకుంది. వీరిద్దరు ఐదేళ్లు ప్రేమలో ఉన్నారు. సరోగసి ద్వారా కవలలకు జన్మనిచ్చింది.